ساعدوني الله يوفقكم أجمعين

[The love roots]

السلام عليكم ورحمة الله وبركاته
بدون مقدمات انا عندي مشكلة مع مادة مقدمة الحوسبة وحاسة اني هحملها وعندي بعض الاستفسارات
اول شي كيف اذاكر دي المادة الله يسعدكم الي عنده معلومة لا يبخل
تاني شي دحين انا لو رسبت فيها ايش هيكون الوضع ومتى هاخدها مرة تانية وهل هتخض علوم حاسي ولا لأ
الله يسعدكم لاتردوني والله محتاجة نصيحة أي احد

[мαѕooяy]

المادة ، احسن شيء تمسكيه هو الكتاب ،
شارح بشكل حلو وحاولي تتدربي على تمارين كثيرة ،
لو لا سمح الله حملتيها وبإذن الله تنجحي فيها
مممم رح تتخصصي مافي مشاكل
من الشروط لعلوم الحاسبات هي مادة البرمجة اكثر من 80

[حنو123]

اذا حاسة ان الاستاذة اللي تدرسك مو كويس شرحها احضري مع أستاذة ثانية

[نور قلبي يارب]

الماده هي سهله لكن حفظ كثييير فانصحك تمسكين الكتاب وترجمين وذاكرين منه واذا مافهمتي اسالي اي احد او اكتبي سؤالك في المنتدى او مثل ماقالت حنو احضري عند اي استاذه تفهم ..

(( تفألوا بالخير تجدوه )) وان شاء الله لاحوسبه ولا غيرها تحملينها انتي كدها وان شاء الله تدخلين علوم حاسب يـــــــــــارب

[The love roots]

مشكورين من جد
معليش سؤال هل هتخصص علوم حاسب وانا حاملة الحوسبة
وهل هيزيد عليا ترم في الدراسة ولا هتنضاف على الترم الجاي
وهل أقدر احذفها الترم الجاي ولا لأ
وهل معدلي هينزل كتير وهل اقدر بعدها ارفع معدلي
في انتظار باقي الردود والاقتراحات

[asma'a]

وعليكم السلام ورحمة الله وبركاته..

معليش أختي ممكن توضحي في أي جزئية مشكلتك ؟؟!!

عشان لوو نقدر حنحاول كلنا ان شاء الله إننا نبسطلك الجزء دا وتخففي ع نفسك قلق :$

والحياة تجارب.. بس أهم شيء ماتكوني مستسلمة ويائسة.. :$

وربي عندي اختبار برمجة الثلاثاء .. وخااااايفة وقرفانة ومو قادرة أمسك الكتاب.. :$

وأحاول أهرب قد مااأقدر من الدراسة ^^

لكن إن شاء الله حسوي كويس بعد توفيق الله ثم دعاء الوالدين .. وححاول ابذل جهدي في الوقت الباقي.. :$

ونصييييييحة عن تجربة ..

أنا محولة من قسم لقسم ^^..

كنت علاج طبيعي وحولت لحاسب لظروف خارجة عن إرادتي :P .. وأرجع وأقول التخصص جميل في الحياة .. بس الحمدلله ع كل حال.. :$ (ودحين الحمدلله مبسووطة مع الحاسب :$ )

وربي أول ترم دخلت كانوو معايا بنتين راسبين في مادة (Anatomy ) تشريح ^^..

وطبعن النظام هناك نظام سنوات.. يعني عايدين سنة كاملة عشان مادة أو مادتين ^^..

وتخيلي تونا جايين من تحضيري .. احنا طبعن انفجعنا .. لأننا نحس البنتين شطار ماشاء الله تبارك الله .. وبيجاوبو مع الدكتورة لما بتسأل وكذا .. فقلنا من باب أولى.. احنا حنجيب العيد وشكلوو ماكفاهم عيد التحضيري .. يبوو يسووولنا عيد ثاني ويفرحوونا أكثر وأكثر *~*

لكن ماشاء الله تبارك الله كل الدفعة نجحت في المادة دي وبدرررررجات مررررتفعة جدن جدن وحتى لوو حملوها بنت أو بنتين فكان لإهمال شخصي منهم مو عشان صعوبة أو شيء ^^..

فإنتي لا ترسلي لنفسك رسايل سلبية :$

ومدام غيرك قدر إنتي حتقدري إن شاء الله ^^..

"تفائلو بالخير تجدوه"

وبالنسبة لسؤالك.. ماعندي فكرة والله :$

بالتوفيق حبيبتي :$

دمتـ بخير ..~~

[بلبله]

معليش داخلة عرض لاتواخذوني

اسماء كيف حولتي هل درستي ترم بعدين حولتي

عندي وحدة من قريباتي ماتبغى تدرس هذا الترم يعني بتعتذر وتبغى تحول يعني على الترم الثاني تكون محولة يحولوها اولازم تدرس الترم هذا بلييز ردي أبغى أفرحها البنت مرة مهمووومة

[The love roots]

مشكورة يا عسل رفعتي معنوياني شوية
انا عندي شابتر 3و4 مرة معقدينني والي زاد الوضع جبت درجة زفت في الاختبار ونفسيتي أكتر من زفت

[asma'a]

بلبله

أنا ماكان عندي نية في التحويل من الأساس لأني حبيت التخصص وحبيت البنات اللي معايا ... :$

وأنا حولت ع ثاني أسبوع من الترم هذا (الأربعاء بالتحديد) ^^..

وأنا درست سنة كاملة في علاج طبيعي :P ..

واعتذرت السنة اللي فاتت كلها :P .. عشان الكليات الطبية نظام سنوات.. وكنت ناوية أحل ظروفي وأكمل تخصصي الجميل :P .. أو بالأصح اللي كان تخصصي :P .. (وكان اعتذاري عن طريق الشؤؤون لأن ماكان عندي شيء في الاوديس اسمو اعتذار .. فكان لازم اروح بنفسي أطلب اعتذار سنة )

وع بداية السنة دي .. قدمت تحويل ومارضيو عشان مخلصة مع التحضيري 74 ساعة ^^..

وقفت عند مكتب وكيلة القبول والتسجيل والعميدة ومحد أعطاني فيس :P .. عشان خلصت أكثر من نص متطلبات التخصص ^^.. والحد المسموح كان 60 ساعة ^^..

على الرغم انو هذا مو ذنبي :$

لأن في الكليات الطبية مافي حذف واضافة والجداول زي المدرسة.. مايمديكي تغيري ولا شيء :$

وأعطوني في الترم الأول 24 ساعة .. والترم الثاني 23 ساعة ^^..

مع التحضيري الترمين.. الأول 12 ساعة والثاني 15 ساعة :P ..

فعشان كذا لجأت لطرق ثانية ^^..

وتم تحويلي عن طريق عميد القبول والتسجيل (من جهة الأولاد) .. لأن الحمدلله مافي عذر يمنعني عن التحويل غير عدد الساعات ^^..

عشان كذا ماأقدر أفيدك من دي الناحية :P ..

^

^

قصة حياتي هع


بس كمان خليها تروح عمادة القبول والتسجيل وتشوف الدكتورة نورة باذياب .. ولو مالقيتها تكلم سكرتيرتها ولما تيجي حتسألها.. وتمر عليها متى مافضت.. وحتلاقي الرد ان شاء الله ^^..

وفي الأول والأخير خليها تستخير لأن قرار مش سهل ^^..

وبالتوفيق ليكي وليها وربي يكتبلها اللي فيه الخير :$

دمتـ بخير ^^..

The love roots

ي بطتي ماتخافييييش .. كلنا في الهوا سوا ^^..

شرح شابتر 3 ... هنا ..

شرح شابتر 4 ... هنا ..

اطلعي عليهم وإن شاء الله يخفف قلقك ^^..

وربي حيعوضك خير ان شاء الله :$

بالتوفيق ي عسل :$

دمتـ بخير ^^

[بلبله]

أسماء جزاك الله ألف خير

بس وين تلاقي إلي اسمها نورة أي غرفة هي راحت لوحدة اسمها نادية وما أعطتها معلومة أكيدة