ادارة مستشفيات\نرفانا<<<للطالبات (ان وجدوا طبعا)

[خواطر برواز مكسور]

مرحبا بنات
حابه أسأل عن ادارة مستشفيات مع نرفانا
المداكرة من فين كتاب ولا ملزمة خاصه ولا كيف
وطريقة أسألتها كمان كيف


يااااااااااااااااااااااااااااااااااااااااااااااااا اارب يكون أحد غيري درسها(محبطه من تفاعل البنات صراحه)


جزيتم خيرا مقدما

[جود بنت الفهد]

اخذتها مع اميرة قطان

المذاكرة من العرض بس وكانت خمس محاضرات الاسـئله واضحه نجحت ٨٩

انصحك خذيها مع اميرة ماتحب الكلام الكثير بس طبعا اسمها مو نازل لحد الحين بس يمكن ينزل بعدين لانو في مادة بكبرها مالها شعبه وهي سياسة الرعاية الصحيه فان شاء الله تنزل معها

[جود بنت الفهد]

وكمان شفت الكتابين شكلهم وسط وغير كذا الماده سهله وتنفهم مو صعبه

[روحي تبيك]

يَ اهلين ..
اي والله ياليت احد يفيدينا عن ذي الماده لانو ان شاء الله باخذها هالترم ..
ومشكوره جود والماده بس نازله مع نرفانا وما اظن انو ينزلو شعبه ثانيه ..
وانا سمعت بنات يمدحو اميره السمستر اللي فات اخذو معاها اداره مستشفيات ..

وبسالكِ خواطر ..
اخذتي قراءات اداريه بالانجليزي لانو بنزلها هالسمستر
كنت باخذها مع نرفانا بس للاسف وقت شعبتها نفس وقت اقتصاديات صحه فقلت باخدها مع شاهيناز كيف اسلوبها وطريقه اسالتها ؟

[memoooo.]

مساء الخير..

اداره مشتشفيات اخدتها مع نيرفانا كتابين

بس بجد احلا ماده مرت عليا وسهله وتفتح النفس

وجبت فيها درجه عاليه..

::::::::::::::::::::::::::

سياسه الرعايات الصحيه انا كمان مستغربه مانزلولها شعبه

يعني متى اخلص من جدولي ما اعرف :(

:::::::::::::::::::::::::

شاهيناز بخاري في القراءات رووعه خدي معاها من غير تردد

راح تحبي الماده وتستمتعي فيها ..

[روحي تبيك]

^
يعطيكِ العافيه ميمو بجد ريحتيني , جزاكِ الله كٌل خير..
وصح توي انتبهت على سياسات الرعاية الصحية بجده مرا غريبه !!

[beautifulgirl]

وأنا كمان عندي هالترم مادة إدارة خدمات صحية مع نرفانا إن شاء الله تكون المادة حلوة

[خواطر برواز مكسور]

تصدقون جلست اضحك ربي يسعدكم
مافي غيرنا 3 بناخدها معاها <<<عكس الرقم الموجود بالشعبه
طيب اشتري الكتاب يعني ولا كيف مع نرفانا
لأن الدورة التأهيليه قربت وابى ارتب حالي من بدري بصراحه


وبالنسبة للقراءات خليك مع شاهيناز مرررة ممتازة


ربي يسعدكم ويوفقكم *_*

[روحي تبيك]

^
من جد مافي بنات كثير في القسم ذا يشاركو في المنتدى .
وانا ان شا الله بكرا رايحه الجامعه
بمر على نرفانا واسالها عن اسم الكتاب وكذا لان احب احضر اول محاضره وانا معايا الكتب وكل شي

وخلاص ان شاء الله بتوكل على الله واخذها مع شاهيناز ..
يعطيكِ العافيه وبالتوفيق ان شا الله ..

[خواطر برواز مكسور]

خلاص اسأليها
وتعالي قوليلي *_*
ونتقابل بالكلاس ان شاء الله
موفقه