اختيار احداهما فقط ؟ (الايفاد الداخلي او موافقة جهة العمل عالى الدراسة المسائية )

[tr.7ano]

السلام عليكم ورحمة الله وبركاته
احمد الله على قبولي ولانتهاء من مطابقة اوراقي ....
وبعد ان اخذت إفادة قبول من الجامعة ذهبت الى ادارة التدريب والابتعاث التربوي .
فقلت: لها اريد ايفاد داخلي وموافقة جهة العمل على الدراسة اجابت انه مايصير اخذ شيئين مع بعض ياكذا ولاكذا ؟؟؟ مادري هل هذا الكلام صحيح
بالعربي تصرفني عن الايفاد وتقول ابداً ماهو مضمون ولاحتي يستغنون عن المعلمات في ظل العجز القائم !!!
ولسا حتى افادة القبول مافية (كلمة مسائية) كيف اعطيك موافقة جهة العمل على الدراسة ؟

[عمري الخالد]

كيف يخيرونك؟؟!!
اصلاً مايعطونك ايفاد الا بعد الموافقه.
اتوقع اللي قابلتيها وسألتيها موظفه ليس لها علاقه بالايفاد و الابتعاث

[tr.7ano]

الي قابلتها مديرة التدريب والابتعاث التربوي
(حسب الله عليها )...............................

[عمري الخالد]

كل الأمور سهله
لكن هناك من يصعبها
اي عجز قائم تتكلم عنه .. ووزارة التربية مثبته الاف البديلات وموظفين الالاف والنقل الخارجي 100%
معقوله معلمه وحده تطلب تفريغ لاكمال الدرسات العليا بتسبب عجز
لاحول ولاقوة الا بالله

[احساس الوجود]

السلام عليكم..أنا بقولكم عن تجربتي في طلب إيفاد..طبعآ أنا أنقبلت إدارة تربوية وأول ماأنقبلت راجعت إدارةالتدريب وقابلت مسؤولة في التدريب الله يجزاها خير بصراحة انسانة راقية وخدومة..المهم شرحت لها وضعي وفي البداية أعطتني ورقة تفيد إن دراستي مسائية وإن أتعهد ماأطالب المديرة بتخفيض نصابي وكذا..بس قلت لها إني أبي أطلب إيفاد وتفرغ قالت لي طيب جيبي ورقة إيفاد قبول من الجامعة قبل نهايةشهرستة عشان أرفعها مع بياناتك لشؤون المعلمات عشان إذا استغنوا عنك يصير نبدأ في تعبئة أوراق الإيفاد ونبدأ الإجراءات..المهم جبت ورقة القبول من الجامعة ورحت أعطيتها المسؤولة ورفعتها مع بيانات خاصة فيني مثل القسم إللي أنقبلت فيه ومعدلي بالمؤهل والتقدير وأدائي الوظيفي آخر سنتين..هذا الكلام صار الاثنين قبل الماضي..رفعت الأوراق ودقت علي الله يجزاها خير الأربعاء بنفس الأسبوع وقالت لي خلاص جاك الاستغناء من شؤون المعلمات ومريني السبت عشان تعبي الأوراق الواردة في تعميم الإيفاد..المهم مريتها السبت وعبيت الأوراق معها وقعدت تحسب لي النقاط إللي حصلت عليها لأنه تقول إذا جبتي تسعين نقطة من ميةوأربعين راح تحصلي على الأيفاد..طبعآ النقاط على سنوات الخدمةومعدل المؤهل والآداء الوظيفي آخر سنتين والدورات والأعمال في مسيرتي الوظيفية وثلاثين نقطة على المقابلة الشخصية..طبعآ قالت لي ماشاءالله نقاطك حلوةومابقي لك إلا المقابلة ولاتخافي إن شاء الله يوافقو لك على الإيفاد وقالت لي بالحرف الواحدا‏(إذا رفعنا أوراقك من هنا بالإيفاد بالرياض ماراح يعرقلوها وراح يصادقوا على الإيفاد‏) طبعآ حددت لي الأربعاء هذا الأسبوع موعد المقابلة ودعواتكم لي..بس الحمدلله ربي وفقني بهالمسؤولة لأنها جدآ متعاونة وخدومة وياليت كل موظفاتنا بالإدارة مثل هالانسانة الله يجزاها خير..هذي تجربتي في طلب الايفاد وراح أوافيكم بإللي راح يصير معي في المقابلة وطلب الإيفاد..

[برنس انا وانت]

المشاركة الأصلية كتبت بواسطة احساس الوجود السلام عليكم..أنا بقولكم عن تجربتي في طلب إيفاد..طبعآ أنا أنقبلت إدارة تربوية وأول ماأنقبلت راجعت إدارةالتدريب وقابلت مسؤولة في التدريب الله يجزاها خير بصراحة انسانة راقية وخدومة..المهم شرحت لها وضعي وفي البداية أعطتني ورقة تفيد إن دراستي مسائية وإن أتعهد ماأطالب المديرة بتخفيض نصابي وكذا..بس قلت لها إني أبي أطلب إيفاد وتفرغ قالت لي طيب جيبي ورقة إيفاد قبول من الجامعة قبل نهايةشهرستة عشان أرفعها مع بياناتك لشؤون المعلمات عشان إذا استغنوا عنك يصير نبدأ في تعبئة أوراق الإيفاد ونبدأ الإجراءات..المهم جبت ورقة القبول من الجامعة ورحت أعطيتها المسؤولة ورفعتها مع بيانات خاصة فيني مثل القسم إللي أنقبلت فيه ومعدلي بالمؤهل والتقدير وأدائي الوظيفي آخر سنتين..هذا الكلام صار الاثنين قبل الماضي..رفعت الأوراق ودقت علي الله يجزاها خير الأربعاء بنفس الأسبوع وقالت لي خلاص جاك الاستغناء من شؤون المعلمات ومريني السبت عشان تعبي الأوراق الواردة في تعميم الإيفاد..المهم مريتها السبت وعبيت الأوراق معها وقعدت تحسب لي النقاط إللي حصلت عليها لأنه تقول إذا جبتي تسعين نقطة من ميةوأربعين راح تحصلي على الأيفاد..طبعآ النقاط على سنوات الخدمةومعدل المؤهل والآداء الوظيفي آخر سنتين والدورات والأعمال في مسيرتي الوظيفية وثلاثين نقطة على المقابلة الشخصية..طبعآ قالت لي ماشاءالله نقاطك حلوةومابقي لك إلا المقابلة ولاتخافي إن شاء الله يوافقو لك على الإيفاد وقالت لي بالحرف الواحدا‏(إذا رفعنا أوراقك من هنا بالإيفاد بالرياض ماراح يعرقلوها وراح يصادقوا على الإيفاد‏) طبعآ حددت لي الأربعاء هذا الأسبوع موعد المقابلة ودعواتكم لي..بس الحمدلله ربي وفقني بهالمسؤولة لأنها جدآ متعاونة وخدومة وياليت كل موظفاتنا بالإدارة مثل هالانسانة الله يجزاها خير..هذي تجربتي في طلب الايفاد وراح أوافيكم بإللي راح يصير معي في المقابلة وطلب الإيفاد..

ان شاء الله الف مبرو ك مقدما وعقبال صاحبة الموضوع بس لازم تغلقي اوراقك بدري واالايفاد وروقة المسائي ما فيها اي تعارض ترى التفرغ فرصة وعدد الكراسي للتفرغ محدوده
بالتوفيق ان شاء الله للجميع

انا الحمد لله تفرغت من بداية السنة وكان موضوعي مثل الاخت بالضبط والحمد لله على كل حال

[احساس الوجود]

المشاركة الأصلية كتبت بواسطة برنس انا وانت ان شاء الله الف مبرو ك مقدما وعقبال صاحبة الموضوع بس لازم تغلقي اوراقك بدري واالايفاد وروقة المسائي ما فيها اي تعارض ترى التفرغ فرصة وعدد الكراسي للتفرغ محدوده بالتوفيق ان شاء الله للجميع انا الحمد لله تفرغت من بداية السنة وكان موضوعي مثل الاخت بالضبط والحمد لله على كل حال

هل سويت مقابلة؟وكيف تمت؟وماموضوعها وما الأسئلة اللي سألوك فيها؟ لأن بكرة عندي مقابلة وأرجو منك إفادتي؟؟

[عمري الخالد]

مشاء الله
الله يوفقك ويسخر لنا موظفه مثلها تسهل امورنا

[برنس انا وانت]

معذرة في تاخري على الرد لعدم دخولي المنتدى بسبب الاختبارات هذه الايام

ارجو لكي التوفيق في الايفاد ونقول مبروك مقدما