البنات اللي اتخرجو طالبه نصيحتكم ووجهة نظركم

[نارا]

بسم الله الرحمن الرحيم

بنات بلييييييييييييز ابغى نصيحتكم بخصوص بحث وتدريب انا عندي 5 مواد الترم القادم وبحث وتدريب السادسه تنصحوني اخذها كلها ولا اخلي البحث ترم لحاله ؟؟

بعض البنات قالو عادي خذيها وافتكي والبعض ما ايدو ابغى نصيحتكم بالذات اللي اتخرجو وهم ماخذينها مع كذه ماده

[Noda]

لا اله الا انت سبحانك اني كنت من الظالمين

[بروبراري]

انا كمان نفس حالتك 5 مواد وبحث وتدريب
من راي ناخدهم مره وحده كلهم ونستعد للدراسه وللتحضير من بدري
وان شالله الله يوفقنا

[نارا]

انا كمان نفسي افتك بس شايله هم الوقت ومرمطة الاستاذات ؛(

[اكليل الورد]

خذيهم مرة وحده بس ابداي البحث من بدري لانه يبغاله وقت مع التدريب عشان تلحقي تذاكري والتوفيق بيد رب العالمين ربنا يسهل لكم

[خلود26]

اختي خذيها مع بعض وتوكلي على الله بس اهم شي من بداية الترم سجلي المادة وان شاء الله تكون استاذة كويسة يارب انا عني اخذتها عند سناء باناجة واذا موجودة خذي عندها لاني سمعت هذا اخر ترم لها والله اعلم بصراحة مرة تمام ومتعاونة ف البحث وكلوو عالايميل وماتدقق زي غيرها اهم شي تلتزمي بالمواعيد والمناقشة اسئلة عادية عن مكان التدريب وايش فيه وعلى حسب موضوع البحث والاهم اختاري من دحين كم موضوع تحسيها سهلة وتقدري تلقي معلومات عنها بسهولة والحمدلله بعد التعب اخذت 95 يارب لك الحمد واي سؤال اتفضلي

[يآرب مآخآب من ترجآك]

والله البحث يبغاله شغل شغل خصوصا لو دكتورتك عله

انا افضل تخلين ماده البحث مع ماده سهله لزيزه

[بروبراري]

انا نفسي اعرف كيف نتناول موضوع للبحث يعني موضوع زي ايش؟
ووين حيكون التدريب وكم مدته ؟
ياريت احد يعطينا نبذه عنها
وايش لازم نسوي وايش مو لازم وايش المهم وكيف المناقشه وكيف ححضر معاها
وايش احسن الدكتورات لهادي الماده
اسفه بس ماعندي خلقيه ابدا عن هادي الماده
ياريت احد يجاوبنا

[aseel88888]

رفع

رفع

[نارا]

ان شاءالله اول مايبدى الترم اروح الجامعه واشوف الوضع الله يسهل يارب والله شايله هم احس لو بيدي اسوي البحث دحين واخلص ههههههه