افيدوني في قضية خلع

[angel--girl1991]

سلام عليكم زي مو باين من العنوان انا مملكه وصارلي سنه وانا احاول اتطلق لكن ماافي فايده مو راضي يطلقني يقول على جثتي اني اطلقتك وراح اخليكي معلقه وتعنسين في بيت اهلك حسبي الله عليه ونعم الوكيل الحين انا قررت اروح المحكمه او اوكل محامي بس ماني عارفه كيف وايش اسوي ولو وكلت محامي كم حياخد مني الله يخليكم اللي عندو اجابات لسوالي يجاوبني ولا يبخل عليا لاني في وضع لا يحسد عليه وكم المده اللي لازم اتطلق لاني ماعاد ابغى اطووول اكثر من كدا نفسيتي تدهور الحمدالله ع كل حال
ادعولي ربي يفرج همي ويعوضني بالاحسن ويجبر على قلبي
وحتى لو ماكونت اعرف فين شغلو ولا شي بس اعرف اسمو وجوالو ورقم السجل المدني تقدر المحكمه توصلو وشكرا

[دمعة وجع]

والله ماعندي علم بهذي الامور بس حبيت ادعيلك يارب يفرج همك ويعوضك باحسن منه

[angel--girl1991]

جزاكي الله خير

[gzl GZLAN]

الله يعوضكم

وياسيتي استخيري

و اتقي الله لو كنتي ظالمتو لانو الانصاف يجي لو بعد مية سنه

لو عندك اسباب قويه ودامغه للخلع

فباذن الله رح يتم

بس افضل لو تحاولي معاه يطلقك بالزوق حاولي قطعي محاولات
وازا مرة مانفع اوجعيه بكرامته يمكن يطلق من غير محكمه
وانا اقلك هيا من الاخر لو رجال وبيحترم نفسو رح يطلقك من غير تعب بس لووووو من جنبها رح يتعبك بس بالنهايه رح يطلق
لانو دخلت المحكمه بالنسبه ليكي رح تكون متعبه شويا ورح تاخد منك سنه تقريبا روحه وجيه
جمدي قلبك
والله يفكك منو على خير ومن غير جهد

[O-DODY-O]

هذا مو رجال اصلا اذا كان ذا كلامو

هذا مجرد شخص تافه محسب الرجوله انو يستقوي على بنت صغيره ويفرد عضلاتو عليها

لاتسكتين ابدا كلمي ابوكي عنو وقوليلو كل شي واخوانك خليهم يدرو بالموضوع

ابدا لا تسكتي

الله يفكك منو حبيبتي ويبعد عنك امثالو يارب

الله يعوضك باللي احسن منو يارب

[إحساس ناجح]

الله يعوضك أختي لا أعرف كيف أنصحك لكن يمكن سؤال الأعضاء بقسم الأنظمة يفيدونك من ناحية الإختصاص أسأل الله أن يفرج همك ويسعدك يارب

[angel--girl1991]

مراا شكرا لكم وربي رفعتو معنوياتي انا في حاله جدا سيئة ولله الحمد ماني عارفه ايش اسوي انا ذليت نفسي له علشان يطلق وهوا مطنشي واخاف اروح المحكمه يصير زي كلامو المحاكم تاخدي سنين وانا المعلقه وهوا راح يعيش حياتووو حسبي الله عليه نعم الوكيل الله ياخدي حقي منوو
دلوني فين اروح احد يعرف محامي يخلصلي موضوع بسسسرعه لانو هوا هددني محاكم لعبتو شكلو راح اطووول
ااعدووولي

[O-DODY-O]

انتي ذليتي نفسك....!؟

حبيبتي المفروض تكوني قويه قدامو وما يهمك تهديداتو بالعكس هوا اذا شافك قويه يخاف منك ترا والله جبااااااااااان بس شايفك ضعيفه استقوى عليكي

بس صدقيني هاذي الاشكال ماينفع معاها غير الشده

اكبر غلط سويتيه انك بينتيلو ضعفك

المهم ماعليكي من اللي راح شدي حيلك وروحي المحكمه وقوليلهم كل شي سواه فيكي

ابدا لا تسكتي ابدا

الله يوفقك حبيبتي

[سنفورة موت.]

حسبي الله ونعم الوكيل

ويقلون ليش كثر الطلاق ؟!

حبيبتي مافي الا حل واحد انك تقومين ليلك وتتضرعي لربك بالدعاء اذا هو متفرعن و مسوي ياارض هدي مااحد قدي فوقه ربك وربه

الله يريح بالك ويطمن قلبك ويعجل فرجك باذن المولى

[solaaa]

والله ياقلبي ماعندي اي خبرة في دي المواضيع

الله يفرج همك ويفك كربك ويريحك من الرجال دا ويرزقك برجال احسن منو