للخبره بالمواد الحره( الترم الخامس)

[عبدالعزيز الخالد]

السلام عليكم ورحمة الله وبركاته


حبيت استفسر على المواد

المستوى الخامس عندي مقرر اختياري دخلت على الاضافه والحذف ماحصلت مقرر اختياري كلها مقرارات حره مع ان على حسب معلوماتي انها تختلف عن بعض


فياليت اهل الخبره يعطونا خبر وتوضيح في هالنقطه في الاوديس هل هم واحد او انا ما نزلي مقرر اختياري لسى

اضافه وش افضل واسهل المواد للرفع المعدل وكيف اعرف دكتور الماده


وشاكر لكم

[عبدالعزيز الخالد]

شباب

في نقطه للايضاح لما سددت الرسوم نزلي بجدولي مادتين

ماده محاسبه حكوميه وذي متوقعه تنزل

ومادة ثقافه اسلاميه 4 وذي اصلا على حسب الخطه الدراسيه انها باخر ترم

[أبو فاتن]

المواد الحره والاختيارية موجودة في الأوديس في خانة الحذف والإضافة ولكن جميع المواد في هذه القائمة يكتب أمامها ماده حره
فعلى الطالب / الطالبة التفريق بينها برقم المادة ورمزها ليعرف ماهي المادة الحره وماهي المادة الأختيارية

[عبدالعزيز الخالد]

الله يعطيك العافيه ابو فاتن

وش تنصحوني اختار من المواد الحره

علما اني مساري تنظيم وتطوير اداري

وكيف اعرف دكتور المادهـ

[أبو فاتن]

المشاركة الأصلية كتبت بواسطة عبدالعزيز الخالد الله يعطيك العافيه ابو فاتن وش تنصحوني اختار من المواد الحره علما اني مساري تنظيم وتطوير اداري وكيف اعرف دكتور المادهـ

هلابك أخوي المعذرة بالنسبة لي أتجنب أنصح بأي مادة

أما كيف تعرف دكتور المادة الله يسلمك

تدخل على الأوديس
تختار قائمة الشعب
تفتح معاك صفحة فيها رمز المادة ,, السنة الدراسية ,, الفصل الدراسي
بعد كذا استعلام وتجيك جميع المواد اللي بالرمز المختار وتروح تبحث عن رقم المادة اللي تبيها وتلقى دكتورها واقف مشخص ولابس نظارة شمسية قدام المادة

[عبدالعزيز الخالد]

بيض الله وجهك ما قصرت

فعلا عرفت الدكاترهـ

يعطيك العافيه

باقيلي الاختياريه والحره ماعرفت اميز بينهم ياليت لو ايضاح بسيط

ادري تعبتك تحمل هههههه

[أبو فاتن]

المشاركة الأصلية كتبت بواسطة عبدالعزيز الخالد بيض الله وجهك ما قصرت فعلا عرفت الدكاترهـ يعطيك العافيه باقيلي الاختياريه والحره ماعرفت اميز بينهم ياليت لو ايضاح بسيط ادري تعبتك تحمل هههههه

ولا يهمك أخوي عيوني لك ولكل أخ / أخت أعزاء أقدر أقدم لهم خدمة فلا تتحرج بالسؤال في طلب العلم

وإن ماقدرت أو ماعرفت أجاوبك تأكد بأنه هناك من هو أفضل مني راح يجاوبك فلا تشيل هم


أسمعني وأنا أخوك المواد الحره والأختيارية شلون تعرفها

أول شي لازم تعرف إن أغلب المواد اللي بتكون عندك في القائمة اللي أنت تقول مكتوب أمامها ماده حره هي في الأصل مواد حره ومنها مواد أختيارية
يعني إنت إذا حددت مادة إختيارية وتبي تضيفها عادي ( أحفظ رمزها ورقمها ) وروح لم هالخانة وبتلقاها حتى لو لقيت أمامها مكتوب حره عادي مو مشكلة

يعني مثال : إنت أخترت الحين مادة النظام السياسي السعودي على إنها مادة اختيارية فإذا رحت لقائمة المواد بالحذف والإضافة راح تلقى المادة بهالشكل ps 111 ومكتوب أمامها حره لكن هي في حقيقة الأمر مادة اختيارية وراح تحسب لك كمادة اختيارية كل ماعليك إنك تضيفها وراح تنزل بجدولك





المعذرة من الجميع على الإطالة بس حاولت أوصل المعلومة



بالتوفيق

[عبدالعزيز الخالد]

الله يعطيك العافيه

وكل عام وانتم بصحه وسلامه

وافي اخوي وبيض الله وجهك