بليز ممكن رقم قرطاسية 2000

[M!SS Lara]

السلام عليكم ورحمة الله وبركاته

بليز يجماعه ابغا رقمهم وشكرا لكم

[noonz]

0565517590

[M!SS Lara]

مشكورة نوز :(

[noonz]

ليش الحلو زعلآن

[M!SS Lara]

ههههههههههه نوز الله يسعدك وربي ضحكتني وانا زعلانه
زعلانه من الاحياء ده لدرجه بكيت (ماعندي إلا البكاء )

بفكر كيف نطلع الـ120 سؤال دي ..

وكمان مستغربه لأنو دكتوتنا سيلينا قالت انو الاختبار ماحيخرج من السلايدز وقالت لاتسمعو للشائعات .. فمره محوسه

[noonz]

له له بكيتي من الاحيياء

مايسوى والله هههه
لا يختي لا تبكي ولا شي
بالنسبة لكلام د سالينا هوو صحيح 100%
لكن يا لآرا هنا ف الجامعه , الكل يدور مصلححة نفسه
الاستاذ مجرد معين يساعدك ع الوصول والباقي عليك
أحنا بحسب خبرتنا ف الاحياء الترم الاول
د نزار نزلنا الـ 120 سؤال والترينينق وقال ذاكرو منها بس زي ماشفتي ف الموضوع اللي هنا ف القسم
أنآ عن نفسي ذاكرت بس السلايدز والـ 120 سؤال دي
لكن إذا هما ما قالولكم عليها ف ما أدري إذا ح يجيبولكم منها أسئلة أو لآ !
بس بالنسبة لنا كانت جدا مهمة وساعدتنا كثير

المهم واللي أبغى أوصله لكِ
ما دام هدفك الططب !
راح تواجهك عقبات كثيرة ف الطريق لأن مافي شي يجي بالساهل
خلي هدفك نصب عينك , ولآتخلي شي زي الاحياء يوقف قدامك
وكمان لآتحطي ف بالك إنك مارح تجيبي درجات فيه وإنه صعب وإنه وإنه ....الخ
صدقيني مو صععب
إي نعم صحيح إنه طويل
المصطلحات دفشة
المعلومات كثيرة
بس مع المذاكرة أول بأول صدقيني بيكون زي شربة المويه !

طبعا كمان لآ تستهوني فيه زي أختك فالله ,
أنآ دورياتي كانت عاليه فيه
كآن الاحياء أعلى درجات عندي
قلت لنفسي خلاص ضامنة الايه بلس إن شاء الله
جيت ف النهائي وأكلت هوااا ونقصصصت
هذا كله لأني أستهونت
ويلا الحمدلله عوضت فالباقي

معليش ع الاطالة بس والله أبغى مصلحتك

❤

[M!SS Lara]

مشكورة حبيبتي نوز الله يوفقك ياعمري ..

انا مقرره ادرس الـ 120 سؤال ان شاء الله ..
ا
بس ببالي دي الـ 120 سؤال من فين اجيبها ؟

الله يوفقك يارب تسلمي ع طيبتك حبيبتي