المزجاجي افضل دكتور بحث

[G I V E N C H Y]

السلام عليكم ورحمة الله وبركاته

....
قصتي انا من اهل الخرج بداية الترم هذا ماعرف انزل المواد من الادس الجديد وانا طالب خريج قلت ياولد انقز لجده وخلص امورك ونزل البحث ورجع وفعلنا حجزنا وينك ياشؤون الطلاب ومقصور حقين شؤون الموظفين بس قالو بحث وتدريب عن الدكتور الفاضل احمد داودد المزجاجي رحت لمكتبه وقالي اول شي لازم تختار تجتاز الاختبار في كتاب له وهو الوجيز في البحث العلمي (( ترى الكتاب موكتابه )) هههه قلت من عيوني وانقز المكاتب واشتريه طبعا الاختبار بيكون الاسبوع الجاي الاثنين رجعت للخرج وبعد سبوع واحجز ورحو للجامعة ولقت قدامي يمكن 10 طلاب يبون يختبرون وانا قاعد افكر في بالي اقول الله يعين الي يبون يتخرجون لازم يسون كذا على نياتي المهم اختبرنا عنده والختبار للأمانه مو صعب بس عاد تعرفون المزجاجي لفات صغيره المهم رجعت للخرج ودقيت على الكتور قلت يادكتور بكتب البحث قال اختر الموضوع والله يشباب يمكن شهر كامل وانا كل يوم جايبله موضوع ولا يعجبه العجب ولا الصوم في رجب اخر اسبوع خلاص بعدها اختبارات الجامعة لقيتله موضوع بعد الاستشارات من اهل الخبره في جامعات اخرى واخيرا وافق الدكتور المهم كتب الموضوع ورحت للختبارات في جده (( 2 سفره لجده لعيون المزجاجي )) المهم اختبارات السبيت ودقيت على الدكتور قلتله البحث جاهز قالي ياخي انت تأخرت قلت يادكتور توني جاي جده قال معك نص ساعة تكون عندي قلت إن شاء الله رحت للمكتب الدكتور وهنا جت الصدمه ياشباب حصلت يمكن حوالي 10 طلاب توهم يختبرون الكتاب ولا طقوله خبر وجايبن بحث على كيفهم
يعني موضوع اي كلام واحد اسولف انا ويه قال موضوع عن البلديات ....
كل هذا ماهمني بس همني يعطيني a+ اقل شي بس مستحيل وانا ماخذ عنده 30 من 50 في اختباره الله يسامحك يادكتور احمد والقهر الي من جد قهر معطيني ip في الادس كلمته قالي اصبور يابني والله لي يمكن الان 3 ايام وانا اتصل عليه وكل مره وش اسمك وش رقمك وش اسم امك كل شي واخر شي يقول بكره تتعدل وحتى الان لم يتعدل شي

والله على ماقول شي انا ماكتب الموضوع إلى ابي اعطي كل ذي حق حقه

[أبو دانا]

ههههههههه وش اسمك وش اسم امك << عجبتني

الله يعين بس

فالك a+

[sdm]

هذا سيناريو قصة
الله يعينك بس
يا شباب المزجاجي انسان غريب
مادة اخلاقيات عمل هذه المادة والله
مادة معدل فقط تتفاجأ نهاية السنة
الطلاب يتذمروا من الدرجات
لمااااااااااااااااااااذا ؟؟؟؟؟؟؟؟؟؟؟

[أغدا ألقاكــ]

انا البحث عندي في الصيفي وشايل همهمدري عنه كيف ؟؟؟

[الحوووووووووووت]

لا تعليــــــــــــــــــــــــــــــــــــــــق

[الصدوالهجران]

المزجاجي احقر دكتور في الجامعة

[عبدالله بن سليمان]

إذا هي على التعب والمشاوير

وتدوير البحث كل هذا يهون

المصيبة الي بعد هالتعب وهالكرف والصبر وااللطعه

يعطيك 60 أو 70

بس أنت تفائل بالخير وأصبر لعل التأخير فيه خيره لك

[يحكى أن]

ما معاك فايده من ولد فايده
أمي حياتي فايده
أغلى وأزكى والده
ليتها جابتك بنت كان
يمكن نلاقي من أمثالك فايده
كلم فايده أن كنت تبي الفايده

[نبض الشوق]

الله يكون في عونك اخوي عانيت مع هالدكتور واجرك على الله
والله يستر من نتائج التحليل التنظيمي خريج وما بقى لي الا هالمادة
وبالمناسبة هذا الدكتور له من اسمه نصيب اختبرت عنده اخلاقيات العمل وحليت وفالاخير مااعطاني الا60 وبعدها اختبرت ثقافة المنظمة وما ذاكرت والاجابة من راسي واعطاني درجة حلوه الله يستر

[وطن.!]

اصبر واحتسب وانا اخوك والله قصتك مؤلمه وانا بصراحه دايما انظر لدكتور انه مظلوم والناس تخطي عليه لكن والله هذي المره للاسف خذلتنا يادكتور احمد وماهذا العشم فانت من اصحاب الفضيله ومن النخبه النادره الذين نعتز بانهم يحملون ويمثلون هذا البلد وتتصرف مع ابناء وطنك هذا التصرف والله لو كان اخونا اللي كاتب الموضوع طالب عند دكتور يهودي يختلف معه بدين والفكر والهويه والتاريخ وبينهم الكثير من الاحقاد والثائر لا اعطاه حقه لجهده ومخاسيره التي كلفته من اجل الحضور والاختبار ، يا اخوان انا انصدمت كثير يوم الاثنين الماضي بدكتور لما شفت اسلوبه كيف يتعامل مع الطلاب البحث كنت جاي له عشان اسئل عن درجة التحليل ولما شفت طريقة تعامل الدكتور مع طلابه بالبحث فضلت اني انسحب ولا اسئلة .
لكن طريقته والله غيرت فكرتي اللي كنت احملها عنه ، يادكتور والله اني اتكلم بحرقه داخلي ف انا من مجبينك ولم يخرج هذا الحديث الا من محبه ياخي احتسب واصبر واكثر من قول حسبنا الله ونعم الوكيل