مين جربت تروح الجامعه تراجع ورقتها

[أم نواااااف]

ودي اروح اراجع درجة مدخل التوجيه والارشاد مع استاذه نسرين وودي اعرف هل اقدر أتأكد من درجتي عن طريق مراسلتها عن طريق الايميل وهل حتتجاوب معايا

[نبضه]

حسب الاستاذة اذا كانت متجاوبة حترد عليك

بالتوفيق ي الغلا

[nunul]

لمتى يداومو الاستاذات في الجامعه متى اخر يوم

[sofimogi]

والله أنا راسلت أستاذة حنان شعفل على إيميلها من أول أمس ولليوم لاحياة لمن تنادي والله أنا شكلي راح أروح بنفسي الجامعة مع إني ماعندي وقت أروح الجامعة بس المضطر يركب الصعب

[ميرال93]

عزيزتي انت تبغي تراجعي الاستاذه حنان شعفل عشان العيادي؟
لأني ودي أراجعها عشان درجة العيادي . لاني مثلك راسلتها من قبل ثلاث ايام ولارد ولاخبر.
ايش رايك نروح مع بعض .

[هدوء الصمت]

المشاركة الأصلية كتبت بواسطة أم نواااااف ودي اروح اراجع درجة مدخل التوجيه والارشاد مع استاذه نسرين وودي اعرف هل اقدر أتأكد من درجتي عن طريق مراسلتها عن طريق الايميل وهل حتتجاوب معايا

من حق الطالبة تروح تراجع ورقتها في الجامعة ادا كانت شاكة,,,

وانا حصلت معايا في مادة معرفي مع أ/ ريما فندي ربي يجزاها الف خير "وطلع خطأ في الرصد",,,


وما كلفني الوقت اقل من ساعة تروحي مبنى الجوهرة عند غرفة السكرتارية وتخدي ورقة طلب وبعدها تروحي عند استادتك وتراجعيها,,,

بس اهم شي قبل ما تروحي الجامعة تتاكدة انوا استادتك تكون موجودة,,,

الله ييسرلك كل عسير يااارب,,,

[أم نواااااف]

طيب بنات مين تعرف أستاذه نسرين في أي مبنى أبغى اروح اراجعها لأني أرسلتلها ايميل وماردت

وكيف أعرف اذا هي موجوده في الجامعه أو لا قبل ماروح

[sofimogi]

المشاركة الأصلية كتبت بواسطة ميرال93 عزيزتي انت تبغي تراجعي الاستاذه حنان شعفل عشان العيادي؟ لأني ودي أراجعها عشان درجة العيادي . لاني مثلك راسلتها من قبل ثلاث ايام ولارد ولاخبر. ايش رايك نروح مع بعض .

لا والله حبيبتي أنا مادة مدخل علم النفس ....بس المفروض يشوفوا الايميلات أفرضوا إحنا عندنا ظروف طائة مانقدر نيجيهم الجامعة ..ما أقول إلا الله يهديهم

[هدوء الصمت]

المشاركة الأصلية كتبت بواسطة أم نواااااف طيب بنات مين تعرف أستاذه نسرين في أي مبنى أبغى اروح اراجعها لأني أرسلتلها ايميل وماردت وكيف أعرف اذا هي موجوده في الجامعه أو لا قبل ماروح

مالك حل الا الإيميل او ادا عندك رقمها "جوالها او ع رقمها في الجامعة ,,,

بالتوفيق,,,

[ღ♥عآإآشـق‘ــهـ آإلورد♥ღ]

ام نوااااااااف انا بعد ابغى ارووح اراجع التصحيح لاني يوم شفت الدرجه انصدمت ورربي وراجعت اجاباتي كلها وما استحق الدرجه اللي اعطتنياهااا ... قوليلي متى بتروحي يصير نروح مع بعض