استفسار عن الماجستير العام

[LAYAN89]

السلام عليكم

كيف الحال جميعا؟

ياجماعة الخير انا حابة اقدم على الماستر لكن ماادري ايش المطلوب مني مثلا شهادة التوفل او الدورة البديلة للانجلش!! ايش هذي الدورة البديلة ؟ لها اسم ثاني ؟. ومن وين اقدم عليها؟

وتنصحوني أقدم ماجستير نفس تخصص البكالريوس ولا أغير؟
انا محاسبة وودي اكمل في الادارة الاعمال

وعادي اقدم واسجل بعدين أخذ الدورة البديلة او اختبر التوفل (لسى ماقررت ايهم) ولا لازم قبل امتحن!!

ساعدوني الله يعافيكم والله ماعرف احد

معتمدة على الله سبحانه وتعالي ثم عليكم

شكرا جزيلا

[بيلف]

دام انتي ودك تقدمي ع كلية الاداره ,,

مطلوب منك حاجتين

1- قدرات جامعيين .. وحاولي تسجلي بموقع قياس بسرعه

2- انقلش عندك خيارين :

- تدخلي اختبار كفايات حق قياس .. اذا جبتي درجة فوق 52 خلاص ما يعطونك الدور البديله اللي تنزل لك مع مواد الماستر في الترم الاول

-تدخلي الدوره البديله ..فحالة جبتي درجة أقل من 52 و التقديم عليها يكون بعد القبول النهائي للماستر و رسومها 2000 ريالز

المطلوب من الاسرع في التسجيل في الاختبارين

يمكن الحظ يلعب دور وتجبين درجة 52 في الانقلش جربي مو خسرانه

دعواتك لي بالقبول في الماستر

[شواطئ البحر]

الله يعطيك العافية كفيتي ووفيت

قسم ادارة أعمال لا يتيح الدورة البديلة , يلزم تحقق شرط اللغة قبل الأنتهاء من التقديم.

[LAYAN89]

طيب كيف أقدم على اختبار القدرات واختبار الكفايات؟ و التسجيل انتهى؟!؟!!

فيه حل ولا كيف؟؟؟

:(

[شواطئ البحر]

المشاركة الأصلية كتبت بواسطة layan89 طيب كيف أقدم على اختبار القدرات واختبار الكفايات؟ و التسجيل انتهى؟!؟!! فيه حل ولا كيف؟؟؟ :(

اختبار القدرات في تسجيل متأخر في جده جامعة الملك عبد العزيز رمز الموعد 105

ايضاً اختبار الكفايات متاح في جده جامعة الملك عبد العزيز رمز الموعد 112 يوم الاختبار الأحد

[عندي امل2009]

بسرعه ادخلي على موقع قياس وسجلي وانتبهي هذا السنه راح يكون الاختيار أرغبه واحده فقط يعني اداره اعمال او محاسبه
بعد ان شاءالله ماتدخلي الاختبار شوفي علاماتك واحسبي النسبه الموزونه كم تطلع وقرري خذي فكره عن اعداد المقبولين وآخر نسبه تم قبولها عشان يكون عندك فكره وتساعدك انك تقرري خصوصا انو الخيار راح يكون رغبه واحده فقط
وربي يوفقك انشاءالله

[عماد الحسن]

نرحب بالأخت الكريمة في المنتدى وأشكر المشاركين في الموضوع

الأنطمة تغيرت الآن وأصبح واجب على الطلاب الاستعداد للدراسات العليا من بدري ،
الآن انتهى تسجيل القياس لكن لو أمكن التسجيل حسب النظام فهذه خطوة ممتازة
أما بقية التفاصيل فهي تتضح لكم في المرحلة القادمة كما تفضلوا الأخوات.. موفقين إن شاء الله.