عاجل المحذوف من مادة مبادئ اداره عامه > استاذه خديجة الحربي

[النجاح اسمي]

السلام عليكم ورحمة الله وبركاته

كيفكـــــــم وكيف اجواء الاختبارات ؟؟
ان شاءالله تكونو بصحه وعافيه

عموما لبنات استاذه خديجة عبدالمؤمن واعتقد المحذوف نفسو عند كل استاذه
عشان ابرئ ذمتي المحذوف للبنات حطو تحت كلمة البنات مية خط >> اللبيب بالاشارة يفهم

مبادئ اداره عامه من تأليف الدكتور طلق سواط وطلعت السندي وطلال الشريف

شرح الاستاذه ولا اروع ماشاءالله عليها تشرح بذمه وضمير الله يسعدها

طيب ندخل في الموضوع

الفصول المحذوفه (الخامس والثامن والثاني عشر )

طيب السؤال الاهم ايش اللي معانا او المحذوف داخل الفصول المقرره علينا ؟؟؟

نمشي حبه حبه ونتوكل على الله بالله ركزو ...

طبعا يابنات المحذوف هوا اللي بقولو الباقي كلو معانا والتعاريف اذا كانت كثيره بس اللي نحددها الباقي لا يعني لو تعريف واحد حيكون معانا > ان شاءالله فهمتو ^^

الكلام هذا كونو على ثقه تامه به بإذن الله وماراح اقول كلام من عندي كلو كلام
الاستاذه خديجه الله يسعدها وياليت اللي محددتو زيي تطمن البقيه (:
يلا توكلنا على الله جيبو كتابكم ومرسامكم ^^

الفصل الاول :
حددت التعاريف تبع الاداره العامه تعريف ليونارد ونايجرو ودوايت وفردرك موشير والتعريف الرئيسي الثلاثه سطور بداية صفحه 7 طبعا هذي كلـــــها داخلـــه ضمن المقرر

والباقي كلو معانا بس التعاريف اللي تخص الاداره العامه غير اللي فوق ملغي


الفصل الثاني :
صفحه 23 ويمكن تعريف النظريه على انها .... التعريف هذا هو تعريف النظريه بشكل عام معانا طبعا... نظرية التنظيم مهمه ولها تعريفين

طيب في المدارس اسباب نشأة المدرسه التقليديه موجوده بس بشكل متفرق بكتبها لخاطر عنونكم
بس بالله دعوااتكم
1_انخفاض انتاجية المنظمات والعاملين فيها (السبب هذا المشترك في كل نشأة المدارس كلها)
2_كبر حجم المنظمه وتعدد اعمالها وزيادة مشاكلها
3_ التطورات التكنولوجيه والاقتصادية في العالم الصناعي
4_ الحاجه الى ترشيد الفرد بالفرد والفرد بالـ أله في المؤسسات الصناعيه

فردريك تايلور هو صاحب نظرية الاداره العلميه
هنريي فايول صاحب النظريه العامه للاداره
ماكس فيبر صاحب النموذج البيروقراطي


يوووووه طيب ايش المحذوف من الفصل دا بقولك ياستي اسهامات لوثر جولك صفحه 34
وانواع السلطه صفحه 38 واي شي ماتشرحو هي بنفسها قالت مو داخل ضمن الاختبار

تعريف مدرسة العلاقات الانسانيه اللي معانا التعريف الاول بسس صفحه 42
الانتقادات الموجهه للمدرسه صفحه 48 محذووف

طيب مدرسة العلوم السلوكيه يلا نكتب سوا الانتقادات الموجهه لنظرية ماسلو قالت اكتبوها مو موجوده بالكتاب
1_ ان الانسان باستطاعته اشباع حاجتين بنفس الوقت
2_ السلم لاينطبق على كافة الناس فمنهم من يشبع الحاجات الاجتماعيه قبل الاوليه او الفسيلوجيه


طيب صفحة 51 نجي لهيرزبرج عندو عوامل دافعيه(تأتي من داخل الانسان)
موجوده بالكتاب نهاية الصفحه اما العوامل الوقائيه او الصحيه (تأتي من البيئه)
اكتبوها مو موجوده
طبيعة الاشراف _م
مستوى الاجور_ ظروف العمل _ الامن الوظيفي -علاقاته مع غيره
واخيرا سياسات العمل


صفحه 56 البيئه والاداره العامه شرحت المقدمه وقالت ماابغى الباقي
يعني البراقراف الاول طيب اكتبلكم اللي شرحتو ( لابد ان تتأقلم هذه المنظمات على البيئه من النواحي الاقتصاديه والسياسيه لان المنظمه تحتاج من البيئه الى قوانين وموارد وتقنيه ومستفيدين وقيم وعادات ومصارد ماليه و مواد خام ) الكلام موجود بالكتاب ولكن هي اختصرته

طيب صفحة 61 نظرية النظم تعريفها موجود في البراقراف الاول والسطر الاول من البراقراف الثاني الى مخرجاته بسسس الباقي لا .. نأتي للمهم والاهم الجدول مررره مهم صفحه 63 والصفحات اللي بعدها شرح للجدول اهم شي عندها النقاط اللي في الجدول

معلومه :
معلومات مرتده تأتينا من خارج البيئه هي اللي تحدد المخرجات ضعيفه او قويه ( اقدر اسميها الجمهور )





الفصل الثالث :
صفحه 74 تعريف التخطيط اللي معانا 3 بس الاول والثاني والثالث والرابع حق هنري فايول
امشي بالترتيب اللي بعدها مو معانا

صفحه 79 نهاية الصفحه في تعداد اللي هو مهمة جهاز التخطيط العشره كلها ملغيه

صفحه 86 شوفتو المدى الزمني للتخطيط اكتبو فوقها من انواع التخطيط وطبعا معانا بس تقول الاستاذه انهم غلطو ومفروض يدرجوها من ضمن انواع التخطيط .. حصل خير ^^

طبعا مهم انك تعرفي تعاريف انواع التخطيط كلها واللي مالها تعريف خلاص
طيب صفحه 90 صور التخطيط الاداري محذوفه
انتبهو تحذوف النوع الخامس من انواع التخطيط ( القوى العامله ) بس الصورررر ملغيه

صفحه 96 الاسباب التي قد تكون موقف للمجتمع >> ( أ و ب ) محذوفه والصفات محذوفه ايضا



الفصل الرابع :
في المقدمه لازم تعرفي انو لكل منظمه اسلوبها الخاص في التنظيم مافي طريقه مثلى للتنظيم
والتنظيم عمليه مستممره

تعريف التنظيم واحد اذا معانا بعد التعريف مكتوب لابد التمييز بين ثلاثه مفاهيم اداريه
محذوفه الثلاثه كلها

نجي للمنهج السلوكي 106 مكتوب نص الصفحه رنسز ليكرت من هنا محذوف لين الصفحه اللي فوقها رسمه برضو محذوفه
خطوات التنظيم والاعتبارات الى صفحه 112 محذوفه

انواع التنظيم طبعا مهمه واكتبي جنبها انواع التظيم الررسمي

صفحه 114 نص الصفحه فيه تعداد محذوف االلي هي العلاقه بين ... تتمثل في :

صفحه 115 لتحقيق ذلك من الممكن اتباع الخطوات ... الخطوات دي محذوووفه

صفحه 116 مزايا وعيوب التنظيم حسب الوظيفه وايضا حسب المنتج محذوفه
بس لازم تعرفي يقوم على اساس ايش التنظيم هذا ؟؟

صفحه 119 فوائد الاعتماد على اللجان ملغيه محذوفه كل شي
والاسس ايضا والماخذ على التنظيم بالجان كمان محذوفه


بنات وربي تعبت بس يهون لو في وحده على الاقل استفادت اكمل لخاطر عيونها
يلا استنى ردودكم ياعزيزاتي

وماابغى غير دعواتكم لي اي دعوه المهم من القلب >> متشرطه كمان خخخ
يب متشرطه انتو كريمين وانا استاهل ^^

سبحانك اللهم وبحمدك اشهد ان لا اله الا انت استغفرك واتوب اليك

....
النجاح اسمي

[محبة القوم]

الله يسعدك ياقلبي ويزوجك لو ماكنتي متزوجة برجل يسعدك طول عمرك ويوفقك وينولك مرآآآآآآآآآآآآدك وتجيبي في كل المواد الفل مارك والله انك ماتعرفي قد أيه ساعدينا لأن استاذة رجاء آخر محاضرة قالت بتعطينا المحذوف وماحضرت لنا وقالت انه الاسئلة موحدة فياريت تكملي ياقلبي لأنه محتاجين والله يجعله في موازين حسناتك بس بسألك الاعتبارت الضرورية في عملية التخطيط محذوفة ولا لا؟؟ في صفحة 92 ؟؟ وخطوات عملية التنظيم صفحة 84 معنا ولا لا؟؟ وكمان صفحة 105 مناهج دراسة التنظيم معنا ولا محذوفة؟؟؟ و ياريت تكملي الله يوفقك

[diva66]

ربي يسعدك يا عسل

[النجاح اسمي]

اهلا بكم عزيزاتي
تسلمو على الدعوات و لكم بالمثل ... آمـــين


محبة القوم حبيبتي الاعتبارات معانا ومهمه كمان برضو الخطوات مهمه اقولك كيف قالت بتجيبها مثلا
تقولك خطوة الاقرار هي الخطوه الرابعه ( x ) لانها الخطوه الخامسه ..
كمان المناهج معانا ..




يابنات كلو معانا الا اللي انذكر انو محذوف هو محذوف والتعاريف اذا كانت اكثر من واحد
فالاستاذه جزاها الله خير حددتها لنا واللي حددتها هي اللي معانا ... فهمتوني ؟؟




وصلنا الباب السادس:
المقدمه غالبا ماتشرحها بشكل مختصر الثلاثه السطور الاولى لازم تعرفيها وتعرفي كمان اهمية الرقابه
وهي اللي تخليكي تقارني بين الخطه اللي كتبتي فيها اهداف منظمتك من البدايه واللي تحققت حاليا
مهم انك تعرفي للرقابه نوعين ذاتيه (اداريه او داخليه) ورقابة المركزيه ( الخارجيه )

طيب نجي للكتابه اللي بنكتبو موجود في صفحه 170 بس عشان ماتعبكم خلونا نكتبه ^^

أسباب عدم الكتابه عن الرقابه الاداريه (اسباب اهتمامهم بالمركزيه فقط ) :
1_ انتشار مفاهيم حركة العلاقات الانسانيه التي ترى ان الانسان نشيط وليس من الداعي احكام الرقابه عليه
2_حدوث كثير من التهديدات من خلال اجهزة الرقابهفي الدول الناميه حيث قامت الرقابه
على البطش والتهديد والحرمان من الوظيفه بشكل اخر لم يكتبو عنها حتى لايفهم انهم
يشجعو على البطش فشعرو بالحرج من ذلك ..
المقدمه ماقالت انها محذوفه اللي تبغى تقراها بتزيد من معلوماتها بس هذا اللي شرحته




مفهوم الرقابه او تعريفها اللي معانا تعريف هنري فايول والتعريف اللي بعدو على طول
والتعريف ( الفعل او العمل الموجه نحو ... ) في صفحه 173
في نفس الصفحه نهايتها مكتوب الثلاثه العناصر الرئيسيه التي ترتكز على التعاريف
لقيتوها ؟؟؟ على شكل 3 تعدادات اشرو عليها معانا




طيب ركزو هنا في خطوات الرقابه طبعا معانا بس التعداد نهاية صفحه 174 الى التعداد الخامس
كلمة وزارة الصحه محذوفه اما تقسيم المعايير كمي ونوعي مهم ..
صفحه 176 البراقراف الاول بس اللي معانا اللي تحتو محذوف
من كلمة نفترض مثلا الى بالنسبه للهدف الخامس
الصفحه اللي بعدها برضو البراقراف الاول اللي معانا الثاني لا
من كلمة ان اكتشاف الانحرافات الى الصفحه الثانيه 178 فقره ج شمولية هذا التقييم ... او الداخليه
محذوف ....
طبعا الرقابه الداخليه والخارجيه معانا ومهمه كمان الى نهاية الفصل مهم ..





الفصل السابع :
اهمية التنسيق موجوده بس النقطه الثانيه نقلتنا هي :
1_احد العناصر الاداريه ومكمل لها
2_ يلقي من التناقضات والتداخلات والازدواجيه ويقرب بين الجهود المبذوله
3_ يعتبر احد الاهداف الرئيسيه لكل مدير كفء


تقريبا الفصل مافيه شي محذوف الا صفحه 191 التنسيق على مستوى الاشخاص نهاية الصفحه
والصفحه اللي بعدها على مستوى الجماعه

وان شاءالله بكمل اليوم في الليل او بالكثير بكرهـ

محبتكــم / النجاح اسمي ..

[قطـــ عسل ـــرة]

النجاح اسمي .... الله يسعدك ويوفقك وتجبين اعلى الدرجات ويكتبلك الخير وين ماتروحين مشكووووورة

[remona3]

فعلاً مجهووود راااائع , الله يكتب لك بكل حرف كتبتيه حسنة , ويجعل النجاح حليفك في كل وقت

[remona3]

بس حبيت اسألك اختي , في صفحة 124, 125 , تبع المركزيه واللامركزيه قالت شي عنه؟؟
وصفحه 25 الاعتبارات والتوجيهات معانا ؟ وصفحه 45 النقاط السته لتجارب هوثرن ؟

:
وسؤال أخير , انتي ما اعطتينا المحذوف بشكل عام صح ؟ لأن عندي صفحات محذوفه اساسا بالكتاب

[sadaf]

ياشيخه الله يعطيكي لما يرضيكي يارب
مرررررره ماقصرتي صراحه حقها يثبتو الموضوع
فرجاءا من المشرفين تثبيت الموضوع لانه جدا مهم

[النجاح اسمي]

ربي يسعدكم انتو كمان ولكم بالمثل لكل دعوه حلوهــ ..

بس الظاهر انكم مافهمتوني او انا ماعرفت اوصلكم المعلومه تمام يالله حصل خير

كلو معانا الا اللي انذكر انو محذوف هو محذوف والتعاريف اذا كانت اكثر من واحد
فالاستاذه جزاها الله خير حددتها لنا واللي حددتها هي اللي معانا >> مههههههم الكلام هذا


remona3 صفحه 25 معانا بس استحاله تقولك عددي لان الاختبار موضوعي
( اختياري+ صح وخطا ) طيب كيف ممكن تجي اقولك ياستي ممكن تقولك
نظرية الاداره جزء من نظرية السياسه (صح) طبعا العكس خطأ

صفحه 25 تعرفي انو العلوم الطبيعيه تتمحور حول الماده
الاجتماعيه تتمحور حول الانسان لذا تكون القواعد والاسس نسبيه
ليش ؟؟ لانو الانسان غير ثابت فنفسر الظواهر فقط اما لعدم التنبؤ بالعمل الانساني
او لعدم اخلاقية ذلك >> ان شاءالله فهمتي


المركزيه واللا مركزيه مهمه مررهــ و مو مذكور انها محذوفهــ >> هيا انتبهي
تجارب هوثرون معانا كمان


لو الكل يشوف انو الموضوع مهم اتمنى انو فعلا يتثبت عشان الكل يستفيد ..

[النجاح اسمي]

remona3 سوري حبيبي مانتبهت للسؤال الاخير
اعطيتكم المحذوف كلو بشكل عام لاستاذه خديجه بس باقيلنا الفصل التاسع والعاشر والحادي عشر

كتبت رد ثاني فيه المحذوف من الفصل التاسع بس انمسح يالله الحمدلله

الفصل التاسع :
مصادر القوه شفتوه ؟؟ تحتو مكتوب قوة الثواب التعداد هي 6 نقاط محذوفه
القوه القسريه تعدادها محذوف
القوه الشرعيه والتخصصيه برضو فيها تعداد محذوف
طيب ايش اللي تذكرو من مصادر القوه ؟؟ تعرفي على اي اساس تقوم هذه القوه ومن اين تستمد قوتها
وتعريف مصادر القوهـ


توزيع القوه صفحه 229 محذوفه
القياده والقوه لكل واحد تعريفين كلها داخله ضمن المقرر

من التطور الفكري صفحه 232 الى صفحه 238 ( يرى فيدلر .. والاجتماعي في العمل ) الى هنا محذوف


نماذج الشبكه اللي تحتها مرره مهمه او الانماط القياديه مع ارقامها
ممكن تقولك النمط القيادي 1_1 يتميز بالسلبيه ( صح )
شوفو يابنات الرسمه فيها غلط بالارقام صفحه 240 حاولو تصلحوه من الصفحه اللي قبلها
طبعا مابتقولك ارسمي لانو زي ماقولنا موضوعي الاختبار


صفحه 241 نموذج الثلاثه الابعاد محذوف الى نهاية الفصل صفحه 245



الفصل العاشر :
الملغي في هذا الفصل المناهج صفحه 251 الى 254
والمؤثرات الشخصيه لفعالية القرار نهاية صفحه 261 الى نهاية الفصل


طيب خلونا نرجع للخطوات صفحه 258 هنا مافي شي محذوف بس قالت الشعور بالمشكله اول خطوه
تفهمي البراقراف الاول بس مع اول جمله في البراقراف الثاني > هذا كلامها
وبراحتك تبغي تقريه زياده لمعلوماتك نتي حره لو تشكي ومتخوفه يعني

الخطوه الرابعه تحديد البدائل الى التعداد الخامس صفحه 260 معانا البراقراف اللي تحتو لا




الفصل الحادي عشر :
صفحه 271 من كلمة في هذا الصدد تعتبر تجارب هولثون ... على كفاءة وفعالية الجهاز الاداري
يعني البراقراف كلو محذوف برضو هنا بتقريه بكيفك انتي

الشروط المطلوبه في اداري الاتصالات نهاية صفحه 274 محذووووفه

صفحة 278 الاتصالات وصناعة القرار الى العام لهذه الجهه البراقراف الاول من صفحه 279
المعوقات معــــــــــــانا ..


الحمدلله خلصنا ^^ لاتنسوني من دعواتــكم
وصلى الله وسلم على سيدنا وحببينا محمد عليه افضل الصلاه واتم التسليم >>
اكثرو الصلاه عليه اليوم جمـــعه ..


يلا حبيباتي اي وحده مو فاهمه شي انا مستعده لأسئلتكم >> مصدقه انها استاذه



محبتكم / النجاح اسمي ..