إستشارة عاجله جدا جدا

[STC]

مشورتكم في جدولي الله يجزاكم كل خير

الحمدلله باقي لي 20 ساعه نصيحتكم لي هل آخذها كامله والا مقسمة على النحو التالي 15 الفصل الثاني:
بحث وتدريب
قراءات إدارية بالإنجليزية
أجهزة التطوير الإداري
مقرر اختياري 2
مقرر حر 1

والصيف 5 ساعات
الثقافة الإسلامية 401
مقرر حر 2


والا كلها دفعه وحده الفصل الثاني

[نايف1]

دفعة واحدة وريح بالك

[STC]

اشكرك على المرور بس ماتتوقع انها تضر المعدل وممكن يكون فيه تعارض او مشكله خاصة من ناحية المادتين الحرة وانها من كليات ثانيه

[الحلم الخليجي]

خذها كامله والمعدل مايفرق اذا اخذتها علي دفعتين اهم شي درجات الاختبار

ولا اعتقد في تعارض

بالتوفيق

[فهد العنزان]

أفضل لك على ترمين ترم ثاني + صيفي

[عبدالاله الفقيه]

لاتستعجل وخلها على دفعتين أحسن
الترم الصيفي خفيف ومابتحس فيه الا وهو انتهى
هذي نصيحة وانت براحتك

[طيووووب]

انا اشوف انك تاخذها على ترمين افضل للمعدل
التوفيق حليفك

[Zanetti]

أفضل على ترمين ,, عشان تروق عليها صح ,,

[Legend0]

اول شي اقول الف مبروك التخرج مقدما

اذا انت من النوع اللي يشد حيله ويذاكر من بداية الترم الا نهايته انصحك تاخذ الساعات كلها في هذا الترم .
واذا انت مروق وبعض الاحيان تفهي زيي وماخذ الامور ببساطه خليها ترمين ووزع الساعات على كيفك يعني تقدر تخليها في الصيفي 9 ساعات وهذا الترم 11 ساعه

[نايف1]

اخــــــــــــــــــــي الفاضل

بحث وتدريب ( لايحتاج لمدرس تحتاج تسدد بدري عشان تسجل عند كتور كويس)
قراءات إدارية بالإنجليزية ( مادامها عند طيب الذكر الحركان لاتشيل همها)
أجهزة التطوير الإداري ( هي المادة اللي في جدولك تحتاج شغل)
مقرر اختياري 2 ( عطنا وش اخذت عشان ننصحك في مادة )
مقرر حر 1 ( عطنا وش اخذت عشان ننصحك في مادة )

والصيف 5 ساعات
الثقافة الإسلامية 401 ( سهلة جدا)
مقرر حر 2 ( الواضح لي انك لم تاخذ اي مادة حرة)


اخي الفاضل جدول في غاية السهولة ولا انصحك باخذها على ترمين الا اذا كان عندك هدف رفع المعدل فهذا شي ثاني وياليت توضح لنا كم معدلك عشان نفيدك اكثر