مهم وعاجل بخصوص السيره النبويه

[atab10]

السلام عليكم مساكم
مساكم الله بالخير جميعآ
اليوم كنت عند الدكتور محمد با عامر وبلغته قلت العالم محيوسه تدور ملخصات او اي تحديد لللاختبار وقلت له اني حتى الكتاب مالقيته بالمكتبات امس واليوم الصباح المهم الدكتور كان متعاون وقالي امانه بلغ الشباب بالحرف ان الكتاب الوحيد والمعتمد اللي هو ( رحله في ظلال السيره النبويه ) المؤلف الدكتور نفسه وقالي لاحد يعتمد على ملخص او مذكره كلها معلومات مغلوطه وقالي التحديد انا مبلغ فيه الشباب وماهو كثير / الكتاب موجود في مكتبه خلف الجامعه مول اسمها ( روائع المملكه ) وقلت له كيف الاختبار قال سهل إن شاء الله صح وخطاء واختياري ومافيه مقالي ابد حتى التواريخ ركزوا ع التواريخ المهمه ( مولد الرسول صلى الله عليه وسلم - وفاته ، وفاه خديجه - ابو بكر الصديق وباقي الخلفاء والغزوت الكبرى والمهمه ) هذآ اللي يحظرني بالوقت الحالي
آسف جدآ من الظهر وربي احاول اكتب الموضوع ويطلع لي ايرور

[atab10]

بخصوص التحديد يا اخوان ادخلوا على صفحه الدكتور بالجامعه وتلقون التحديد انا اليوم كنت عند الموظف بقسم التاريخ وسحب لي ورقه التحديد من النت من نفس صفحه الدكتور وقالي هذآ التحديد اللي سواه الدكتور

[بدر الحزنوي]

لا هنت يا غالي
وينها فريت صفحته بالجامعه مافي شيء ؟
بعدين هو قال اللي اختبرنا فيه الدوري الأول والثاني مو داخل معنا بالاختبار النهائي ؟
معقولة فهمته غلط ؟

[atab10]

يالغالي حنا انتساب لاتلحس مخي بعد انت ويكون هو بعد متوقع اني انتظام ولا غيره بس ماظن مستحيل انا قلت له اني من قسم الاعلام وماخذها ماده حره عموما لي معه موعد إن شاء الله بكره الصباح

[atab10]

التحديد اخذته من واحد من الموظفين بقسم التاريخ طبعه لي من النت وبالاصح من موقع الدكتور نفسه مادري عاد كان عندهم خاصيه يدخلون عليها دون سواهم انا بعد مثلك حاولت اني ادخل ع مفردات الماده ماقدرت بس يوم طبعها قدامي قلت له متاكد هذآ تحديد الدكتور الترم هذآ قال ايه اقر بس قرايه لا تحفظ ولا شي وإن شاء الله تساهيل مع العلم انو بالمنهج شغلات كثير محذوفه يعني حط المثبت وادعس قرايه سريعه بدون توقف لين تفصل ويجيك النوم او يخلص الكتاب

[النجم العالي]

المشاركة الأصلية كتبت بواسطة atab10 التحديد اخذته من واحد من الموظفين بقسم التاريخ طبعه لي من النت وبالاصح من موقع الدكتور نفسه مادري عاد كان عندهم خاصيه يدخلون عليها دون سواهم انا بعد مثلك حاولت اني ادخل ع مفردات الماده ماقدرت بس يوم طبعها قدامي قلت له متاكد هذآ تحديد الدكتور الترم هذآ قال ايه اقر بس قرايه لا تحفظ ولا شي وإن شاء الله تساهيل مع العلم انو بالمنهج شغلات كثير محذوفه يعني حط المثبت وادعس قرايه سريعه بدون توقف لين تفصل ويجيك النوم او يخلص الكتاب

الله يجزاك خير اخوي تكفى عطنا التحديد لاهنت

[النجم العالي]

ابغى التحديد ياخوان اشتريت الكتاب

[atab10]

ركزوا على بيعه العقبه الاولى والثانيه كم العدد ومتى والسرايا بس سريتين اللي ركزوا عليها / عبدالله ابن جحش وحمزه بن عبدالمطلب والغزوات الكبرى بس اعرفوا تواريخها واطرافها واسبابها تبوك - الاحزاب - حنين - فتح مكه - مؤته وبني المصطلق وصلح الحديبيه وبالنسبه للخلفاء تواريخ الميلاد والوفاة واهم اعمالهم والجيوش اللي ارسلوها ولمين بالنسبه لعلي ابن ابي طالب ركزوا على موقعه الجمل وصفين بين علي ومعاويه ونهروان والسلام

[atab10]

الكلام موجه لللانتساب