الله يستر من مشاريع صغيرة / والبحث والتدريب492 ( دردشة ..فضفضه ...وسواليف )

[yesyes]

أممممممم ....

السلام عليكم ...

ماعندي شيء ...بس طفشان ....وقافله معي حيل على هــ التأخير الغير مبرر في رصد درجات مادة البحث والتدريب 492 عند نبيل مرسي .....ومادة المشاريع الصغيرة عند الدكتور نايف ..
فكتبت هــ الموضوع من باب الدردشة والفضفضه مو أكثر من كذا ..

بالنسبة لي ما أدري ليش حاس إنهم راح ينكبونا نكبة عند الله خبرها على هــ التأخير .....ما أذكر مادة تأخر دكتورها في الرصد إلا وجاب العيد .....وإلا اللي ما عنده مشكله إن طوّل ..مره ..مره بالكثير أسبوع .....لكن عادة هــ اللي يمغطك فوق العشر أيام ...أغسل يدك منه ..

اللي فقع قلبي اني يوم الاختبار سئلت الدكتور نايف عن مادة مؤسسات صغيرة وقلت له متى الرصد قال أبد اليوم الأربعاء ...أنا أنتهي من التصحيح يوم الخميس والجمعه ....ويوم السبت أو الأحد بالكثير تكون عند المسؤولين عن الرصد ....وعدا على هــ الكلام (13 ) يوم حتى يومنا هذا ...ولا حس ولا خبر ...خصوصا ان الدكتور بدع فينا في الأسئلة ....والله يستر

والدكتور نبيل جاب لنا أنواع الهجولة في البحث ...وقبل يومين مكلمه قال ما لمستش أي بحس لحد النهار دا ....!!؟ قلت ليه يا دكتور ...قال مشغول ...وعندي مواد كتيرة ... وربي يوم قفلت من عنده قلت يا حلااااااااااااااااوة .....لسى يا اخوية ما لمستش اي بحس ...لا والله رحنا في خرايطها ..لوووووول ...يعني حيجيء على اخر يوم ويصخها هو ومزاجه ....بـ الله انا مسوي معه المناقشة يوم الجمعه اللي هو اول يوم في الاختبار ...مضى على هــ الكلام (17 ) يوم وش راح يذكره المناقشه ..؟؟؟


ما اقول غير الله يجعل ختامها مسك ....للجميع ..

[احمد ال الشيخ]

اخوي البحث يهون يعني اهم شيئ انك بتنجح بس مشاريع صغيره هي اهم شيء وطولت الدرجات على الله انا ننجح ونعديها لان بصراحه اصعب اختبار اختبرته من يوم دخلت الجامعه الله يستر واتمنى من الشباب اذا طلعت نتائجهم انهم يضعوها بالمنتدى اذا كتب الله لنا النجااااااح
اتمنى لك يا اخوي النجاح ولجميع الاخوان الي اختبروا ادارة مشاريع صغيرة

[عآآآدل]

أنا عندي خمس مواد ولا نزل منها ولا ماده
وأذا التأخير فال أقشر عز الله أني بتحثلها بـ 5 مواد :)
وشرايك وشسمه نتلطم ,ونداهم الدكاتره ونجلدهم :d

[ابو بتار]

الله يستر

[محمد مهدي]

انا اخر ترم 12 ساعة ومريح
بس طلعت لينا بحوث العمليات 2 وعكرت مزاج التخرج بس تاليها خير الخميس الاختبار والسبت طلعت النتايج
الان مشاريع صغيرة وافقة في الحلق اول اختبار ولا طلعت
أريد افرح بالتخرج الرسمي احنا أخرناس من دفعة 2009
عادل حاس فيك انا مادة وزهقان وكل ما اشوف اسمك اقول نزلت المشاريع الصغيرة

بس عادل حاس بالفرق المنتدى هالايام ما فيه حماس زي قبل ايام هتان وعزوز ومنير وراؤل و عطر للغلا
والبقية الرائعة والبركة في الموجوديين الان

الله يصبرنا واياكم على تأخيرات الجامعة

[احمد ال الشيخ]

توكل على الله انا حاس ان اغلب الدرجات بتنزل اليوم وبالذات مشاريع صغيره


دقت ساعه العمل دقت ساعه الزحف الى الامام الى الامام

[عآآآدل]

المشاركة الأصلية كتبت بواسطة محمد مهدي انا اخر ترم 12 ساعة ومريح بس طلعت لينا بحوث العمليات 2 وعكرت مزاج التخرج بس تاليها خير الخميس الاختبار والسبت طلعت النتايج الان مشاريع صغيرة وافقة في الحلق اول اختبار ولا طلعت أريد افرح بالتخرج الرسمي احنا أخرناس من دفعة 2009 عادل حاس فيك انا مادة وزهقان وكل ما اشوف اسمك اقول نزلت المشاريع الصغيرة بس عادل حاس بالفرق المنتدى هالايام ما فيه حماس زي قبل ايام هتان وعزوز ومنير وراؤل و عطر للغلا والبقية الرائعة والبركة في الموجوديين الان الله يصبرنا واياكم على تأخيرات الجامعة

عز الله أنك صادق .. أول كان فيه تعاون وفيه حماس الحين ماش تغير الوضع .. عسى الله يصبرنا ونخلص هرمنا من أجل التخرج .. والله يكتب لنا وياكم الخير والتوفيق

[معاند جروحي]

اجل اللي عنده 8 مواد ومانزل الا مادتين وخررريج

متفآل في عادل اذا نجح نجحنا واذا دحدر دحدرنا لانه دافور العمليات والجوده ههه

[yesyes]

مدري ليش أحس كل اللي هنا ( اقصد في ذا الموضوع ) .....الثلة الأخيرة من دفعه الإبداع ( 09 )
وسبحان الله ...أعتقد أن كل من دخل لهذا الموضوع حتى ردي هذا ( هم ترم تخرج )

يارب وفقنا أجمعين .................

اللهم وفق دفعه ( 09 ) خاصةً

وكل الدفع عامة .....( رجالاً / وسيدات )

...............

[أبو حسام]

ما أدري ليه كل ما افتح المنتدى وأشوف موضوع عن المشاريع الصغيره يجيني مغص
الظاهر إنو يبغالي إعادة تأهيل وعلاج من النفسيه
الله يعين