استفسار يهمني عن برامج الابتعاث الخارجي

[sbssbs]

السلام عليكم يا اعضاء يا نوابغ

ممكن تعينوني أعانكم الله..

قريت انو من شروط التقديم على برامج الملك عبدالله للابتعاث الخارجي (للماجستير)
ألا يتجاوز 27 عاما أو من هم مولودين بعد ذوالقعدة1404

>>طيب المولودين في جماد أول 1404 هل ممكن يقبلوهم او يستثنوهم من الشرط اعلاه؟

وبالنسبة لوجود محرم مع الطالبة<< هل توجد شروط خاصة بالمحرم؟ <<(العمر ..المستوى التعليمي....العمل...الخ)
>>طيب والمسكينة اللي ما عندها محرم اش تعمل؟؟

>>بالنسبة للغة <<هل لازم تكون حاصلة على التوفل او ما يعادلة؟؟

أرجو إفادتي ولكم جزيل الشكر

[Lil Doll]

الي اعرفه انو الشروط لسى مانزلت خلال دا الشهر حتنزل

والتقديم حيكون نهاية 8 او بداية شهر 9

والله يوفق الجميع :)

[Eva160]

بالصراحه هما المدققين وقت التدقيق متشددين من ناحيه العمر والدرجات الخ لا يوجد حالات استثنائيه

المحرم اهم شيء يكون عمرو فوق 18، لانو الملحقيه متشددين في دي الموضوع ازا انتي مخططه يكون عندك مرافق بس يوصلك بلد الابتعاث ويرجع السعوديه لازم المرافق يدي خبر للملحقيه ويوقع عهد انو ماراح يستلم مكافأه الشهريه من الملحقيه وانو هوا راح يتركك في بلد الابتعاث وراح يتحمل اي مسؤوليه يجي منك.

لانو في بنات الله يهديهم ماخلو المرافق يدي خبر للملحقيه انو هوا بس يوصلها ويرجع السعوديه، وكانو البنات يستلمو مكافأتين مكافاه شهريه ليهم وللمرافق، لما الملحقيه عرفوا وقفوا مكافأتهم الشهريه وطلبوا ارجاع مبلغ المرافق اللي صرفوا عليها بأي طريقه.

اما ازا كان لك اقارب في بلد الابتعاث برضوا المرافق يدي خبر للمحقيه انو لك اقارب في بلد الابتعاث وراح يتركك معاهم.

الله يوفقك ويكتب لك الخير