الترم الصيفي ان شآاء الله =)

[بيشووو،،]

السلام عليكم و رحمة الله و بركاته ...


بما ان بدأنا في اجراءات الترم الصيفي ..

قلت اسألكم ... مين جربت قبل كدا تاخد مادة تخصص ..؟

و كان في ضغط و لا لا..؟!!


انا افكر انزل مادتين من المواد دي ...


احياء دقيقة - نبات - حيوان - بيئة


ايش تقترحوا عليا ..؟ و مين افضل الدكاترة ...؟







شكرا

[Afaf]

بيئه مآدـه اساسيه < نآهد حجرـه هي اللي تعطيهآ بس يمكن ينزلو أحد ثاني في الصيف
و أختاري اي وحده تعجبك
الحيوآن في الصيف يكون أسهل بكثير وأقل < أعتمآد و خديجه كلهم جيدآت .
النبات أبعدي عن سآميه لآ شرح و لآ أختبارات ><

[rose99]

نفس المواد اللي ابغاها تقريبا وزيادة خلية وثقافة

بس المشكلة مو عارفة ايش اضيف وايش اخلي اخاف اضيف مواد وماتنزل صيفي او اضيفها كلها احتياط ؟

الله يسهل ان شاء الله

[بيشووو،،]

عفآف .. شكككككرا .. الله يجزاك خير ...



روز شكلي ح اسوي كدا انا اضيفها كلها و اللي يفتحوا له شعبة اسجل فيها..

[rose99]

بس الي خايفة منه كل المواد مكتوب الفرع الرئيسي طلاب

يبغالي اروح استفسر عنها

موفقة

[strawberry18]

بنات عندي سؤال دحين الصيفي نزل ب 12 ساعه ولا كيف كم بنت نزلت كدا
مع اني اعرف انه 9 ساعات

[بقايا جرح الزمان]

سوال صغنون
هو الصيفي نزل لكم بالاوديس
ولا من الجامعة تتسجلون ؟؟؟؟

[rose99]

موجود في الاودس بس مو عارفين راسنا من رجولنا

كل المواد مكتوب الفرع الرئيسي طلاب ولما نختار فرع البنات مافي مواد

باسجل من الجامعة ان شاء الله

ان شاء الله يكون 12 ساعة

[دروووووووب]

السلام عليكم ..
بنااااات بخصوص انه نزل الصيفي بال12 ساعهه ترى فقط للخرييييجااااات
لانه انا سالت الاستاده زكيه في كليتي وقالتلي فقط للخريجات يعني اتوقع حتى لو نزلنا مواد زياده راح يحدفوها علينا
الله يوفق الجميع يااارب

[بنت النجوم]

طيب ايش المواد اللي نزلت للكيمياء حيوي بالصيف؟