الموضوع يخصكم كلكم ..تعالو..

[عجوزهـ صريحهـ]

السلام عليكم و رحمة الله و بركاته

كيف حالكم ؟ ، يش أخباركم ؟ ، كيف الصحة ؟

أنقطعت فترة عن الجامعة ... و الحمدلله رجعت الآن ,,,
لقيت عجب العُجاب في الأسعار ،، فتحركت قريحتي الكتابيه فقلتُ لنفسي أكتبي عن الموضوع و فجري القنبلة و خليهم يطلعوا اللي في نفسهم و بالمره نلفت نظر المسؤولين و المسؤولات في الجامعة للموضوع هذا ..!

لمتى الطلاب و الطالبات ساكتين و ينكسفوا يتكلموا في الموضوع هذا عشان يخافوا أحد يقول عليهم بخلاء أو لأسباب خاصة ،،، خصوصاً أنه في فئه في المجتمع لما تجي تتكلم معاها في الموضوع هذا تكاد تكون غير مبالية و تحسسك أنه ما فرقت معه ..!
( بحكم إنهم ما شاء الله تبارك الرحمن عيال عز و نعمه ربي يبارك لهم و يزيدهم )

@-@ <<--- فاتحة عيوني بقوة و لابسه نظارتي ,,!

نخص بالكلام الكافتيريات بأنواعها و مكتبة خوارزم .!

يعني اللي أبغى نفهمه كلنا ،،، ليش يرفعوا الأسعار علينا ..؟
ليش بعض الأشياء أسعارها الضعف أو تقارب للضعف ؟

أحنا طلاب و طالبات بعض مننا بيدرس بفلوس و بعضنا ما شاء الله أهله بيعطوه مصروف غير مكآفأته اللي تنزله و كثير و كثير و كـــثــــيــــر مننا ماعندو غير المكافأة يصرف بيها على نفسه و على دراسته و كثير مننا ماعندو مكافأة غير اللي في السكن و اللي من برى جدة .. إلخ

لا تقولوا الدراسة مجاناً و على حساب الحكومة و الدراسة ماهي مكلفه ـــ لأ مكلفه _ الحكومة و الجامعة ما شاء الله ما قصروا ،، و لكن يتم استغلالنا كوننا طلاب و طالبات داخل الحرم الجامعي و نشتري الغرض لأننا فعلاً محتاجينه ..!

لما تدرسوا يا طالبـ / ـه ...
ماراح تحتاجوا مصاريف مواصلاتكم ؟
ما راح تحتاجوا قيمة وجبه خصوصاً للكليات العملية و اللي يقضوا وقت طويل في الجامعة ؟
ما راح تحتاجوا حق الكتب و حق تصوير ملازم و محاضرات ؟
و غيرها كثير ..!!

خليكم صريحين و اللي ما شاء الله تبارك الرحمن ربي رازقه اللي يزيده و يبارك له .. آمين ،،، يحط نفسه مكان الطالب اللي ماعنده غير المكافأة أو ماعنده مكافأة و يشاركنا مع العلم أنه الوضع المعيشي تحت المتوسط يمثل أكبر نسبة في المملكة العربية السعودية عموماً ..!

سؤال يتكي و يحط رجل على رجل بعد ما يطرح و يسدح نفسه ..!
ليش ما يكون للطالبـ / به الجامعيين ميزه عن غيرهم بالذات في موضوع الأسعار ،، و مو بس الطلبة كمان الموظفين و الموظفات بيعانوا من الأسعار العالية هاذي و معظمهم سآآآكت و لنفس الأسباب ..!
يعني مثلاً ..
= مكتبة خوارزم لما تجيب لنا الكتب بسعر أكثر شوية من المكاتب اللي برا .. هل مثلاً هيه بتجيبه بسعر غير عن المكاتب اللي برا ؟

لأ طبعاً ... حتجيبه بنفس السعر إذا ما كان أقل لأنهم حيآخذوه بكميات أكبر و ثابته سواء كتب أو أوراق تصوير أو أدوات أو غيرها أشياء كثير يحتاجها الطالب الجامعي
أو لما تصور لنا أي ملزمة 8 ورقات بريال و برا الجامعة التصوير 12 أو 16 و بعض المكاتب 20 ورقه بريال و لما تجي تشتري مثلاً مخطط المقرر ما يقل عن ورقتين و لا يزيد عن عشرة أوراق لبعض المواد و يبيعوه بريالين و ثلاثه ،،،،،،،، لييييييش ؟
غير الأدوات و الدفاتر و الأقلام كل شيء أسعاره فوق فوق يخلي الضغط يطلع فوووق
= الكافتيريات و كلكم تدروا و تعرفوا ما الكافتيريات === ليش ما يبيعوا بنفس الأسعار اللي برا الجامعة ..!
خلينا نلقي نظره على الكافتيريات مثلاً ...
المعجنات بعضها بنفس أسعارها و حشوتها صارت أقل و الدهن فيها صار أكثر ..!
الساندوتشات مافي شيء أقل من 4 ريال و كمان حشوة الساندوتش تكاد تذكر ..!
العصيرات اللي زايد على سعره ريال و اللي زايد ريالين ... ليييش ؟
الحلويات السنكرس و الشوكولاة بأنواعها و البسكويتات .. اللي بريال في السوبر ماركت جوة الجامعة بريالين و أكثر ... ليييش ؟
باسكن روبنز كورة الآيس كريم في فروعهم اللي برا الجامعة بخمسة ريال و إذا زادات بسته ريال ,,, و جوة الجامعة بـ 9 ريال ،،، ليييش ؟
و اللذي لم يذكر كان أعظم ..!

حتى اسعار الأجارات اللي بتقدمها الجامعة للكافتيرات هاذي ماهي عالية لدرجة اللي تخلينا نعذرهم ..!

يعني همة بيتمتعوا بميزة ضمان المكسب 100% كونهم داخل الحرم الجامعي و أقرب شيء للمستهلك ( إحنا ) سواء طلاب أو طالبات و هاذي ميزة ليست متوفرة لمعظم المنشآت التجارية ... و اللي المفروض في مقابلها أنه يقللوا الأسعار و مثل ما الجامعة تمنحهم هاذي الميزة عشان طلابها لازم هيه كمان تمنح طلابها ميزة تقليل السعر للطالب الجامعي لأنه مستهلك مضمون و ثابت و مستمر يعني لما الطلاب يتخرجوا بيجوا غيرهم طلاب .. و هكذا !

ليش ما يكون في رقابة للموضوع هذا ؟
كل يوم الفرد فينا جوة الجامعة بيفطر بـ 10 أو 15 ريال
بالمبلغ هذا أقدر أشتري بيه بيض و خبز و طماطم و أعمل بيه فطور لأسره كاملة ..!
قيمة فطوري كطالبة جامعية مساوي أو أكثر من قيمة فطور أسرة كاملة ؟!!

ليش ما تتم معالجته بطريقة غير مباشره ... مثلاً ... يعملوا مسابقة أفضل كافتيريا من جميع النواحي ( أسعار - نظافة - تنوع الأصناف - طريقة تعامل الموظفات فيها ...إلخ ) و يخلوا المستهلكين ( إحنا ) نعبي أستبيانات و حاجات زي كذا ،، و راح نحصل على أكثر من فايده غير تقليل الأسعار

ما أكذب عليكم ،، هاذا الشهر استأنفت دراستي بعد أنقطاع و كانت بطني مرتاحة من المشاكل و الآن يعلم ربي أني بكتب لكم الموضوع هذا و بطني منفوخه ( قولون ) و مشاكل أخرى بسبب الدهن الكثير في أكل الجامعة و ربما يكون غير نظيف نسبياً لأني ما أبغى أحمل ذمتي ..!

أتمنى منكم المشاركة و رجاءاً لا حد يسوي فيها ولد عز و نعمه و يقول الأسعار عاديه و ما تفرق الريال و الريالين ... لأ تفرق @-@ ..!
حمدلله كلنا عيال و بنات عز و نعمه ،،، و لكن ..!
إلى متى يستمر أستغلالنا بهذه الطريقة ؟
إلى متى الطالبـ / به الجامعي يظل الضحية و يدفع ثمن الأستغلال هذا ؟

بصدق و صراحه قولوا و طلعوا كل اللي في نفسكم بخصوص الموضوع هذا ..!

انطلقوا و عـبـروا

[coco chanell]

كفاية اكلهم بايت ومخمج ويحموه بالنيلون ماكأنو يسبب سرطنة وكفااااااية الزييييييوت الي فيه انا من زمااااان مبطلة اشتري شي من عندهم يددددوب اشتري عصير واتأكد من تاريخ انتاجو ومويا بسسسسسسس واجيب معايا الي اشتهيه من السوبرماكرت واحطوا في الشنطة تصبيرة الين ارجع بيتي :)

مدري اسعارهم نار على ايه ياريت على نظافة ولا امانة ولا شي مفيد ولا من رقي تعاملهم من اصلو

ياريت يفتحوا شركات صب واي ولا بينينوس ارحم من اكلهم !!

واللهي البنات ماياكلو الا من التعب بس الله يعينهم يارب

وأولاد العز دول يجلسوا فلسفة ليش تركبوا تكاسي ومدري ايش !! مرررررة طوابير سواقين مستنين برا عشان يوصلونا بيوتنا معليه مو كل بيت يقدر يجيب سواق وسيارة ومعقدينا بالتصريحات دي حقت التاكسي وقرف

[secret the letters]

اها موضوع جدا مهم بصراحه أهنيك على الطرح

طيب اش رايك تسوي استبيان على مجموعة من البنات وشوفي رأيهم بالموضوع

واجمعي النسبة

عشان لو قدمتوا على شكوى مثلا يكون عندكم أدله ويعرفوا أن الأكثرية بيشتكي

من ارتفاع الأسعار إللي لحد الآن ماني عارفة على اش مرتفعه وياليتها من دايت سنتر
كان سكتنا وقلنا عاد هذا ماعليه غبار

اشكرك على الموضوع

تقبلي مروري

[السلطة4]

السلام عليكم عجوزة صريحة أنا ان اشاء الله حأعمل على ذا الموضوع وحابه انك تكوني معايه وتساعديني ايش رايك نتقابل في كافتريا رابيس العلوم عند مكان بيع الايسكريم يوم السبت 26 من الساعة 11-12 حأنتظرك هناك وحتعرفيني بشنطتي على الظهر لونها بني ....ياريت ترديلي خبر
ويد وحدة ما تصفق نحتاج نجتمع ...شكرا

[طآلبة جآمعية]

...



فعلآ ،
موضوع المفروض مآ نسكت عليه
مو طبيعي إللي قاعد يصير !

أشتريت ملزمة كيمياء مصوره من عندهم
بــ 21 ريال !!!!!!!!!
و لو أخذتها من أي أحد و صورتهآ برا
ما تتجاوز الـ 10 ريال


حسبي الله و نعم الوكيل