اعلن ترك جامعة الملك عبدالعزيز .. وارجو الرد من الاعضاء

[سحاب الصيف]

اخواااني السلام عليكم ورحمة الله وبركاتة
يا اخوان بعد النتيجة المخيبة لللامال في السنة التحضيرية (أ) الغير متوقعة بتاتا
عزمت على ترك الجامعة !!!
اخواني الكرام اريد ان اكمل دراستي في جامعة الامام محمد بن سعود بالرياض ( انتــساب)..
ما هي الخطوات وكيفية طلب سجل اكاديمي بخصوص الترم هذا. وهل جامعة الامام تقبل المنتقل اليها..؟؟!!

وشاكر ومقدرا للجميع مقدماً..

[Zaid Alkhayyal]

عفوا ايش درجاتك اخوي؟o.o

[مشاري بن سعود]

اخوي انصحك تكمل اقل شي ادرس سنه كامله وبعدها قررر تكمل والا لا موتدرس فصل واحد وعلى طول تبي تنسحب وبعدين جامعه الامام تدرس سنه تاهليلي وبررررسوم وبعدها تروح تدخل الجامعه وصعبه صدقني

[مشعان بسكلاني]

شوف الشروط وبلغني انا معك

يمنع كتابة اي مشاركة تتعدى او تؤذي فئة معينة سواءً كانت فئة دينية او اقليمية ويجب الإلتزام بالأدآب العامة وعدم التلفظ بأي الفاظ بذيئة أو الفاظ غير لائقة ومسيئة للآخرين و إن تعرض لك أحد الأعضاء فـ عليك بإبلاغ الإدارة عنه , وليس مجاراته في الحديث .

[oJgJI pJLc]

الاخ الكريم : مشاري بن سعود

ليه اكمل سنة وانا بالترم الاول راسب بالانجليزي 101

طيب نفترض انا باقي المواد نجحت فيها << بدري عليك

والترم الثاني نجحنا بالمواد المقرره والانجليزي < عندي اختبار الانجليزي زي دكتور الاسنان

يا الله هذا انا شاطر يا زيني دخلنا على الترم الصيفي

هنا وقفة

اكون إلى الان دافع 9000 ريال

اختبارنا الانجليزي 102 ( مع العلم انها اصعب بكثير من 101 __ مانجحت بالاولة تبي تنج بالثاني ( فحط بعيد عني )

ويمكن ارسب

اكون كذا خسرت 9000 ريال وما اقدر اكمل الجامعة

ما اقول الى حسبي الله ونعم الوكيل على جامعة الملك عبد العزيز ومن يديرها ومن فكر بنظام السنة التحضيرية هذي

-0-0-

شباب

يقولون جامعة طيبة الي بالمدية حليله مرررررررررررررررررررررررررررره

اول ما تسجل ما تختار القسم

تختار التخصص على طوووووووووووووول


تقبلوو مروري الكريم

[مشاري بن سعود]

اخوي عالم الوله اخوي من قال انك راح تدفع 9000 ريال ياجماعه مافيه فصل صيفي عشان تدفع 3000 كل ماده رسبت فيها راح تخبرها في الصيف ورسوم الماده 250 ريال بس بعدين الان مايمديك تسجل ولافي اي جامعه يعني راح تجلس الين السنه الجديده بدون دراسه يااخوي كمل هذي السنه وإن شاء الله تتوفق وإن شاء الله ماراح تندم

[كلي نظر]

شوووف اخوي انا زيك والله اني محتار ومادري وش اسوي وبصراحه الانجليزي مادة عندي صعبة من العصور القديمة وطبعا كارثه انك تدفع 9000 ريال في سنه واحده واحتمال ماتنجح لكن اذا كانت ي ماقال اخونا مشاري احتمال اكمل اما انا لان عندي مادتين للحين والله اني محتار مره لكن راح افكر كثير وانت فكر معي كثير ؟ حتى نطلع بنتيجه او نتجه الى جامعة الامام اخوووووووكم كلي نظر فديتكم

[بادي المشوار]

ياخي زي ماقال اخوي مشاري كمل السنه هذي وبعدها يحلها حلال وبعدين سبحان الله ايش هذي العزيمة خلاص الواحد يحمل ماده يروح يفصل وبعدين فرضا انك لاقدر الله حملت ماده في جامعة الامام تروح تفصل منها وتدور جامعة ثانية ؟ ياخي كمل وادع الله في التوفيق وانا متأكد انك بتاخذ كلامنا بعين الاعتبار....
وبعدين تعال انت يامشعان بسكلاني لاتروح ترى بيكون لك وحشة ولاعاد تسمم افكار الشباب تحياتي للجميع

[loose..]

يمنع كتابة اي مشاركة تتعدى او تؤذي فئة معينة سواءً كانت فئة دينية او اقليمية ويجب الإلتزام بالأدآب العامة وعدم التلفظ بأي الفاظ بذيئة أو الفاظ غير لائقة ومسيئة للآخرين و إن تعرض لك أحد الأعضاء فـ عليك بإبلاغ الإدارة عنه , وليس مجاراته في الحديث .

....

[al khatlan]

المشاركة الأصلية كتبت بواسطة loose.. يمنع كتابة اي مشاركة تتعدى او تؤذي فئة معينة سواءً كانت فئة دينية او اقليمية ويجب الإلتزام بالأدآب العامة وعدم التلفظ بأي الفاظ بذيئة أو الفاظ غير لائقة ومسيئة للآخرين و إن تعرض لك أحد الأعضاء فـ عليك بإبلاغ الإدارة عنه , وليس مجاراته في الحديث .

عن الرسول اعظم الخلق واطهرها" صلى الله عليه وسلم : " لا فرق بين عربي وأعجمي إلا بالتقوى "
والمسلمون أخوه.
ولكل مجتهداّ نصيب.
وفق الله الجميع الى مايحبه ويرظاه.