محتاجين رايك ياابش مهندس..

[i Engineer]

السلام عليكم ورحمة الله وبركاته

وكل عام وانتم بخير

كيف الحال ياشباب وكيفكم مع حوسة الجداول

المهم نخش في الموضوع على طوول

انا طالب في جامعة الملك سعود في الرياض

وان شاء الله ناوي انزل الصيفي الجاي في جامعتكم يعني صيفي زاير

وعندي كم سؤال عن المواد وطبيعة الدراسة وابغى همتكم وفزعتكم معي

المواد اللي ابغى انزلها

1-ريض (المعادلات التفاضلية)
2- اساسيات (مبادئ)الرسم الهندسي
3- استاتيكا

سؤالي هنا

1\هل المواد هذي تنزل بالصيف عندكم؟؟

2\ هل اقدر انزلها كلها والا بيكون فيه اعتراض في التوقيت؟؟

3\كيف طبيعة دراسة المواد هذي عندكم يعني نظام الكلاس والشرح والاختبارات والهوم وركات؟

4\كيف طبيعة ووضع الدراسة في الصيف من ناحية الدكاتره وخصوصا اني طالب زاير يعني ماراح تفرق القريدات لانها ماراح تدخل في المعدل؟؟


5\اذا عندك خلفية عن كيفية تسجيل نظام الطالب الزاير ..ياليت تفيدنا؟؟؟



انا كتبت الاسئله وعندي امل كبيررر فيكم ...وتعرفون الجداول عشان ارتب وضعي وارتب خطتي

وشكرا لكم مسبقا وتحملوني اسئلتي كثيررر