استفسار عن مادة الايض والانزيمات

[همسات فرح]

السلام عليكم ورحمة الله وبركاتة

حبيت استفسر عن مادة الايض والانزيمات

وطريقة دراستها هل الدراسة بالعربي والا بالانقلش

ومين الداكترة اللي يدرسوها في كلية الفيصلية

ياريت تفيدوني

[fat0om]

المواد كلها أنجلس
الايض يبغالك شدة حييييييييييييل أخذناها مع الدكتورة حنان النهدي ،هيا كويسة بس سريعه وصوتها شبة واطئ

الأنزيم أنجلس مع الدكتورة خلود مررررررررره سهله المادة لو ركزتي مع الدكتورة وكنيتي شرحها
أظن لك ان شاء الله فوق التسعين

بالتوفيق

[رشة امل]

شوفي ياعسل الاثنين بالانقلش بس ترا جيدة المواد مو ذيك الصعوبة صح طلعت عيوننا ف الاول بس كنا ضايعيين عشان نظام المواد جديد
بس يبغالك تشدي حيلك فيهم وانا اخذتهم ف ترم واحد سوا ومشي حالي وجبت درجة طيبة فيهم الحمدلله
الانزيمات اخذتها مع دكتورة نادية رئيسة القسم جدددا روعة الله يعطيها العافية المنهج كلو معانا بس خففتلنا وماجا الفاينل علينا الا واحنا مذاكرينو كلو الا كم صفحة
نظامها : 2 دوري( 25 درجة) , 2 كويز (5 درجات) / طبعا تحاول تمشي ف المنهج قد ماتقدر عشان تاخذ جزيئة مزبوطة تختبر فيها ومااقولك تضغطك لا والله عشان لا اظلمها تحط شي معقول تقدري خلال يومين ثلاثة بالكثير تمسكيه وتذاكريه والمادة عن انزيمات الجسم, وتصنيفها , وعلى اي اساس اتصنفت وكذا بسس ترا جداا جمييلة معاها المادة لاتخافي


وبالنسبة للايض اخذتو مع دكتورة نجلاء اياز اللي الكل صرعني فيها وروعة ومعرف ايه وهيا مو ذاك الواو تشرح وتعيد بس يعني عشموني فيها لدرجة قلت خلاص بجيب ال a+ ف المادة
ف البداية كانت تقول بأشرلكم انتو بس ركزوا ولمن نسيب الملازم ويجي الاختبار نقولها اشري تقول انتو مو كتبتو ؟ ذاكرو اصلا كلو معاكم ف طبعا انقهرنا وسرنا مانحضر الا كم بنت ونروح للشعب الثانية ناخذ التأشير (شعب أ.حنان النهدي / كانت هيا اللي تأشر)
المهم بعد كدا سارت قبل الاختبار تجي كل محاضرة تأشرلك وبالنسبة للمادة تتكلم عن هضم المواد ف الجسم (كربوهيدرات , دهون , بروتينات .... والناس دول) تدرسي كل شي فيها ف كل باب منها يجيكي باث واي (مسار ) رسمة كذا من 10 خطوات نصيحتي لاتستهوني فيها وتقولي ماتجيبها لانو دراستك تعتمد عليها اول دوري استخفينا فيها وماذاكرنا الا اللي عجبنا واكلناها
ف انصحك : تكتبي كل شي ف المحاضرة وجيبي دفتر كبير للايض بس لانو لمن تجي تذاكري بتحوسي بالانقليزي فلازم تكتبي كل صغيرة وكبيرة ( من وين جات ذرة الهيدروجين؟ وليش ضفناها هنا ؟ ومتى تضيفي الطاقة) ولا جيتي تذاكري ف كل باب لازم عالاقل تقري المقدمة تماااااام وبتركيز لانها تجي فراغات او صح وخطأ والرسمة تذاكريها بانزيماتها وخطواتها واسم كل خطوة لانها تجي اكملي ويحاسبوكي على كل شي طبعا مااقدر افيدك بتوزيع الدرجات لانو حضرتها ماقالتلنا اقولك ضايييعة تجي ترصص اللي ف الكتاب تشررح خطوة خطوة وتفهمي وتعيدلك بس تجيب النووووممم ف حاولي قد ما تقدري تاخذي المحاضرة بدري بقهوة كذا تصحصحك مزبوط عليها مااقولك انا خربتها اول دوري وربي ستر وخربتها ثاني دوري ويعني درجة مقبولة الا مررة فرحانة فيها كمان بما اني ماذاكرت كنت عالمحاضرة واللي اكتبه ولمن تكتبي حاجة مكررة بتبدأي حاجات تمسك معاكي لانو هيا تحب تعيد وذا شي حلو فيها لانو حتى اذا سحبتي عالكتاب ترجعك عالخط معاها المهم ف الفاينل كان معانا كل الشباتر بس حددولنا وللامانة خففو كثييييييير ف ذاكرت عدل ومسكت المادة تقريبا من 5 ايام لاسبوع كل يوم اخذ فيها جزء وطبعا اتفاجأنا ف الاختبار على قد ما انهم مفصفصين التأشير فصفصة وجايبين كل شي على ماكان في بونس كثييير زي الرسم جابو ثلاث رسمات وقالو اختاروا وحدة وطبعا اللي حلتها كلها وعندها اغلاط ف الاول تاخذ الفل مارك وجبنا درجات حللوة امانتن وعارفة المحاضرات ورا بعض اللي يفوتك خذيه من وحدة قدام صاحية تكتب كل شي وتأشر ونصيحتي لاتسحبي كثيير هيا دلخة عن الحضور كمان بس جد بتضيعي اذا كثرتي غياب ... وبس ان شاء الله اكون مانسيت شي


ادري الموضوع قديم بس للغير اللي لسة بيأخذها حبيت اريحهم حبتين .. اوك بتقولو ماارتحتو اقولكم مافي مادة سهلة كل مادة ولها صعوباتها الباقي عليكي انتي تقدري تتحكمي ف الموضوع ولا لا انا مررة صعبتها على نفسي ف البداية وصعبت ولمن خليتها سهالات وسويت اللي عليا الحمدلله ياربي لك الحمد حليت ودرجة اسعدتني عاللي سويتو ...موفقين يارب