تغيير البطاقه الجامعيه بعد السنه التحضيريه

[الجابر 2009]

هل لازم اغيرها اذا تخصصت
انا ماني من جده
كيف اسوي

[رغم الصعاب ابقى انا]

والله وانا اخوك انا نتفس وضعك ماوصلتني البطاقة الجديده بعدالتخصص بالمستوى الثالث ويقاال انه اذا ماوصلتك تروح للجامعه وتطلبها

[الجابر 2009]

شكرا اخوي على تجاوبك
لكن كيف سويت طلبت البطاقه
او هم يغيرونها لوحدهم

[رغم الصعاب ابقى انا]

قالو لي الشباب اتصل علا الجامعه اتصلت بس لاحيــــــــــــــــــــــــــــــــــــــــــــــ ــــــــــــــــــــــــــــــــــــــــــــــــاة لمن تتصل مالنا إلا نصبر اذا جا وقت الاختبارات رحنا واخذناها إن شاء الله

[أبو المنذر]

بالنسبة للبطاقة الجامعية بعد السنة التحضيرية تذهب وتغيرها من القبول والتسجيل في وقت الاختبارات .
نفس الشيء سويته بعد تخصصي ذهبت وغيرتها .
ولكم تحياتي .

[هيبة ملاك]

يغيروها بنفس الوقت ماتاخذ 5 دقايق
جيبي صورة لكي واعطيها للموظفه وب5 دقايق تغيرها بعمادة القبول والتسجيل

[ليلي طويل]

الله كريم شد حيلك في دراستك الى الاختبارات وبعد آخر ترم عطهم بطاقتهم وخذ وثيقت التخرج
وقل باااااااي

[wooOOoow]

يارجال مايحتاج تغيرها ..

انا بالمستوى السادس ولا غيرتها للحين

تكفى ياجامعه كامبردج الحين !!


اخر ترم رح عطهم بطاقتك هذي وخلهم يعطونك وثيقة التخرج .. وكفى الله المؤمنين شر القتال
ركز بس بدراستك ولا عليك من بطاقتك ..

[fna]

من جد

تكفى ياجامعة هارفرد


ان خريج هالترم وبطاقاتي هي هي

وترى مالها فائدة الا انهم يتأكدون من خشتك وقت الاختبار

ترى شدة الحيل زينه بس مو مره عاد

[الجابر 2009]

الله يعطيكم العافيه على تجاوبكم
ما دام البطاقه تبقي مكتوب فيها السنه التحضيريه
ولا يركزون عليها فالحمد لله