استاذ فيصل او استاذ عاطف او اي احد عنه خلفية ساعدوووني

[happyface23]

ارجو الرد على سؤالي سريعا الله يعطيكم العافية ضروري
- انا خارج جدة في ااااااااخر الدنيا كندا وحأجي جدة ان شاء الله بعد ماينتهي التقديم في النت بيوم - ابغى اعرف كيف اكتب تعهد التوفل وانا هنا ؟ هل ينفع اختي تكتبه بدالي لما تعطيهم الاوراق ؟ او ينفع اختبر بديل التوفل في الجامعة اللي بتاريخ 29-4-2009 ؟ علما انه التقديم حيكون انتهى
وبس كنت حابة اعرف ايش يفرق دا الاختبار عن التوفل ؟ ودرجته من كم؟ وكم لازم اجيب فيه للقبول ؟

ياريت اللي عنده خبر يفيدني الله يجزاكم كل خير
ويسهل لكم اموركم
واتمنى من الاستاذ عاطف او الاستاذ فيصل يعطوني جواب اكيد
وشكرااااااااا للكل وبالتوفيق

[happyface23]

يااااااااااااااااااااربي ولا رد
بلييييييييييييييييييييييييييييز ساعدوووووووووووووني

[happyface23]

ياجماعة فين الناس ؟
الله يعطيكم العافية ردووووووووووووووووووا
استاذ فيصل الله يسعدك رد عليااااااااااا

[happyface23]

لا حول ولا قوة الا بالله العلي العظيم
مو معقول كل اللي دخلوا مافي احد يقدر يساعد
لو بكلمة
عالعموووم جزاكم الله خير

[خجوـوـولة]

مرحبا اختي

اول حاجه معليش على عدم السرعه في التجاوب يمكن الكل مشغولين او ماعندهم خلفيه

حقك علينا

ثانيا عادي لاتشيلي هم التوفل لانو كتير زيك ماختبرو توفل وعبو استمارة الترشيح وبعدين حيكتبو التعهد

فانتي قدمي ياقلبي على اختبار القسم واختبري

ولمن تطلع نتيجة اختبار القسم اظن حيخلوكي تكتبي تعهد

بانو تجيبي الدرجة المطلوبة لإختبار التوفل

خلال ترم من الدراسة او شي زي كذا ،،

يعني لاتخلي مشكلة انك لسه ماختبرتي عقبة تمنعك من اختبار القبول

وبالنسبة لتساؤلك عن ايش الفرق بينه وبين التوفل صراحه ماعرف بس كل اللي اعرفو انو بديل التوفل مافيه جزئية الرايتينق كل الي فيه 3 اجزاء الليسننق والريدينق وشي تالت مايحضرني دحين
واظن درجة بديل التوفل 600 واقل درجة للقبول 400 لجميع الأقسام ماعاد علوم الحاسبات 450 واللغات 500
ولو جبتي 390 ممكن يتغاضو عن ال10 درجات :)

اتمنى اكون افدتك وجاوبت على استفسارات واي سؤال انا حاضره باللي اعرفو

طلبتك دعوه صادقه ان ربي يسهلي اموري ويسهلي اختبار القبول للقسم

واقدراكمل طموحي في الماستر

بالقسم اللي ربي يسهلي هوا

بالتوفيق يارب للجمييييييييييييييييييييع

[happyface23]

تسلمي ياعسل شكرا شكرا شكرا
الله يسهل لك كل شي ويحقق لك اللي في بالك يارب وتدرسي ماستر ودكتوراه كمان
وشكرا حبيبتي على تفاعلك وعلى اسلوبك الحلو اللي يطمن
الله يجعله في موازين حسناتك وصراحة خجلتيني بذوقك ياذوووووووووووووووووووق

[خجوـوـولة]

امييييييييييييين يارب ومن يقول
وانتي الذوق ومنبعه ياعسل ودا اقل واجب اعملو
وتكرمييييييييي ياستي واي سؤال حاضرييييييين
موفقه ياااااااااارب