حافز و تعمد الاهانة لطلاب الانتساب

[نجد العذيه]

السلام عليكم
اليوم صحيت بدري قلت مابدهاش ادق على حافز اكيد مافي ضغط ع الاتصال
دقيت
ردت الموظفه قلت بشيك على طلبي قالت لحظه و قفلت في وجهي
دقيت المره2
ردت وحده قلت انا مقدمه طلب و بشيك عليه قالت لحظه و قفلت في وجهي
دقيت المره3
ردت وحده قلت انا طالبه انتساب بشوف وش صار على طلباتنا وانتبهي لاينقطع الخط قالت قالت لحظه و قفلت في وجهي
دقيت المره 4
ردت وحده قلت لو سمحتي انا طالبه انتساب و كل مره ادق تقطعون الخط انا بشيك على طلبي هذي عاد ماقالت لحظه و الله العظيم قطعت الخط في وجهي على طول وانا اتكلم


مازلت صامدت دقيت المره 5
ردت "مصرية" قلت لها انا طالبه انتساب عطيني ايميل او فاكس ارسل عليه اللي يثبت اني انتساب قالت ماعندنا خذي رابط الموقع قلت الموقع اعرفه مابيه ابي شي اراسلكم عليه قالت مافيه بس روحي لاجامعه يثبتون انك انتساب قلت طيب واذا اثبتت قالت اذا اتصلوا عليك حافز يردون على طلبك يمكن يعطونك فاكس او ايميل لكن انا ماعندي
بعدين خلال الايام الجايه بيحطون في الموقع ايقونه جديده تعدلون وضعكم منها
وبخصوص طلبك بحولك ع الشكاوي و حولتني ردت وحده قالت طلبم لسى ماردوا علي
و اذا كلموك الدعم اسأليهم عن الايميل او الفاكس لان احنا ماعندنا



وبس ضاع من وقتي فوق ساعه و انا ادق و يقفلون في وجهي من يعرفون اني رافعه طلب و انا انتساب


كنهم يصرفون علينااااا من جيوبهم
هذا حق من حقوقناالحين اللي معهم ابتدائي صرف لهم و احنا اللي ندفع من جيوبنا و ندرس نحرم منها بسبب جامعه مهملة و حافز فاشل

حسبنا الله و نعم الوكيل
الله لا يبيح و لا يحلل من منعنا من حقنا

[*الأمل البعيد*]

الدعاء بالليل سهااام لاتخطئ & لازم نرفع يدنا للواحد الاحد الفرد الصمد انه ياخد حقنا منهم & اذا كان المظلوم كافر ربي يستجيب منه فما بااااالكم اذا كنا مسلمين مضلووومين يارب انك تعجل بالفرج القريب انا نسالك من فضلك وخير ماعندك انت ترزقنا ياعظيم

[@ندى@]

مفروض الحكومه تدخل في هذي المهزاء احنا مومسولين نثبت او يخلون مكان لهم نقدم الاوراق الي تثبت

[& النور &]

شوفي حافز مالة علاقة هو يشتغل حسب البيانات إللي توصلة
لكن العتب كلة على جامعتنا وغلطها الكبير إللي غلطته الله لا يسامحهم ولا يحللهم

[اجمل انسانه 23]

الله يحفظك يامللك عبدالله راحت علينا المكافاه اللي تقول عليها ...
بسبب البطانه اللي تحتك ياكلون ومايشبعون

[ريناتو]

يابلادي واصلي وحنا وراكي ههههههههههه ...على العموم اختي الحال من بعضه هذي عضوية خويي انا منتسب ...الله لايوفقهم .. اقسم بالله ذل واهانة ..الله الله في الدعاء .. المشكلة كلها الفين شئ مخزي ومؤسف... وبعدين الملك الله يديمه مو مقصر معنا على قول اللي فوقي البطانه الفاسدة هي السبب ..عندي اختبار بكرة الاثنين الله يهديك خليتيني اعصب دعواتكم ..استغفر الله واتوب اليه

[طالبة محتاسة]

نحنا اليوم وصلنا لعام 2012 واكبر ميزانية في تاريخ السعودية

وش استفدنا نحنا عيال السعودية تبرعو ب100 مليون لمرضى الادز لامريكا ونحنا اولا فيها

و2000 وعاملين لنا فيها زحمة

حسبي الله بس

ال 2000 دي ناخدها وترجع لهم وفوقها زيادة كمان
ناخد 2000 وندفع لهم 3000 الف عشان الانتساب

وش نقول

[ام محمد909]

كل كلامك على العين والراس وفعلا صارت مهزلة
بس ياناس ياهوووو لاتستصغرون الناس يعني اللي سهادتة ابتدائي اكيد محتاج للمبلغ زي اللي شهادته جامعية وكلنا بالهوى سواء ناخذها من الحكومه يعني صرفت للجميع على اساس مساعدتنا على غلاء المعيشه وحتى يتسنى لنا وجود وظيفه يعني مفروض نقول الله يبارك لهم هال2000 وعقبالنا يارب

[نجد العذيه]

المشاركة الأصلية كتبت بواسطة ام محمد909 كل كلامك على العين والراس وفعلا صارت مهزلة بس ياناس ياهوووو لاتستصغرون الناس يعني اللي سهادتة ابتدائي اكيد محتاج للمبلغ زي اللي شهادته جامعية وكلنا بالهوى سواء ناخذها من الحكومه يعني صرفت للجميع على اساس مساعدتنا على غلاء المعيشه وحتى يتسنى لنا وجود وظيفه يعني مفروض نقول الله يبارك لهم هال2000 وعقبالنا يارب

اختي الله يرزق الجميع

بس انا قلت اللي معهم شهادات ابتدائي كمثال
لان من اسمها حافز لاعانه الباحثين عن عمل يعني اللي معها ابتدائي باحثة عن عمل؟؟

انا اتمنى الخير للكل و الله ودي كل ربة منزل يصرف لها راتب ع الاقل دهنا في مكبتنا


و الله يرزق الجميع ان شاء الله و منوره ام محمد

[نجد العذيه]

المشاركة الأصلية كتبت بواسطة ريناتو يابلادي واصلي وحنا وراكي ههههههههههه ...على العموم اختي الحال من بعضه هذي عضوية خويي انا منتسب ...الله لايوفقهم .. اقسم بالله ذل واهانة ..الله الله في الدعاء .. المشكلة كلها الفين شئ مخزي ومؤسف... وبعدين الملك الله يديمه مو مقصر معنا على قول اللي فوقي البطانه الفاسدة هي السبب ..عندي اختبار بكرة الاثنين الله يهديك خليتيني اعصب دعواتكم ..استغفر الله واتوب اليه

كلامك
100%
صحيح



بالتوفيق للجميع