طالبه متخرجه و حابه اقدم للمعيديه

[manar7000]

السلام عليكم

انا طالبه متخرجه و حابه اقدم للمعيديه
ايش الشروط المطلوبه ؟
يعني المعدل المطلوب و كدا ؟
و هل الدورات اللي اخدتها في الجامعه حتساعدني ؟
و اي شروط اخرى مطلوبه

[sniper-1100]

ماشـاء الله يارب تتيسر امـورك

لو قلتي كلية الصيدلة كنت افـدتـك

لكن كلية الاداب انشاءالله يفيدوك الاخـوات اكثـر

[manar7000]

شكرا لك

معقوله محد عندو فكره ؟

[امونة المزيونة]

معدلك جيد جدا وفوق
عندك اختبار توفل او ستيب

اهم شرطين الباقي اشيا عادية ، واكيد خبراتك ودوراتك يفرقو بالمفاضلة ،،،

بالتوفيق

[نقطة انتهى]

طيب معليش استفسار يعني لازم يكون في اعلان تقديم على وظيفة معيدة او عادي جايبة امتياز تروح مباشرة وتقدم اوراقها وكدا ؟؟

[راما&&]

طيب ممكن استفسار عن اختبار التوفل هل اخذه من معهد او يكون فيه اختبار تعقده الجامعة
وشكرا

[امونة المزيونة]

المشاركة الأصلية كتبت بواسطة نقطة انتهى طيب معليش استفسار يعني لازم يكون في اعلان تقديم على وظيفة معيدة او عادي جايبة امتياز تروح مباشرة وتقدم اوراقها وكدا ؟؟

اممممم
هوه تستنى اعلان ينزل وتقدمي بس في بنات يروحو يحطو ملفاتهم بالقسم عشان اذا صار فيه احتياج تكون الاولوية لهم ، مدري هما يفكرو كذا بس مرة وحدة من البنات راحت تقدم ملفها قالتلها السكرتيرة مقدر اخدو منك انتي تابعي الموقع وشوفي وقت مانعلن تعالي..

دعواتك

[امونة المزيونة]

المشاركة الأصلية كتبت بواسطة راما&& طيب ممكن استفسار عن اختبار التوفل هل اخذه من معهد او يكون فيه اختبار تعقده الجامعة وشكرا

اختبار التوفل تسجلي بالموقع ويطلعلك اماكن تختاري اللي تبغي وتختبري ، والمعاهد والجامعات تعمل دورات عنو كاستعداد للاختبار..

دعواتك..

[manar7000]

^ يعطيكي العافيه حبيبي
الله يوفقك دونيا و آخره يارب