girl.k.s.a احتاجك شوية لو سمحتي

[Queenito]

السلام عليكم
ابغا اسألك انتوا دفعتكم عملتوا بحث في الاقتصاد الجزئي ولا لا ؟؟
لانو عندنا بحث وحايسة فيه مو عارفة ايش اسوي ="(
وابغا ع الاقل اشوف نموذج او اعرف منتج سهل اقدر اتكلم عنو =(

هدا موضوع البحث

Outline for the project:
Chose a particular product in any company in KSA, and analyze how this product is performing in the Saudi market:
1. Talk about the company’s history in brief.
2. Define the product; features, and its history.
3. Effect of changing prices and other factors on the product.
4. Talk about the Demand and Supply of the product in the market.
5. Conclusion and Suggestions.

[girl.k.s.a]

يآآآآآآآآآآآآآآآآآويلي إيش البحث الأليم هآدآ اللي أعطوكم هوآآآآآآآآآآ =(
لا والله يآ قلبي مآ أخذنآ شي زي كدآ أبداً
إيشبهم يصعبوآ الدونيآ ...!!

بس مآ عليك سهل إن شآء الله
خدي أي منتج مثلا البيبسي أو لبن المرآعي < بحكم إنو أسعآرهم أتغيرت
أو أي منتج سعرو أرتفع

لو قولنا شركة البيبسي ..
أول شي أدخلي قوقل وأبحثي بالانقلش طبعاً وأكتبي نبذة عن شركة البيبسي من موقعهم
يعني كيف كآنو ومتى بدأت الشركة ومتى أتطورت وزي كدآ عن التاريخ تبعهم ..

بعدين عرفي المنتج اللي هوآ البيبسي وإيش مميزآتو < مآ أظن له مميزآت خخخ وتاريخو
ممكن تجيبي أشكال البيبسي زمآن كيف كآنت ودحين وكمآن لا تنسي إنو حتى شعارهم أختلف
زمان عن دحين ..

بعدين إنتي أذكري أثر تغير سعر البيبسي يعني مثلا قل الطلب عليه أو الناس زي ماهي تشتري
طبعا لازم تعملي بحث واحصائية عن معدل بيع البيبسي قبل ما يرتفع السعر وبعد عشآن تعرفي النسبة ..

بعدين تتكلمي عن العرض والطلب في السوق طبعا انا شايفة إنو البيبسي لو يصير بمليون رآح يشتروه
النآس يعني الطلب زي ما هو تقريباً وحتى العرض بعكس لبن المراعي أصلا محد يشتريه إلا نادرا
وارتفع السعر فقل الطلب عليه ..

بعد كدآ إنتي أكتي ايش أستنتجي وإيش اقتراحك على المنتج =)

وبكدآ إن شآء الله يكون سهههههههههههههل ..
وممكن تشوفي لك أي منتج غير البيبسي وتتكلمي عنو ..

[Queenito]

اععععععع ايشمعنا احنا >,< هههه

طيب مرررة شكرررااا يا قيييرل =)