اللغة العربيه 101 الــدمــآر الــشــامل ..!!

[عبدالله العاصمي]

السلام عليكم ورحمة الله وبركاته

اللغة العربية 101 كانت الدمار الشامل ، والابادة الجماعية ، والقشة التي قطمت ظهر البعير ،

المفاجأه الاولى / لمن دخلت القاعة تفاجأت بكثرة الطلاب اللي حاملين هالمادة ،
المفاجأه الثانية / اول ماحطيت عيني على ورقة الاسئله حسيت ان هذا اختبار دكتوراهـ ،

وبما نسبتة 95% من الاسلئه كلها اسئلة تعجيزية وكأنها تحدي لنا .. ؟! <-- ترى حطيت الاستفهام يسبق التعجب . ( دليل اني مذاكر )

وللأسف الشديد شكلي اول واحد بحمل المادة للمره الثانيه ، والسبب ماهو تقصير مني في المذاكرهـ .. ولكن لصعوبة الاسئلة ،

والدكتور ما نزل لنا سلايدات ولا مذكرهـ ، ولا تحديد ، وكل اللي نسويه اجتهاد منا ،

نطالب الدكتور بالرفق بنا ، والتساهل معنا ، ومساعدتنا بالدرجات بأكبر قدر ممكن ،

وارجع اكرر الابيات اللي قلتها اليوم الصباح

رحنا بّخبر كان ومرفوع ومنصوب ..؛؛.. والمبني وِفِعل المضارع مع الامر
وحتى (الضماير ) قامت تجر مسحوب ..؛؛.. وجمع المذكر دمعتة تنهمر همر
واسمٍ مجرد والمزيدي لها دروب ..؛؛.. وباقي الحروف الزايدهـ تشرب الخمر
والمخ يالاخوان ترى صار مضروب ..؛؛.. ونرجو المروفه من ولاتنا في الامر

حــسبــنــا اللـــه ونــعــم الــوكــيــل
حــسبــنــا اللـــه ونــعــم الــوكــيــل
حــسبــنــا اللـــه ونــعــم الــوكــيــل

* اضفت استطلاع للموضوع .

[مهندس نووي]

معروفه اعدااااااااااااااااااااااااااااام
يوم العيد
الله يعينكم

[عبدالله العاصمي]

أي والله اعدام يا مهندس نووي
ماهو اعدام بالنووي ههههههه ولكن اعدام بالاسئله

الله يعين الجميع يآبعد راسي

[مشاري15]

حسبي الله ونعم الوكيل والله حنا منتسبين يعني لازم يخف علينا بالأسئله هذا شكله الي حاط الأسئلة يبي نعيد اكثر من مره بالماده . والله تعجيز والله لو تجيب مدرس لغه عربية من اي مدرسه ماراح يحلها

[مشعل سلطان]

ليش هل تعجيز يعني هوناسي انو حنا طلاب نتساب كل درستنا عبارة عن جهد فردي

[طواري]

صاح لسانك
اما الاسئلة حطها وشكله خايف من احد طلاب الانتساب ياخذ وظيفته ... يعني نبي نصر دكاترة للغه العربيه على هالاسئله يعني مثلا

[sfaham]

الله يكفينا فيه والله اني دافع 800 ريال للمدرس وشرح لي المادة ودخلت وان ضامن فوق 90 درجة لكن يوم شفت الاسئلة عرفت ان الدكتور يبي يثبت لنا انه ما أخذ الدكتوراه من فراغ .....
وعليه نقول له ترانا عارفين انك بطل وعندك علم في اللغة العربية ولا حد قدك لكن ترانا كلنا عايدين المادة يعني من لا يرحم لا يرحم

حنا ما نقول نجحنا الله يغنينا عنك لكن نقول حط اسئلة زي الناس يعني انت منت افضل من دكاترة جامعت الملك عبدالعزيز بجده

حسبي الله ونعم الوكيل ان كان بتخسف معدلي وبتعنيني ادرسها من جديد وانا كنت ناوي احرق كتابها وكل الاوراق

الله ينتقم من اللي كان السبب
الله ينتقم من اللي كان السبب
الله ينتقم من اللي كان السبب
الله ينتقم من اللي كان السبب
الله ينتقم من اللي كان السبب

[مشعل سلطان]

اعداااااااام حسبي الله ونعم الوكيل

والله مذاكر بس. الاسألة صعبه وعقده

والقهر انو في كلمات تحس انها خطاء املائي او جايه خطاء
شكلي الي احملها مره ثانيه

[عبدالله العاصمي]

يعني ما يكفي انه ماحط لنا سلايدات في موقعه ولا مذكره ولا حدد لنا اي شي ..؟
الشي الوحيد اللي لقيته في موقعه هو مفردات الماده فقط .
وبنا على هالمفردات جبنا الملخص .

والنتيجه كانت / اسئله صـعــبـة ومـعـقـدة وخـبـيـثـة

[الحربي مروان]

انا حملت الماده من قبل ....
وشكلي راح آحملها مره ثانيه ... مع أختبار اليوم

لاكن متفائل خير ...