تَـرَىْ آلْكَـذّآبّْ يُـرُوحَ آلْنَـآرْ !!

[اللهم اعطهم مايتمنونه لي]

على ذاك الرصيف أسهر وأنادي بكل الجنون القار
أكلم شآآآاآارع خــالــي ســــواده من ســـواد الليل




ترى مـا هو فلس ولا بقلبــــي قلت الأشعـــــــــار
ولكــن واقعــي يفرض علـي أكتب بلا تعديــــــــل




أنا راح العقل منــي وعندي للجنـــــون أعــــــذار
معــانــاتـي إذا بوصف يفوق الوصف والتعـــليل




من اللـي قد وقف مثلـي يواجـــه لعنـــة الأقــدار؟!
رضى يبقى ويتحمل ...عشر أضعاف همه يشيل




من اللـي ثبت أقدامه يقــــاوم شـــدة التيـــــــار؟!
ويعرف ان النخل وهو النخل راح وجرفه السيل




من اللي حب له طفله وحلم من يوم كانوا صغار
يتـــوج حبـه بفرحـه وأمــه تحضنــه بتهـــــــليل




يمـر الوقـت وسـنينـه تمر ويستـــوون كبــــــــار
ويتغرب لجـل حلمــه يســابق كـل شبــاب الجيـل





ويرجع رافــع راسـه بعد مـا صــــار هـو طيّـــــار
وبقـى من حلمه الوردي زفــاف يرفض التــأجيـل




يجيهــا يقول حـان الوقت تعـالـي نكشف الأسرار
طفح كيل الصبر مـا عاد في صبري وصبرك كيل




ويذكرهــــا بوقــت صـــار مع ـمر الزمن تذكــــار
بأيــــام الطفـولــه يوم يغرقهــــا غــــلا وتـــدليل




يمازحهــا وتردد لـه ( ترى الكـذاب يروح النار )
يجافيهـــا وتهمس له ( أعرف أن الجفا تمثيل!)


وتدمـع عيــــنهم لثنين يهـلــون الدّمـــع مـــدرار
ترى الذكـرى ولو حلــوه طواريهـــا تهـد الحيــل




وتسرح في وسط عينه..تفكر..ترتجف..تحتـــار
يسألها عسى ماشر؟ ويطيح من ايديها المنـــديل




وتنزل عالركب وتقول تسامحني على اللي صار؟
حشــا والله مــا خنتــك ولكنـــــه حصـل تبــــديل




تراهـا غيبتــك طـالــت وتـدري وقتنــــا غــــــدار
كبرت وخفت تتـــأخر وخيـــر البر بالتعجيـــــــل




ويشهق يلمح الخـاتم .. يحس القــاع تحتـه دار
ولا يستـوعـب الموقف بلـيـا شرح أو تحــــــليل




يسود الصمت..ولا كلمـه ونظره كلهـا استنكــار
شلل صـاب اللسان وصـاب كفين العتب تكبيـــل


دقيقه تمر..طعمها مر..نهاية عمر..موت أزهـــــار
خسارة حب..ضياع فدرب..نار تشب..عذاب و ويل


ويسرح لو بعيــــده تهون ولكـن كيف بنت الجــــار
ويكسر صمتـه بصرخــه تعدت في مداهـــا سهيـــل


ويفقد وعيـــه وينزل علـى قــــــاع الثرى منهــــار
مصيبه كيــف يتحمـل؟! ترى مـــا بالأمر تسهــــيل


ما بينه وبين غرفتهــــــا ... ممر ونخلــــه وجـدار
وهـــذا اللـــي يعذبـــــه و يزود طينـــــه بتبــــــليل


يشوف اللـــي سرق عمره سكن وياهــا نفس الـدار
غدى جــار ولـــه حق نزل في محكـــم الـــــــتنزيل


ويتخيلـه يغــــازلها ويقـــــول أنـه عليهـــا يغـــــار
ويتردد صـــــدى همسه ولمسه وضحكه وتقبيـــــل


ينـــاظر دارهـــا وفكــره ورا ذيك الستــــاير حــــار
وشبـاك الهـــوى عتمــه بعد مــا زادوا التظــــــليل


يقرر زوجهــــــا يبنـي ويرفع مستـــــوى الأســوار
ويتصرف علــى كيــفه عنــــده منهــــــم توكـــــيل


ومكسـور الجنـــاح اللــي بـلا ذنب يــــذوق أمــرار
يصــارع حسرتـه ويجــر بعد ذيك الهزيمــه ذيــــل


يفكر كيف طاوعهـــا الضمـتير تكــــون شي ضــار
بعد مــا كــــانت لعمـــره عمر يحسب مـداه طويــل


خذت كل ما بقي منــه ومن عقلـــه خذت الأفكــــار
وبرواز الــوعد مــايل خذتـه تخـــاف قـــال وقــيل


عطت بروازه لغيــره وخلـت فـي الحشـــا مسمـــار
وآخـر كلمـــه قــالتـهــا رجـــاءاً مــا أبيــك تعيـــل


ورد بكل غضب يســـأل تحسبيني من أهـل الـثــار؟!
أنــا وقتــي غـدا ملكـــي ولا يتحمــــل الـــــتعطيل


وداع الله وإذا بعـــدك مرض ايمــــاني العطــــــار
أنــا لــي رب مــا يهمل بقـرأ كتـــــابـه بترتيــــل


وإذا كــانت مسـافــات المنـــازل بيننــــا أشبـــــار
لخليهــــا سفر أيـــام وأســـاوي كـل شبر بميــــل


وإذا قالـوا علي مجنــون أو ملبوس أو صابـه زار
لـنـاجــي شارع خالـي لوحـــده في توالــي اللـــيل


بقول ان الجــنون أرحم كتبت من الجــنون أشعـار
وصدق شعري يتحــدى الــذي قــال الشعر تمثــيل


وأعيش العمر أرددهــا ( ترى الكذاب يروح النار)
براءة كــانت الجملــه ولكنــــه حصـــل تبــــــديل


حكــاية عمري من يوم الطفــــوله لين صرنا كبار
فـي هذي الصفحه شفتوهـا وعايشتوهـا بالتفصيل


أبـي شخص ينورنـي ومن أبيـــاتي بس يختـــــار
حــرف مــا شكى من هــم ويبشر منــي بتعـــــديل


بعدهـــا بعلن افــلاسي وبتـــرك عالــم الأشعـــــار
لأنـي مـا قدرت أعطي لحزنــي فـي الشعر تعـــليل


وبرجع للسرير اللـي من غيــابـي شكــى محتــــار
واريح عيـــن شوههــــا ســـواد يشبـــه التـكحيـل


وفي آخر بيت بسألكم عرفتــوا ليش أناجـي القار؟!
قولوا للثريا من تناجي لو خذلها سهيل؟!


كلمات اعجبتني فنقلتهاا

ودي

[الجوري و الورد]

[اللهم اعطهم مايتمنونه لي]

الجوري و الورد

الله يسلمكِ يالغلا ،، لا خلا ولاعدم من هالمرور

[ابو غرام]

نقل متميز ,,,,, نالت على إعجابي


تحياتي لك .

[اللهم اعطهم مايتمنونه لي]

ابو غرام

التميز هو مروركم ؛؛

[Mahmoud Salah]

نااااااااااااااااااااااااااايس

[عالمي أحلى]

اأوجعت قلبي
أبيات رائعه
يعطيك العافيه

[sara a7md]

يعطيك العافية

[اللهم اعطهم مايتمنونه لي]

Mahmoud Salah

الف شكر لمرورك ؛؛


::


عالمي أحلى

الاروع هو مروركِ ،, الله يعافيك
وشكراً لمرورك



::


sara a7md

الله يعافيك ،, وشكرا لمروركِ هناا

[Joda Majed]

تراهـا غيبتــك طـالــت وتـدري وقتنــــا غــــــدار كبرت وخفت تتـــأخر وخيـــر البر بالتعجيـــــــل ويشهق يلمح الخـاتم .. يحس القــاع تحتـه دار ولا يستـوعـب الموقف بلـيـا شرح أو تحــــــليل

ابــــــــــــــداآآآآآآآآع ، ابداع ابداع

اهنيك على هالاختيار ،

استرسال الشاعر بالايبات يوجع القلب ووصل احساسه بآكثر اسلوب يوجع القلب ،

حقاًً قصيده تستحق اعلى تقييم والـ 5 ستار

يعطيك الف عافيه يالغلا على هالاختيار المتميز والذائقه الفريده من نوعهآآ

ننتظر جديدك يالغلآ