هااااام لدفعة 12 [ موضوع كيفية القبول + معلومات مههههههمة ]

[محمد الداود]

السلام عليكم ورحمة الله ^_^ ..
كيفكم يا أحبتنا في دفعة 12 ..
ودي أوضحلكم أمر الظاهر أنه غايب عن - بعض - الإخوة و الأخوات
ولازم يوصل الموضوع يا أحبة لهؤلاء "البعض" لأنه مهممممممم جدددااً
باخذ كلية الطب كمثال، لقلة خبرتي في الكليات الثانية

~ النسبة الخاصة ~
هيا نسبة المواد الخاصة بالكلية اللي انت تبغاها ..
مثلاً.. كلية الطب
موادها الخاصة [ فيزياء + أحياء + كيمياء + مستويات الانقلش اللي اخذتها ]
تجمع درجات هذي المواد وتقسمها على عددها ( المتوسط الحسابي )
الناتج لازم يكون 85 وأعلى عشان تدخل في المفاضلة "المنافسة على مقاعد الكية"
مو عشان تنقبل ..

سـ/ إش المفاضلة وكيف انقبل في الكلية طيب ؟؟!!!!
جـ / باختصار الكلية طالبة مثلاً 180 طالب ..
واللي جابوا النسبة الخاصة ( 85 وفوق ) 300 طالب !!
كلهم حيدخلوا في المفاضلة اللي هيا المنافسة على المقاعد
هنا .. الكلية حتشوف أعلى 180 نسبة عامة ( نسبة كل المواد ) "" وتقبلهم""

سؤاااال خطييييير !!!!
سـ/ إذا جبت في أحد المواد الخاصة أو في أي مادة .. +b أو b أو حتى d !!!
محااا انقبل في اللي أبغاااااهـ ؟؟؟!!!
جـ / طبعاً لأ ..
المطلوب يكون المتوسط الحسابي 85 وأعلى مـو كل مادة !!!
فيا أحبة اللي خبص في اااااي مادة يقدر يعوض في المواد الثانية ..
وصفوكم من أي أحد يقلكم ""لاااازم كل مادة b+"" طالب ولا دكتور ولا مين !!!!
بس أهم شي اضمنوا النسبة الخاصة اللي تدخلكم في المفااضلة..
لأنوا في طلاب كانت درجااتهم توب ماا شااء الله بس أهملوا في أحد المواد الخاصة..
وما دخلوا حتى في المفاااضلة !!!!

~ النسبة العامة "الموزونة" ~
اللي يدخل فيها "كل" موادك وهيا اللي آآخر طالب انقبل طب في الفرع الرئيسي
كانت نسبته العامة 92.52 ..

بعض المعلومات المهههههمة ..

- لاتهتموا بالمواد الخاصة على حساب المواد الثانية..
عشان تتجنبوا الاسوأ ""عدم قبولكم في المفاضلة !!! زي أصحابنا اللي فوق

- العبرة بالخواتيم ،فاللي خبص في البداية زيي *_*
وراكم الكثير من الوقت للعمل الجاد وتعديل المسار..

- النسب تتغير من سنة لسنة دفعة 10 وقف الطب الرئيسي 89 وفواصل
احنا صاارت 92 ونص .. فلا تعتمدوا عليها وافعلوا ما بوسعكم واخلصوا النية
وابششروا ..
فالله لا يضيع أجر من أحسن عملاً..

[مروان الصاعدي]

جزاك الله خير اخ محمد والله رفعت معنوياتي الله يجبر بخاطرك
تراني اول كويز لكل المواد جبت العيد فيها بس ان شاء الله خير

[لوتي الطويرقي]

جزاك الله كل خير وكل عام وانتم بخير

[Abdullah Al-juhani]

نعتبرها عيديتك لنا دكتور محمد ؟

جزاك الله خير معلومات مههمة جداً
شكراً

[محمد الداود]

مروان ..
العبرة بالخواتيم :)
لوتي ..
وإيااكي وييسر الله لك كل أمركـ
ayj ..
تستاهلوا أكثر منها يا دكتور ؛) ..
وهي حقيقةً لاشئ أمام هاماتكم ..
نراك معنا بإذن الله ..

[maryam.n]

السلام عليكم

د\محمد ..

انا حسبتها طلعت لازم في كل مادة ما ننقص اكثر من 5 درجات صح ؟؟؟؟؟؟؟؟؟؟؟


و شكرا على الموضوع من جد محتاجينه

[Al-Thaqafi]

شكرا لك أخوي بس انت متأكد من هالكلام ؟

لأنه اللي أعرفه إنه المفاضلة تكون بالنسبة الخاصة فقط وليس العامة ,
ورجعت وسألت الاخوان اللي كانوا بكلية الطب بالمعرض الأكاديمي للكليات وأكّدوا لي هالشيء ,
وسألت يعني الرياضيات والإحصاء لو أهملها عادي ما تدخل بالمعدل ولا تضر بكلية الطب ؟
قالوا ايه مافي مشكلة لكن لازم تجيب نسبة معينة أعتقد 4 حسب ما قالوا عشان أدخل بالمفاضلة فقط , والقبول بالكلية يعتمد على النسبة الخاصة فقط

نبي نعرف وش الوضع بالضبط لأننا ضايعين
92 اللي وفقت بالطب و80 اللي وقفت بالهندسة , هذي نسب كل المواد ولا المواد الخاصة بس ؟!!

[ƨɱƨɱ]

وضحت نقاط ممهمة
الله يجزاك الجنة وويوفقك دنيا واخرة
ويارب نشوفك جراح قد الدونيا

[M!SS Lara]

جزاك الله خييير يادكتور داوود ..
فهمت الموضوع كله ..
مشكوووورة وان شاء الله تصير طبيب قدورة اقصد قدوة

[iRe]

موضوع جدا مهم
جزاك الله الف خير :)
كانت عندي معلومه بسيطه عن الكلام اللي قلته بس ما كنت متأكده والحمد لله تأكدت

92 اللي وفقت بالطب و80 اللي وقفت بالهندسة , هذي نسب كل المواد ولا المواد الخاصة بس ؟!!

نفس السؤال ^^"
بالتوفيق ~