لمن جيت عشان احول من انتساب لإنتظام ..

[Soosah89]

السلام عليكم اعضاء المنتدى

صارت معايا مشكلة وياريت اللي عندو فكرة عن الموضوع يساعدني
بعد ماخلصت ترمي الاول في الجامعة رحت عشان اسأل عن التحويل للإنتظام
قالولي لازم اكمل سنة ويكون معدلي فوق الـ 3.75
وبعد ترمي التاني اللي هو اللي راح الحمدلله جبت معدل كويس
واصلاً كانو منزلين معدل التحويل لـ 3.50
وامس الاحد رحت العمادة عشان اسأل ع التحويل
وكانت المفاجأة الغير متوقعة

رحت عند الشبابيك اللي في العمادة ويللي منها سجلت في الجامعة
وسألت ..
وقالولي انو .. هذا الترم مافي تحويل !!!!!!
ليش طيب !! ايش السبب !!
لفيت العمادة كلها وعلى غير عادة الكل قالي نفس الكلام !!
مافي تحويل هادا الترم
مع العلم اني كل يوم فاتحة odus عشان اشوف اذا في خانة التحويل
لانها كانت موجودة واول ما بدأت تنزل نتايج المواد اختفت فجأة !
وفتحت موقع العمادة عشان اشوف متى التحويل
بس كاتبين انهم لسا ماحددو
فا انا ماني عارفة هما ماحددو لسا ولا خلاص مافي تحويل هادا الترم على كلام اللي في العمادة
انهم اكتفو بالطالبات في كل الكليات


ايش ممكن اسوي بليز ساعدوني اذا عندكم اي معلومة

[عهود الحربي]

واللهي احناااااا نفس الحاااااااااااااااااله

<_ ووو مالبيد حيلة

واللي مكتوووب حيصير

بالتوفيق يارب لنا ولك

[ساروونهـ]

انا سمعت نفس الشي انو تحويل بين الترمين مافيه

اذا تبين تحولين بدايه سنه جديده

والله ماينفع الا اذا معك فيتامين واااو

الله يعين بس

[لولو الاموره]

بس اهم حاجه تكوني مخلصه سنه كامله مافي تحويل بعد اول نرم

[nawara]

حسبي الله فيهم ما لكي غير الدعاء عليهم

[رويده عباس]

كنا انتساب وربي يسر لنا وحولنا

الله ييسر لكم ان شاء الله و تحولون

[يزووودي]

الحين اختي في الجامعة و قاعدة تزن عليهم

نفس كلامك

بكره بروح بنفسي لليوبي في قسم الطلاب و بكلمه على الموضوع بالتفصيل

لازم يشوف حل لهالمهزلة اللي قاعدة تصير

[ماهر الوافي]

اول شئ الله يسامحك ياسوسه عميتني بخطك بالعافيه قدرنا نقراه
حسني خطك

ثاني شئ الجامعه هذي هي اسلوبهم كذا يعشموا الطلاب انه في تحويل ويخلوهم يسجلوا وبعدين يورطوهم
انا اذكر كانت في خانه للتحويل انتظام
بس يمكن لما شافوا كل الطلاب والطالبات يبغوا يحولوا غيروا رأيهم
فالله يعينك مالك غير الصبر او حاولي تشوفي واسطه من هنا والا من هنا

[Soosah89]

المشاركة الأصلية كتبت بواسطة عهود الحربي واللهي احناااااا نفس الحاااااااااااااااااله <_ ووو مالبيد حيلة واللي مكتوووب حيصير بالتوفيق يارب لنا ولك

المشاركة الأصلية كتبت بواسطة ساروونهـ انا سمعت نفس الشي انو تحويل بين الترمين مافيه اذا تبين تحولين بدايه سنه جديده والله ماينفع الا اذا معك فيتامين واااو الله يعين بس

المشاركة الأصلية كتبت بواسطة لولو الاموره بس اهم حاجه تكوني مخلصه سنه كامله مافي تحويل بعد اول نرم

المشاركة الأصلية كتبت بواسطة nawara حسبي الله فيهم ما لكي غير الدعاء عليهم

المشاركة الأصلية كتبت بواسطة رويده عباس كنا انتساب وربي يسر لنا وحولنا الله ييسر لكم ان شاء الله و تحولون

المشاركة الأصلية كتبت بواسطة يزووودي الحين اختي في الجامعة و قاعدة تزن عليهم نفس كلامك بكره بروح بنفسي لليوبي في قسم الطلاب و بكلمه على الموضوع بالتفصيل لازم يشوف حل لهالمهزلة اللي قاعدة تصير

عهود
سارونه
لولو
nawara
رويده
يزودي

يعطيكم الف عافية ع المرور
حسبي الله ونعم الوكيل بس
الله يسهلنا يارب وكل اللي بدهم يحولو انتظام
اللي قاهرني اننا كرفنا وتعبنا عشان نرفع معدلاتنا
وبالاخير يقولولنا مافي تحويل
او مافي تحويل بين الترمين << هذي جديدة اول مرة اسمعها صراحة =\

المشاركة الأصلية كتبت بواسطة ماهر الوافي اول شئ الله يسامحك ياسوسه عميتني بخطك بالعافيه قدرنا نقراه حسني خطك ثاني شئ الجامعه هذي هي اسلوبهم كذا يعشموا الطلاب انه في تحويل ويخلوهم يسجلوا وبعدين يورطوهم انا اذكر كانت في خانه للتحويل انتظام بس يمكن لما شافوا كل الطلاب والطالبات يبغوا يحولوا غيروا رأيهم فالله يعينك مالك غير الصبر او حاولي تشوفي واسطه من هنا والا من هنا

اعتذر على الخط السيء
ايوة كانت موجودة الخانة بس اول مانزلت نتايجنا شالوها
حتى كانو حاطين لوحة ياكبرها في العمادة عن التحويل
و وقت الجد شالوها كمان
حسبي الله ونعم الوكيل ..
الله يسهل للكل ان شاء الله
يعطيكم العافية

[Soosah89]

ياجماااااااااااعة معقولة !!!
ايش الجامعة هذي !
اليوم في العمادة يقولو انو لازم المعدل يكون 4.50 !!
فجأة من 3.50 طار لـ 4.50
انواع الغباء والتصريف

ليه مايستقرو على شي
وايش معنى هادا الترم بدأو يسو لعانة !

حسبي الله عليكم