محتارة وابغى رايكم يا اخواتي الغوالي

[تحفه]

انا طالبة في كلية الاقتصاد المنزلي وان شاء الله السنة الجاية احول تعليم عن في كلية الاقتصاد والادارة وحابه اخذ مواد من كلية الافتصاد والادارة لانو الحين مافي تحويل .
سؤالي
هل اذا حولت يوازنوا المواد لانو شفت في الخطة الدراسية لادارة عامة طالبين 2 حرة و3 اختياري
ونزلت في الجدول ثقافة3 وابغى اضيف 3 مواد
وكلية الادراة منزله للاقتصاد المنزلي ( مبادئ ادارة اعمال , مبادئ التسويق , مبادئ العلوم السياسية , ادارة المشروعات الصغيرة , السلوك الانساني )
الي اخذت احد هذه المواد تقولي كيف وهل الدراسة بالعربي ومين الاستاذة .
اش الفرق بين المواد الاختيارية والحرة ؟؟؟
اللة يوفقكم

[@AAA@]

شوفي ياعسل الماده الحره يعني تاخذيها من اي كليه في الجامعه لكن انتبهي لازم تكون نازله في جدول كليتك من ضمن المواد الحره لانه مو اي ماده تقدري تاخذيها
اما الماده الاختياريه تكون نفس كليتك منزله كذا ماده وانتي تختاري منها اللي يناسبك
اما بالنسبه للتحويل انصحك تاخذي المواد المشتركه او بالاصح العامه زي الثقافه والعربي وخذي لك ماده حره تكون نازله من ضمن المواد الحره لكليه الاقتصاد والاداره وبكذه تكوني خففتي من المواد سواء بقيتي في كليتك او حولتي ...... بالتوفيق

[غـنـى]

شوفي ي اخت تحفة انتي اش التخصص الي تبغي تحولي عليه في اقتصاد وادارة وبعدها قرري لان كل دي المواد من قسم ادارة اعمال مثلا لو بدك انتي ادارة اعمال تعادل لكي المواد عادي وتحسب من الخطة اما لو بدك ادارة عامة دي المواد قد تحسب لك اختيارية لانها مش اساسية لادارة عامة

الفرق بين المواد الاختيارية والحرة :

الاختيارية : هي قائمة مواد موجودة عندك في خطة القسم من الموقع تبع الكلية وهي عبارة عن 9 ساعات
تكون مواد من داخل كليتك لكن من برا قسمك اذا انتي ادارة اعمال رح تكون اختياري حقك من ادارة عامة واقتصاد ومحاسبة و كده ولابد المادة الاختيارية تكون من القائمة فقط لا غير

الحرة : هي مواد تنزليها من خارج كليتك او مواد من كليتك لكنها ليست في قائمة الاختياري فتعادل حرة وهي عبارة عن 6 ساعات

انا نفسي درست بالعربي و ححاول افيدك بالي اعرفو

مبادئ ادارة اعمال
مادة طويلة نوعا ما و تتكلم عن الوظائف الاربع للادارة (تخطيط - تنظيم - توجيه - رقابة ) ونظرية بحتة
انا اخدتها مع حنان مبارك وكانت ممتازة جدا وكمان حياة صوفي يمدحوها

مبادئ التسويق
مادة متوسطة الصعوبة لكنها تلخبط وحسب الاستاذة الي نازلة معاها تفرق و تتكلم عن ( المنتج - التسعير - الترويج - التوزيع ) وامور تهتم بالبيئة التسويقية و ما يؤثر عليها 90% منها نظري و جزء بسيط جدا رياضي
اخدتها مع جيهان فكهاني اسئلتها سهل ممتنع لكنها افضل الموجودين للمادة و ابعدي عن نعيمة بوقري في التسويق

مبادئ العلوم السياسية
اغلب بنات ادارة اعمال بنزلوها اختيارية لقصرها و سهولتها >> انا عن نفسي ما احب النظري والتواريخ وكده فما اخدتها لهيك معلوماتي قليلة عنها

ادارة المشروعات الصغيرة
مادة طويلة جدا جدا جدا ونظرية بحتة ومملة ايضا وتتكلم عن المؤسسات الصغيرة و شروط رجل الاعمال الناجح و مصادر التمويل بالنسبة للمؤسسات الصغيرة لكنها تلخبط والتعداد يضيع ومافيها عملي
اخدتها مع خديجة ضباب اسئلتها صصصعبة ودقيقة وشرحها قراءة لا اكثر

السلوك الانساني
مادة حلوة و ظريفة وقصير المنهج فيها تتكلم عن سلوك الشخص و الشخصيات و السمات والانماط و القيادة وضغوط العمل يعني تستفيدي منها و بسيطة
اخدتها مع فتحية عبد الفتاح كانت الاسئلة سسهلة جدا لكن الدرجات غريبة مدري فين توديها وسمر عناني الكل يمدحها بالمادة

و بس ده الس عندي اتمنى اكون افدتك .. و بالتوفيق

[تحفه]

مشكورة الله يوفقك في الدنيا والاخرة

[شموخ الوايلي]

المواد الاختيارية الموجودة اسفل الخطة الدراسية لمسارك ؟ والمواد الحرة اي مادة من اي كلية سواء كليتك الاقتصاد والادارة او الاداب بشرط ماتكون من ضمن المواد التي اسفل الخطة للمسار تبعك