طلب بسيط وضروري.....

[وبعدين ياحب]

لوسمحتم افيدوني
أنااختبرت توفل وجبت نتيجة313 اقدر اقدم ماجستير لغة عربية يعني اختبر اختبار القسم وهل ممكن يتغاضون عن درجة التوفل اذاجبت نتيجة حلوة في اختبار القسم؟أو اريح نفسي وماأقدم؟
من فين آخذ نتيجة التوفل علشان أصورها وأقدمها لهم؟
ومن فين أخذ ورقة طلب الإلتحاق ببرنامج الماجستير؟
اتمنى الاجابة بسرعة لاني رايحة السبت أقدم؟
ولكم أصدق الدعوات مني وأطيبها؟وشكرا...........

[خجوـوـولة]

مرحبا اختي

قدمي ياقلبي على اختبار القسم واختبري بالمررررررره لاتيأسي

ولمن تطلع نتيجة اختبار القسم اظن حيخلوكي تكتبي تعهد

بانو تجيبي الدرجة المطلوبة لإختبار التوفل

خلال ترم من الدراسة او شي زي كذا ،،

ونتيجة التوفل تاخذينها من عمادة الدراسات العليا في المبنى الثالت

بس مايطبعولك الإفاده ياقلبي الا لو اخدتي 400 بالتوفل

اما لو اخدتي 390 تقدري تطبعي نتيجتك من موقع الجامعه

وترفقيها بملف الماجستير تبعك

اما بالنسبة لورقة الترشيح بعد ماتعبي كامل بياناتك من دا الرابط

اضغطي

وتعملي ارسال حيطلع لك رقم الترشيح مع بياناتك

اطبعي هذه الاستماره وحيكون موجود بيها تاريخ اختبار القسم

اما في حالة طلبتي تعديل بيانات او ادخلتي بيانات خطاء اكتبي البيانات المراد تعديلها

وارسليها مع المستندات

او عند طريق فاكس العمادة 026951281 << وهذا كلام أستاذ فيصل البلادي

اتمنى اكون افدتك وجاوبت على استفسارات واي سؤال انا حاضره باللي اعرفو

طلبتك دعوه صادقه ان ربي يسهلي اموري ويسهلي اختبار القبول للقسم

واقدراكمل طموحي في الماستر

بالقسم اللي ربي يسهلي هوا

بالتوفيق يارب للجمييييييييييييييييييييع

[sbelady]

جزاك الله خير >خجوله <

[خجوـوـولة]

ويجزاك الجنة يارب استاذي
هذا اقل واجب نسويه انو نساعد بعض باللي نقدر عليه ،،
وكان الله في عون العبد مادام العبد في عون اخيه
وانت الخير والبركه يا استاذنا :)

[يمامة سلام]

بما انك لغة عربية خلاص ماعندك مشكلة مع التوفل
تقدري تدخلي دورة انجليزي في الفصل الأول بعدما تنقبلي..