أطلب اللي تبغاه ... بإذن الله يجيك

[ليدر أستوديو هبقات]

السلام عليكم ورحمة الله وبركاته

حياكم الله وبياكم مع مواضيع ليدر

الموضوع هذا يا حبايب غير تماما ً

ففكرة الموضوع إنك تطلب أي نشيد تبغاه

وأنا بإذن الله أحاول أجيبلك هو أو أي أحد من الأعضاء يقدر يجيبه يكون سوى خير

وأنا حقيقة من المهتمين بالنشيد ولقيت إنه في في المنتدى من يهتم بهذا الجانب وهذا الفن الإسلامي الجميل

لكن هناك شرط واحد وهو أن تكون الأناشيد جائزة فنعتذر مبدأيا عن الأناشيد اللي بالدفوف أو اللي مستخدم فيها أورج

وما عدى ذلك فإحنا مستعدين

وللتسهيل حاول ذكر إسم المنشد

محبكم

ليدر

[maryam]

ممكن انشودة فرشي التراب.. و اذا تقدر الفيديو كليب تبعها.......
و شكرا

[ليدر أستوديو هبقات]

هذا الرابط

حددي الأهات اللي في اليسار والحجم حسب ما يناسبك كبير ولا صغير وبعدين سرعة الإتصال
لكن تنويه

يوجد نسخة بإيقاعة وهي غير جائزة وأنا لا أتحمل مسؤوليتها أمام الله

http://www.enshad.net/farshi_alturab/site/download.html

[maryam]

مشكوووووور اخوي ليدر......
النسخه اللي بالاهات عجبتني اكثر اصلا ما يناسب انشوده عن الموت و يدخلوا فيها طقطقه

[ليدر أستوديو هبقات]

أي شي ثاني إحنا مستعدين يا أختي

والجميع اي شي تراني مستعد

وإيجاد هذا الفيديو كلب لم يستغرق 15 دقيقة

[ليدر أستوديو هبقات]

شايف إنه مافي أحد طلب ويمكن تكون المشكله في كبر الحجم وعدم إمكانيه التنزيل

لذلك فأنا أعرض خدمه للجميع

أطلب هنا في هذا الموضوع اللي تبغاه

وأنا مستعد أنزلك هو من عندي وأحطه على Cd وبعدين نتفق على كيفيه الإيصال

وأطلب أي شي

بس ما يكلفني ذنب

يعني قرآن

نشيد

برامج

أي شي تحتاجه وما تقدر تنزله

ما عليك إلا إنك تحط طلبك هنا

وعلى فكره أنا بدأت في مشروع تنزيل المصاحف المرتله للمشائخ بحيث إن أي واحد يبغى أي شيخ خلال الفتره القريبه القادمه يكون متوفر

وبدقة عاليه MP3 يعني مو أي كلام

وبعدها حابأد أنزل الأناشيد شريط شريط

لكن اللي يبغى شي الآن أنا مستعد

والخدمه مجانا ً مع التوصيل

محبكم

ليدر

[NeMo]

انا درت لما حست على المصحف كامل للمقرئ ناصر الغامدي

حصلت السور لكن للأسف كانت mp3 بس مش مرة واضحة

مش عارفة المقرئ دا ليش مش معروف,اكتشفت تسجيل له لصلاة التروايح ختمة1411 عندنا بالبيت بس تلات سور

ولما اروح اي تسجيلات, يقولوا مافش

ياناس صوتوا تبارك الباري لاقوة الا بالله روووووووعة

اتمنى احصل موقع ينزل تسجيل نضيف

[ليدر أستوديو هبقات]

أنا حأدورلك عليه

لكن المشكله لمن ما يكون سجل أصلا ً

أو زي ما قلتي من عام 1411 هـ يعني قبل لا تدخلي المدرسة

لوووووووووووووووووول

على العموم أنا بأبحث

[ليدر أستوديو هبقات]

لقيتلك هذه الصفحة

فيها سور كثير بس مو القران كامل

http://www.islamway.com/?iw_s=Quran&iw_a=view&id=152

ولو مو جيد قوليلي وأنا بأبحث تاني

[NooDy]

يالله ياليدر حركه مره حلوه منك , الله يجزيك خير وتلقاه فميزان حسناتك .. كبرت فعيني والله ,,, الله يعطيك العافيه ..

انا طلبت منك قبل كدا انشودة يلا شباب (انشودة نهاية البرنامج ) بس انته مارديت عليا اصلا.. مره ابغاها

دخلت السايت حق البرنامج مالقيتها ..

عموما شكرا حتى لو مالقيتها ..