استفسار عن رفع المعدل

[نصيب]

السلام عليكم

تحذير:
هذا الموضوع لاصحاب القلوب القوية فقط لان فيه معدل مخيف جدا


اخواني عندي استفسار

هذا معدلي التراكمي بعد اضافة هذا الترم 2.49
وانا اعترف بصراحة اني طالب بليد وما اذاكر الا ليلة الاختبار ومن ملخص بعد :)

السؤال الآن انا باقي لي تقريبا 8 مواد واتخرج اي ما يقارب 23 ساعة
فكرت في موضوع المقبول وكأنه وصمة عار وودي ارفع معدلي الى 2.75 هل تتوقعون اقدر؟؟

طبعا مستحيل اني باخذ امتياز في كل المواد الجاية وانا راح اتعب واسوي الي علي لكن بشكل عام تقريبا لاصحاب الخبرة هل ممكن يتعالج وضعي واي طريقة مناسبة اسلكها بالنسبة للمواد القادمة وابتداء من الصيفي هذا عشان اقلص الخسارة شوي :(

المواد الباقية لي

بحث
ادارة اعمال دولية
ادارة اعمال في ثقافات متعددة
دراسات ادارية معاصرة
ادارة موارد بشرية بالانجليزي
مادة حرة واتوقع بنزلها تاريخ سيرة الرسول 3 ساعات
ادارة مشاريع صغيرة
ثقافة اسلامية 4

ومقترحكم في الفصل الصيفي القريب وش انزل



أسأل الله الكريم ان يثيبكم على وقتكم وجهدكم الكريم معي ومع الجميع ،،،

[نصيب]

بحكم انكم ما رديتوا علي انا اعتمدت على نفسي
وحسبت حسبتي بطريقتي

وللاسف لازم اخذ في كل مادة 80 وهذا امر صعب جدا

[odus]

بالعكس 80 مهو صعب لان بعض المواد اللي عندك سهله وممكن تجيب فيها 100

مثل دراسات ادارية
وثقافات متعدده
بحث وتدريب
ثقافة اسلاميه

[لمعة الماسة]

بحث ....تقدر تجيب a بالراحة

ادارة اعمال دولية ...يجيب نفس الاسئلة كل ترم.

ادارة اعمال في ثقافات متعددة ..يمديك بالراحة

دراسات ادارية معاصرة ..يمديك بالراحة

ادارة موارد بشرية بالانجليزي..هذي شوي..بس مو ذيك الصعوبة.

مادة حرة واتوقع بنزلها تاريخ سيرة الرسول 3 ساعات ..مقدور عليها.

ادارة مشاريع صغيرة ..هذي يبغالها تعب شوي.

ثقافة اسلامية 4...سهلة وتجيب a بالراحة.


صدقني موادك سهلة ...وبتعب بسيط بالمذاكرة تجيب المطلوب بالراحة.

[ناصر الرويلي]

بصراحة موادك سهلة ومن السهل رفع معدلك الى جيد لان سبق وحصل معي وتحديت نفسي خلال ترم واحد رفعته بنسبة ,25
وبالنسبة لموادك انا اشوفها بامكانك رفعها بالنسبة المطلوبة
ربي ييسر امرك

[نصيب]

الله يجبركم ياخوان
والله كلام ثمين الي قلتوه ورفعتوا معنوياتي كثير... الف شكر ما توفي حرصكم وحماسكم في دعمي.

راح اخذ بنصيحتكم حرفياً وشكرا مره ثانية على هذا الاسهاب في الشرح للمواد
أسأل الله التوفيق لكم في امر دينكم ودنياكم،،،

[نجم الرياض]

المشاركة الأصلية كتبت بواسطة نصيب الله يجبركم ياخوان والله كلام ثمين الي قلتوه ورفعتوا معنوياتي كثير... الف شكر ما توفي حرصكم وحماسكم في دعمي. راح اخذ بنصيحتكم حرفياً وشكرا مره ثانية على هذا الاسهاب في الشرح للمواد أسأل الله التوفيق لكم في امر دينكم ودنياكم،،،

وانا ياخوي صبيب برفع معنوياتك زياده واقولك (والله) لو تتعب بالمذاكره تشوف اللي يرضيك
وربي مايضيع تعب احد بس انت ذاكر وخلك زي بعض الناس ,, وواضح انك بديت تبي تنجح بس
ولما قربت تتخرج تحسفت! عموما يمديك ان شاء الله ( يبن الحلال) على جيد وجيد مرتفع بعد ...

[الفيصل كوم]

80مو صعبه تجيبها ف كل ماده

[ابراهيم2008]

اول شي سجل صيفي 8 ساعات
بعديل الفصل الاول 15 ساعة

بالنسبة للمذاكره
اشتر الكتاب وشوف الدورات التأهلية ويش الي معاكم ذاكر من الكتاب وبعد الكتاب المخلص وعلى طول درجاتك فوق
المواد الي تحتاج مدرس جيب مدرس بس قبل الاختبارات بشهر او شهر نصف عشان يمديك تتمرن
والله ييسر امورك

[نصيب]

نجم الرياض
صادق صادق صادق ...

إطلاله كريمة منك؟!
حياً وأهلا ... نصيحة سأضعها في عين الاعتبار
دمت بخير وعقبال نصف قرن من العطاء إن شاء الله ...


شكرا لك اخي ابو خليل ...
لا عدمناك يالامير وفكرة ممتازة 8 ساعات
تكون مثلا مادتين ومعهم الثقافة الاسلامية
تمنياتي لك وللجميع بالتوفيق ...