بنات بالله شوفي جدولي ...كويس ولا لا..؟؟!

[sarona11]

السلام عليكم

معليه يا بنات
رجعتلكم من جديد

زي ما قلتلكم أنا لسه مستجدة في قسم الكيمياء الحيوي

أبغى أخذ رايكم في جدولي كويس ولا لا ؟ أنا ما أبغى أنو مررررررررررة انضغط أو إنو مرررةالجدول يكون خفيف ... يعني متوسط

كيمياء عامة2
أحياء عامة 2
ومعمل كيمياء
كيمياء حيوية عامة
مهارات لغوية
ثقافة إسلامية>>>>>(مادري؟!! ...إيش رايكم أخذ ثقافة إسلامية أو أمن و سلامة مختبرات)

وجزاكم الله خير
و آسفة ع الإطالة

[sarona11]

تكفون با بنات ردوا علي.....

[d.tooty]

اممم ماانصحك تاخذي احيا وحيوي في نفس الترم
احس حتنضغطي لانو الحيوي مو سهل يبغالو فهم وحفظ
والاحيا كلو حفظ :/
لو تاخذي لاب كيميا 218 كويس

[sarona11]

الله يعطيكي العافية يا أختي

[Pr!ncess]

المشاركة الأصلية كتبت بواسطة sarona11 السلام عليكم معليه يا بنات رجعتلكم من جديد زي ما قلتلكم أنا لسه مستجدة في قسم الكيمياء الحيوي أبغى أخذ رايكم في جدولي كويس ولا لا ؟ أنا ما أبغى أنو مررررررررررة انضغط أو إنو مرررةالجدول يكون خفيف ... يعني متوسط كيمياء عامة2 أحياء عامة 2 ومعمل كيمياء كيمياء حيوية عامة مهارات لغوية ثقافة إسلامية>>>>>(مادري؟!! ...إيش رايكم أخذ ثقافة إسلامية أو أمن و سلامة مختبرات) وجزاكم الله خير و آسفة ع الإطالة

{ حبيبي انتي أكيد ناويه تنتحري ولا كيف
منتي مستوعبه انو عدد الساعات اللي حطيتيها بـ دا الجدول = 20 ساعه
احذفي الامن وسلامه والاحياء ~

[sarona11]

المشاركة الأصلية كتبت بواسطة pr!ncess { حبيبي انتي أكيد ناويه تنتحري ولا كيف منتي مستوعبه انو عدد الساعات اللي حطيتيها بـ دا الجدول = 20 ساعه احذفي الامن وسلامه والاحياء ~

ياعيوني هو واحد من الأثنين يا أمن وسلامة يا ثقافة إسلامية هذا اللي أقصده

[Pr!ncess]

{ يا عيوني انتي ركزي معي
الاحياء العامه 4 ساعات
الكيمياء العامه 4 ساعات
الكيمياء الحيوي العامه 4 ساعات
معمل الكيمياء 3 ساعات
عربي 3 ساعات
ولو فرضنا أخدتي ثقافه بساعتين
يعني الساعات ( 4+4+4+3+3+2 ) = 20 ساعة <- 20 بدون الامن وسلامه كمان
وصلت ؟ ~

[SoOoma~]

معمل الكيمياء 281 بسااعه ..
بس 18 ساعه مررا كثيير ,,

[Pr!ncess]

{ صح المعمل بـ ساعه يتسجل بس تاخديه 3 ساعات --"
وبرضو 18 كتير و 3 مواد بـ 4 ساعات --" ~