إلي درس مبادئ محاسبة 117 محتاج مساعدته

[حويزم]

السلام عليكم ..

يا أخوان كتاب مادة مبادئ المحاسبة 117 لازم أشتريه وراح أستفيد منو إذا اخذتو
ولا السلايدات تكفي ومالوا داعي أخذ الكتاب
وياليت إلي قد درسها يقلي كيف كانت طريقة المذاكرة والمراجعة وكيف نظام المادة هذي
ياليت تفيدوني كل شيئ عن هذي المادة لأني صراحه مني عارف اي شيئ عن هذي المادة
وللمعلومية أنا أخذتها عند الدكتور محمد علي عبدالحميد ( الماليزي )

أتمنى إفادتكم ...

وسلام عليكم :)

[RHF]

سلام

شوف ما شاء الله تبارك الله صاحباتي درسوها الترم الماضي و زاكرو بس من السلايدات والاسايمنت ، وجابو a+

لاكن انا نزلتها برضو الترم دا ، والدكتورة اكدتلنا نجيب الكتاب (انا مشتريتو من الترم الماضي )

وقعدت تقولنا انها حتشرح عالسلايدات ، واننا حنحتاج الكتاب عشان نتأسس صح ،

اسمعها مني ، ولا تشتريه والله الكتاب غالي ومحا تستعملو ، نزاكر بس سلايدات و تست بنك وان شاء الله نجيب الـ a+

:)

[Kapitano]

والله الكتاب ضروري لك بتحتاجه غصب في 213 لأن القوانين موجوده بالكتاب
مصيرك يعني تشتريه وهذا أفضل لك وشد حيلك

تقديري

[عبدالرحمن ال]

الكــتــآب انا اشوف انو ضروري ولازم فيه تمارين مهمه على شابتر 5 و8 و 9

وفيه اسئله اختيارات وفيه اشياء حللوووه

والكتــآب ادا ما تحتاجو بعدين لا تشتري الا الكـتآب المصور بـ 50 ^_^

سوي زي مصور ومافي فرق عن الاصلي ..

[حويزم]

مشكورين ويعطيكم الف عافية

طيب معليش كتاب الإقتصاد الجزئي وإحصاء الأعمال كمان ضروري اشتريها !!

[ALEMBRA6OR]

وعليكم السلام

لو شريته مانت خسران وبيفيدك كثير الحين و الكورس الجاي حتى يكون مرجع لك مستقبلا او في التوظيف .

ولو ماشريته بكيفك .

[عبدالرحمن ال]

لا الاحصاء الدكتور يعطيكم سلآيدآت تذ1كرو منها وتكفي عن الكتآب

الاقتصآد الجزئي انا كنت مع دكتور خالد الديب وكان يكتب عالسبوره وملخص

لكل الكتآب وماشفت احد معآه كتآب .. وفالاخير الآختبار يجي من التيست بنك ^_^

[الحائرة دائما]

والله بس الكتاب سعره غالي الصراحه يعني بس المحاسبة 230

بس انا كمان اشوف انو مهم ويفيدك اقلها مستقبلا ان شاء الله وسألت الدكتورة وقالتلي الافضل يكون معاكي

[khaled.91.11]

شوف الكتب مو مرة مهمة بالذات الإحصاء والاقتصاد الجزئي
أما المحاسبة فانت حر اذا تبغى تشتريه او لا أنا كل اللي أقدر أفيدك فيه انه أقلك في نسخة pdf إذا حاب تحملها
http://www.skaau.com/vb/showthread.php?t=521035

[مستجيل أنساك]

مهمم تشتري كتاب المحاسبه اماا الاقتصاد والاحصاء مالو داااعي

اي كتااب تبغااه مصور رخيص مررره المحاسبه بــ 50 وتحصل كل الكتب مصوره في مكتبه منار الهدى
كل الكتب تبع تخصص اعمال عام موجووووووووووده مررره رخيصه