اللي أخذوا مع سوزان ابو العينين ..واللي ياخذوا معاها الحين..

[رزاز]

سلآاااااام عليكم

موضوعي بإختصار كثير منكم بنات هنا مدحوا لي سوزان اللي تعطي قانون تجاري

لكن للأسف حضرت لها محاظرة والعكس صحيح مرررره شديدة وتقول أسئلتي مقالية ولازم الكل يشارك
وتعطي تكاليف <<هذي تعودنا

ولازم الحضور في وقته تماما بدون ولادقيقة تأخير

المهم ايش تنصحوني احذف المادة وأضيف اي مادة غيرها؟؟


ولايمكن بس اول محاظرة شديدة؟


طيب كيف أسئلة اختبارها

وبالتوفيق

[قيثارة الأمل]

والله هيا شديدة بصراحة لكن شرحها ممتاز ..

بس بصراحة أسئلتها جداً جداً دقيقة .. وصعبة نوعاً ما ..

غريبة مالقيتي إلا قانون تجاري تاخذيه مادة حرة؟؟؟؟؟؟؟؟؟؟؟

لأني شايفة تخصصك آداب :)

شوفي لك مادة أسهل ياعسل :)

[ملاك بن هاشم]

مرة ماأنصحك بسوزان

مزاجية ولها وجهين

[lolipop]

معليش انت غلطانه بالاسم سوزان ابو العينين حقت تحليل كمي و هادي مررررررره ممتازه اما سوزان حقت القانون ما ادري ايش لقبها ،يمكن انت لخبطي بين الاسمين

[جوزائيه]

سوزان ابو العينين تدرس تحليل كمي واخذته معها وكان حلو بس انا انتساب
اما سوزان علي حسن محمود الي تدرس قانون تجاري ماادري عنها لاني مادرست الماده وراح اخذها الترم هذا
ونفسي اعرف كيف شرحها واسئلتها ....

[oRoora]

سوزان دكتورة سييييييئة جدا بالنسبالي انا مره معقدة منها فعلا مزاجية مرة وغريبة الاطوار انا ندمانه اني اخدت معاها قانون تجاري

[R A M A]

شوفي عموم الماد رزيله وغثيثه بمعنى الكلمه ماحبيتها ابدا

واخدتها مع سوزان من ناحية الشده فهي شديده لكن شرحها حلو وتاخد الحظور دايما وماتحب التأخير واختبااراتها في موضوعيه وفي مقاليه بس رحمتنا نهاية التيرم حدفت لنا كثييير والمقالي حقها مو صعب مرررره بس صدقيني اعرف بنات كتيييير اخذوا امتياز عندها
لو حبيبتي الماده راح تمشي فيها ذاكري اول بأول ان شاء الله ماتصعب عليكي بس ادا هيا حره او اختياريه طيريها ولاتفكري فيها لكن لو لا مصيرك راح تاخديها كملي وتوكلي على الله
انا سمعتهم مدحوا امل شلبي لو قدرتي خدي معاها
شكلها حره لانو مكتوب انك انجليزي الله يرحم اهلك الماده مرررره لأ حره لكن لو تبغيها الله يسهل لك

اسمها سوزان علي حسن محمود=قانون تجاري
سوزان ابو العينين= تحليل كمي

[Do0o0Di]

مررررررره لا

نصيحه احدفيها انا تخصصي قانون وفي ماده مفروض اخدها دا الترم ومع كدا حدفتها لانها مع سوزان

واجلتها للترم الجاي إن شاء الله مع د/ امل شلبي

شوفي الماده بالنسبه ليا حلوه وممتعه بالنسبه لباقي مواد القانون بس خديها مع امل شلبي

بس يعني لاتاخديها ماده حره

خدي مدخل الى علم المعلومات او سيره نبويه

لانو دكتوره سوزان شديده

وربنا يوفقك

[رزاز]

ايوا لخبطت مو سوزان ابو العينين

اسمها سوزان علي حسن محمود


يعني احذف المادة أفضل؟؟؟؟؟؟؟

[صفاالورد]

أنا أخدت مع سوزان قانون تجاري ومرة حبيتها هي شديدة صح يعني ماتحب الكلام في المحاضرة ولو تأخرتي عن المحاضرة ماتدخلك بس والله شرحها روووعة وتفهمي مزبوط وتمشي في المادة
وأسئلتها موصعبة مرة على شرحها لكن هي دقيقة في التصحيح مرررة
الدوري الأول والتاني جانا عددي وعرفي وصح وخطأ واختياري
في الفاينال جابت لنا سؤال مقالي بس كنت متوقعته لأنها ركزت كتير عليه والباقي موضوعي
توكلي على الله والله يوفقكـ..
وزي ماقالو البنات اذا المادة حرة احذفيها بدون تردد لأنها تاخذ مجهود في المذاكرة وفي مواد أسهل