تدريب التخرج .. بمدرسه أو أدارة تعليم ؟ كليتي رفضت لماذا

[نورة الحربي]

مساء النور عالجميع
أسأل العلي القدير ان يبارك في أعمالنا ويجعلها في موازيننا
عندي استفسار بسيط بخصوص التدريب للبنات
أنا أبعى اتدرب بأدارة التعليم بالمحافظة اللي ساكنه فيها
طبعت النماذج وعبيت البيانات .. لمن جيت اختمها من الشؤون التعليمية قالت
ادارة التربيه والتعليم ترفض ان الكليه توجه الطالبات بشكل مباشر على الادارات التابعه لها
فقالت لي نسوي الخطاب بأسم وحده التخطيط والتطوير التربوي وهم يوجهونك
ي ترى من صار معها كذا ؟؟؟؟ يعني عادي أداره التطوير توجهني ومايقولون شئ
لأن مواصلاتي صعبة ما أقدر اتدرب بجده .. علما بأني منتظمة
ردوووو عليا بليز لأني بكرة ان شاء الله بروح لأدارة التعليم اللي بجده
أسأل العلي العظيم أن يفرج همكم وغمكم ويسهل أموركم انه ولي ذلك والقادر عليه

[نورة الحربي]

لا أله الا الله ... سبحان الله وبحمده
للرفع


اللي عندها معلومة لا تبخل ولها دعوة بظهر الغيب

[ѓŏ7ỵ Ŧ7БK]

إن شـآإء الله يدخــــــــــــل إحد ويفيـــدكَ...

موفقــــــــــةة يارب

[خلود 26]

دحين ايش قصدك بالادارة هيا الرئاسة يعني وانتي منتظمة تقولي ووين ساكنة
انا كمان ودي اتدرب في الرئاسة ولا الاشراف

[بسبوسه2010]

الله يوفقكم وتحققون الي بالكم

[نورة الحربي]

شكرا لك اللي ردوا
ايوا ي خلود يصير تتدربي بمدرسه أو أدارة التربية والتعليم ( الرئاسة العامة لتعليم البنات ) سابقا
أو مكتب أشراف بس خطاب الكلية حيكون موجهة لأداره التطوير التربوي
والتطوير التربوي هم اللي يوجهونك للمكان اللي تبغيه

أنا اليوم رحت والحمدلله خلصت اوراقي كلها وما اعترضوا على حاجه
الله يسهل للجميع كل الخير

[om yara]

الله يسهل عليكم ويسخر لكم الطيب

[خلود 26]

لو سمحتي فين ادارة التطوير

[aseel88888]

الله يوفقكم يارب

[زمردة]

وي يا نورة انتو هنا وانا رحت في الموضوع الثاني

أنا كمان سمعت كذا من البنات ولسا ما سألت الشؤؤن بس رحت للمدرسة أخذت مواقفتهم وتوي أعرف إن الخطاب نوجهه باسم إدارة التخطيط اتمنى إذا وحدة تعرف بالضبط تخبرنا ربي يسهل لنا وييسر لنا

اتمنى تقولي لي ايش اكتب في الاوراق اسم الجهة وحدة الخطيط وإلا اسم المدرسة
وكيف اوقعها اول شيء عند الشؤؤن في الكلية وبعدين اروح للوحدة وإلا كيف؟؟

جزاك الله خير يا نورة وسهل أمرك