هل بامكاني الانسحاب من السنه التحضيريه واكمالها السنه القادمه ؟

[LA5ER]

بسم الله الرحمن الرحيم والصلاه والسلام على اشرف الانبياء والمرسلين


والله يا اخوان ضاق فيني كل شى ابي طب وغيره ما اخذه وجبت درجات تسود الوجه ولو اموت ما تدخلني طب ,,, فقلت لي نفسي اضيع سنه من حياتي ولا اضيع حياتي كلها ففكرت اني انسحب من هذه السنه وارجع اكمل السنه الجيه لاني عرفت اسلوب الجامعه وحركات دكاتره الجامعه,,,
المهم حبيت اسالكم كيف طريقه الانسحاب والرجوع السنه الجيه ؟ وإذا انسحبت لازم اختبر تحصيلي مره ثانيه ؟ او ابقى طالب في الجامعه زي ما انا ؟؟ بالله يا اخواااان وا اخواااات لا يجاوب إلا شخص متأكد . او تدلوني على مسؤول بالمنتدى حتى يشرح لي كيف الطريقه




والله يوفقنا ويوفقكم اجمعين ,,, أخوكم عبدالوهاب

[Astronomer]

الله يوفقك ويختار لك اللي فيه الخير

وان شاء الله الاعضاء يساعدوك

بس لاتنسى تصلي صلاة الاستخارة

موفق

[LA5ER]

المشاركة الأصلية كتبت بواسطة astronomer الله يوفقك ويختار لك اللي فيه الخير وان شاء الله الاعضاء يساعدوك بس لاتنسى تصلي صلاة الاستخارة موفق

آمين يآرب , وعسى الله يحقق لك ما تتمنيه

[Majed7]

لازم تقدم اعتذار وتسحب ملفك وترجع تسجل من جديد السنه الجايه .. ولو حاب الخبر الاكيد روح العماده بكره على 10 ولا 11 عند د. محمد قاري أو د. تركي بقشان في الدور الثاني بمبنى العماده :)

الله يوفقك وتدخل اللي تتمناه

[LA5ER]

المشاركة الأصلية كتبت بواسطة majed7 لازم تقدم اعتذار وتسحب ملفك وترجع تسجل من جديد السنه الجايه .. ولو حاب الخبر الاكيد روح العماده بكره على 10 ولا 11 عند د. محمد قاري أو د. تركي بقشان في الدور الثاني بمبنى العماده :) الله يوفقك وتدخل اللي تتمناه

تسلم أخوي مآ قصرت وجزآك الله خير ,,,, وإن شاء الله بأتواجد عندهم بس كمآن اخوي تعرف آنهم بيكونوا في العاده غير موجودين بس باشوفهم اكيد والله يكتب اللي فيه الخير


بس بالنسبه للآعتذار كيف بتكون الطريقه

[Gــريب الأMــــل]

عبدالوهاب
الله يوفقك
انا كنت ابي هندسه
وقبل اسبوع قدمت اعتذار ع هالترم وحولت اداري
وابدا الترم الجاي

[LA5ER]

المشاركة الأصلية كتبت بواسطة gــريب الأmــــل عبدالوهاب الله يوفقك انا كنت ابي هندسه وقبل اسبوع قدمت اعتذار ع هالترم وحولت اداري وابدا الترم الجاي

طيب اخوي جزاك الله خير كيف اقدم الاعتذار ؟ ,,,بس تبي نصيحه دامك تبي هندسه لا تستسلم عشان ما تندم طول حيااتك حاول وكافح وأوجد حلول مو على طول تحول أداري ,,بالتوفيق أخوي ولازم تراجع نفسك اذا كنت جد تبي هندسه

[LA5ER]

بسم الله الرحمن الرحيم ,,
اليوم في الصباح ذهبت عند الدكتور تركي بقشان فقابلت السكرتير,وحقيقه تفاجات بكلامه معي بكل حبيه وآريحيه على عكس ما توقعت أو عكس ما سمعنا ,,المهم قلت له اعتبرني مثل ابنك وشوف اللي يناسبني واللي تشوفه يمشي في مصلحتي ,اخذ درجات مني درجات الكيمياء والاحياء وقال لي نازله بس يبيلك تشد حيلك في الفاينل وحقيقه درجاتك في هذي المادتين ما تأهلك طب ,قلت له ايش رايك انسحب من الجامعه السنه دي وارجع اقدم السنه الجيه ,قال لي ذا شى راجعلك بس لا تنسى بتضيع سنه من حياتك بس اكيد دي السنه كانت درس لك , فقال لي في الاخير الافضل لك انك تراجع نفسك وتستخير ربك والله يكتب لك اللي تتمناه ,


وانا خارج قابلت واحد مكاوي جزاه الله خير قلي كمل دراستك بس قبل الاختبارات الفصل الثاني اسحب ملفك منها تستفيد خبره ومنها المكافاه ,,ويقول انا سويت زيك السنه اللي فاتت سحبت والان رجعت وجايب درجات عاليه ماشاء الله وهو زي حالتي سحب لانه يبي طب وغير الطب مايبي يدخل ,وقال لي كمل يمكن يكون لك نصيب فيها لان السنه ذي راح يكون رسوب عدد كبير من الطلاب في الجامعه وهذا الشى يعطيك فرصه باحتماليه تنقبل بالطب وغير كذا قال لي الفصل الجي عندك 4 مواد تقدر ترفع فيها المعدل

جزاه الله الخير اعطاني دفعه معنويه بس سبحان الله في نفس الوقت حاسس اني انسحب افضل لي

فما اقول غير اللهم وجهني لما فيه خير لي

[cannavaroo005]

والله انا اشوف انك تكمل هذي السنة واذا لا قدر لله ما دخلت طب يمديك تقدم على ابن سينا ويعادلولك سنة وبعدها تقدم على ابثعاث داخلي وبتمشي امورك إن شاء الله .انا هذا هو هدفي الى اللحظة وبالنهاية القرار قرارك ولا تنسى ما خاب من استخار ولا خاب من استشار
وبالتوفيق للجميع

[A . Y . S]

شوف يا اخوك ، انت تقول تسحب ، وبكرة تقول ياليتني ما سحبت و كملت ، حاول ترفع معدلك و درجاتك و استفيد مثل ما قالك المكاوي

و في الأخير اهم شئ تسوي الي انت تبيه ، و مثل ما قالوا الاخوان صل استخارة ، و أسأل الله لي و لك التوفيق و الســداد