التسجيل في الجامعه للاجانب

[Stranger.m]

السلام عليكم ،،،

في البدايه مبارك عليكم تجاوز هاذي المرحله الصعبه وهنيئا للمتفوقين

اتمنى يا شباب للي عنده خلفيه عن التسجيل للاجانب من الام والاب

يقلي عن الطريقه بالتفصيل وهل حيكون الطالب مطالب برسوم دراسيه او لا

وجزاكم الله خير ...

[besho ^_^]

انا غير سعودية وما عندي جنسية و من ام واب غير سعودين
قدمت اول ما خلصت الثانوي بابا اخد اوراقي لعمادة القبول والتسجيل هناكا يقولوك ايش الاوراق المطلوبة دا الكلام كان السنة قبل اللي فاتت وجا قبولي على بداية السنة دي يعني جلست سنة في البيت بعدين قبلوني انتظام من غير رسوم
دحينا خلصت التحضيري ومستنية اتخصص
السنة اللي فاتت كان التقديم عن طريق النت
بس لازم تروح بنفسك وتسأل واللي اعرفو لازم نسبتك الموزونة تكون عالية موش اقل من 90 بعض احيان ينزلو عنها بشويا يعني يقبلو 89 او 88
واهم حاجة يكون عندك صبرررررررر وتداوم عندهم دايما :)
اتمنى اكون افدتك ولو عندك اي سؤال اتفضل
^^

[S.Bn]

اللي اعرف انو لازم التحصيلي و القدرات و التانوي 90 و اعلى

[Stranger.m]

يعطيكم العافيه ما قصرتو ولو احد يقدر يفيدني بالاوراق المطلوبة اكون ثقلت عليكم واتفضلتوا عليا

[حيــــــاة]

اعتقد السنة هذه بيكون التقديم عن طريق النت زي العام
العام قدمنا لم فتح التسجيل في الموقع ،، واستنينا الين الترم الثاني بعد ثلاث اسابيع طلع القبول
طبعا القبول ماينعلن عنه ،، وانما كنا نراجع ونتصل ..
هالسنة اقل نسبه قبلوها 90٪ موزون ( 50٪ ثنوي +30٪ قدرات +20٪ تحصيلي )
تابعنا في هالموضوع عشان لا يفوتك شيئ
http://www.skaau.com/vb/showthread.p...20#post5715220

بالتوفيق

[besho ^_^]

انا اعطيتهم كل الاوراق تبعي اللي يبغوها واللي ما يبغوها طبعا كولها صور
اقامتي + شهادتي + (القدرات + التحصيلي ) = تطبعها من الموقع نفسو + صورة شخصية ليك + شهادة حسن السيرة والسلوك .. اممممممم اعتقد بس هادي
وعلى فكرة لازم تجري وراهم وتسألهم كل يوم متى يجي قبول غير السعودين لانهم ما يتصلو عليك ويقولولك انقبلت :(
الله يسهلك وان شاء الله تنقبل
ودا رابط لموضوع ان شاء الله يفيدك :)
http://www.skaau.com/vb/showthread.php?t=223262
وهادا ازا كنت يمني :)
http://www.skaau.com/vb/showthread.php?t=322166&page=2