استفسار بخصوص اعادة المادة الحرة

[غروووومة]

السلام عليكم .... كيفكم مع حوووسة الإختبارات والكتب..؟!

ربي يوفقكم فردا فردا ...

عندي سؤال مجنني ....
أنا أخذت هالسميستر مادة حرة (سيرة نبوية) وان شاء الله ضامنة فيها النجاح..
وضروري آخذ صيفي..... كله بسبب الدلع اللي تدلعته بس 4 مواد

والصيفي حاطين كل المواد الحرة والعامة أحد وثلاثاء ...
ومافي غير السيرة النبوية حاطينها سبت واثنين وأربعاء..

ضروري آخذ 3 مواد ,,
عندي مادة اعداد تقارير كل يوم .. وثقافة 3 .. ومافي عندي غير السيرة...؟!
لأن بقية المواد الحرة حتكون تعارض,,,

فـ سؤالي :- أقدر آخذ سيرة نبوية للمرة الثانية ولا لأ...؟!

[عـ ـلآء | Ālอ'อ]

تقدري تاخذيها بس مع النظام الجديد اتوقع ما يحسبولك ساعاتها ..
الأفضل اختاري غيرها أو جازفي وخذيها .

[غروووومة]

ليه مايحسبوها.... هو أصلا حتى لو خلصت كل المواد حيكون عندي 3 ساعات ناقصة عن الخطة لاني كنت أداري ..... بآخذها وأمري لله ...

مشكور ع الرد علاء

[غروووومة]

تتوقعون يحسبوها لي ولا لا أتعب نفسي فيها وآخذها....؟!

طيب جدول الصيفي ..

كم ساعة أقدر آخذ كحد أقصى :- 9 أو 12 ؟؟

[أنثى وحيدة]

غرووومه وين شفتي المواد الحره النازله صيفي

[الحــــربيهـ]

صح وين ..؟

[غروووومة]

على حسب كليتك ...

بالنسبة لكليتي :- إقتصاد وإدارة ..

عند الشؤون التعليمية معلقين ورقة بالمواد الحرة وكمان المواد اللي نازلة لكل قسم
..
المواد الحرة الموجودة للصيفي هذي السنة ..
أسس الجغرافيا الطبيعية (ح.ل)من 10:20 إلى 12
جغرافية المملكة العربية السعودية (ح.ل) من 7:30 إلى 10:10
السيرة النبوية والخلفاء الراشدين (س.ث.ر) من 7:30 إلى 9:10
الأيوبين والمماليك (ح.ل) من 7:30 إلى 10:10
تاريخ العالم القديم (ح.ل) من 7:30 إلى 10:10
تاريخ العلوم العربية الإسلامية (ح.ل) من 10:20 إلى 12
مدخل لعلم الإجتماع (ح.ل) من 10:20 إلى 12

كمان منزلين المواد العامة
ثقافة 3 (شعبتين)
وثقافة4 (3شعب)
وتحرير كتابي شعبة واحدة

ومواد التخصص من المستوى السابع والثامن مع البحث والتدريب للأقسام والتخصصات الباقية

بالنسبة للصيفي
يبدأ التسجيل للمواد يوم 21/7 وينتهي يوم 26/7
والمحاضرات تبدأ يوم 26/7