والله بدعيلها اخر ليل ...

[دفاا الروح]

السلام عليكم ورحمه الله وبركاته ...
مســـآإآء الجوري ..

بنات جاتني الشيخوخة المبكرة والزهايمر من هذه الجامعة ..
ساعدوني عسى ربي يساعدكم .. أحس باقي شوي وأشد آخر شعرة بقت في رأسي ..

* أنا اخترت مادة الفكر الفلسفي مع أستاذ سعيد الافندي وبعدين اسمه راحه وانا آبغى أخذ هالمادة
تنصحوني أخذها مع محمد حنكبة الشهير بالميداني ..
* وأخترت مادة مدخل التوجية والارشاد النفسي وكنت أبغها مع أستاذة رضية باحميد بس مافي لها شعبة وقلت طيب اخذها مع لأستاذة نوال الضبيان بس بعد ما طلعت لها شعبة ..
<< هذا من حظي الحلووو..
فـ تنصحوني أخذ مادة الفكر مع أستاذ محمد حنكبة ولا .... في أستاذ
أو أستاذة تنصحوني اخذ معاه/معاها ..
ومادة مدخل التوجيه أخذها مع مين ...!!
..........
وهل أستاذة محمد حنكبة أسئلتوا موضوعية ولا مقالية .. سهلة ولا صعبة ..يحذف ولا كل الكتاب
معاناا..!!
<< قسم شوي وأشق ثيابي من هالجامعة الحلوة ..
والله يلي تساعدني راح أدعيلها من كل قلبي في قيام ليل ....
وجزاكم ربي كل خيررر ..

[سكون الورد k.a.u]

هههههههههههههههههه ضحكتيني يالغلااااا
قلبووو بخصوص الافندي هو افضل واحد سمعنا عنه للآن .. لكن بخصوص حبنكه إسألي في قسم علم الاجتماع وهم اللي رآح يفيدونك لانه من عندهم ...
بخصوص م . التوجه .. طيب قولي لنا من اللي موجودات الآن .. وحنا بنختار ..
لان كل ترم يتغيرون ..
عالعموم لو لقيتيها مع اي وحده من هذولي خذيها وتوكلي على الله :
لما حكاري
مريم عثمان
ايمان الطباع
ماجده حسين
رضيه المحسن
صباح الرفاعي
نسرين يعقوب
هدى عاصم
ميرفت الشرقاوي
حنان الشعفل
نوال الضبيان
دلال المقاطي
آلاء شاولي
ايمان محمدي
زيزي السيد >> بس لاتاخذي معها اي ماده تحتاج للفهم لانها ماتوصل المعلومه زين لكن اسئلتها سهله
وفيه بعد اسماء بس ماتحضرني حالياً ..
الله يعطيهن الصحه والعافيه استاذاتنا ودكتوراتنا الكرام كلهن خير وبركه ..

بالتوفيق ..

[أزهار ملونه]

أتكلم عن نفسي أنا جربت صباح الرفاعي في مادة مدخل توجيه وارشاد اسئلتها شامله للكتاب كامل وسهله واضحه
مافيها تعقيد ولا غموض بس احضري السنترا معاها بصراحه كنت اخطط معاها وذاكرت الماشرته معاهاوجاء منه
أدعيلي ان الله يثبتني على القرار الصح والي فيه فايده ليه ولاهلي لاني في حيره من امري هاليومين وان شاء الله اكون ساعدتك .

[نووووري]

اولا الفكر الكل الترم الاول مدحوا الميداني ويحذف والكل كان مبسوط منه
والتوجيه حنان خوج واريج المحضار والجوهرة الذواد ونسرين ذولي اللي نزلوا
والكل مدح لي اريج

[المحتاسه]

اهلا عزيزتي

انا سمعت كثير يمدحون في الافندي وانا ماجربته وبالنسبه للاستاذ الاخر اسألي عنه بالقسم التابع للماده وان شاء الله يفيدونك

وبالنسبه لمدخل توجيه وارشاد نفسي نازله مع مين ؟؟

واللي ذكرتهم الاخت سكون كلهم فيهم الخير والبركه ماشاء الله يعني ماراح تندمي ان شاء الله لو نزلت الماده معاهم

ربي يسر لك امورك

[ضحكتها غير]

انا درست عند الميداني..
ماشفت منو الا كل خير ..
وكان يحاول بأقصى ماعندو يوصل لنا المعلومه
انا انصحك يالافندي يالميداني..
<<من تجربة

[miss-busy]

الميداني أستاذ معروف في قسم الدراسات مو علم الإجتماع

أنا الترم الأول سألت عنه وعن الأفندي والمشرف مدحهم كلهم وقال ان اسلوبهم متقارب وانهم قمة في الاخلاق

وقال ان الإثنين ماتخرج أسئلة اختبارهم عن نماذج الأعوام السابقة


أنا شفت للأستاذ الميداني نموذج اختبار خاص بالطلاب والله ماشفت فيه صعوبة أبداً ، أسئلته كانت بين المتوسط والسهل أما الصعب عني ماشفته أبد لكن مستوى أسئلته مو مثل مستوى أسئلة الأفندي

أسئلة الأفندي لو قارنتيها مع الميداني جداً جداً سهلة الى حد التفاهة

وماشفت نماذج الطالبات كيف كانت بس لقيت البنات اختلوا شي يقول سهلة مرة وشي يقول صعبة


بصراحة لو كنت مكانكم كنت راح أختار الميداني ، طالما أثني عليه في شرحه وتوصيله للمعلومة خلاص ايش ابى أكثر ، بعد الشرح الباقي كله على الطالب هو يجتهد في المذاكرة ويلخص لنفسه ويمكن نفسه من المادة

وأسئلته أكيد راح تكون متنوعة بين وبين

والمشرف مثل ماقلت لكم مدح حتى أسئلته وقال سهلة

صدقوني المادة لو مسكتوها أول بأول بعد الشرح راح تذلل لكم بس انتوا اهتموا بالمحاضرات لأن معلومات المادة شوي غريبة تحتاج أحد فاهم فيها يشرحها ويوضحها ماينفع منك لحالك تمشي فيها أبد

وإذا حابين أسلوب الأفندي موجود على موقع الجامعة محاضراته للسنترا الترم الأول استفيدوا منها

وإذا مالقيتوها أنا أنزلها لكم إن شالله لأنها موجودة عندي وكنت منزلتها في قسم الدراسات راح تلاقوها في الموضوع الخاص بالفكر الفلسفي

أما عن الإختبار الله يسهله يارب وييسره لكم

استفيدوا من نماذجه وحاولوا تخلوه أثناء المحاضرات ينبهكم عن مواضع الأسئلة أكيد ماراح يعارض

الدكتور سعيد أذكر احنا طلبنا منه ينبهنا وماقصر الله يبارك فيه


هذا رأيي والقرار لكم

موفقين إن شالله

[أبان]

أريج محضار بأذن الله ماتندمي وراح تدعيلها بعد الاختبار .
أولاً أخلاق وثاني تحب تسهل المادة وتعيد في الشرح أما الاسئلة سهلة ماشاء الله عليها . أسئلي أكثر عنها منشان تتأكدي
وفالك النجاح والتوفيق يارب.