قصيدة شكر وعرفان رجل الفزعات ابو فاتن

[مشعل الزيادي]

اسعد الله مسائكم / صباحكم بكل خير

نعم من منا لا يعرف هذا الرجل الذي افنا جل اوقاته لخدمتنا ومد يد التعاون لجميع الزملاء

ومن منا يجهل صرح ملكنا بطيب خلقه وبريق معدنه .. كان ديدنه ( العطا )و كان شعاره

( الاخلاص في العمل )..

نعم انه الرجل الذي تقف الكلمات مذهوله ومكتوفه امامه انه ( ابو فاتن )

وها انا اهدي اليه قصيده من صادق مشاعري اتمنى ان ترقا الى صرح مقامه

البارحه رديت فكري لا يجيب اللي يجيب

الا الكلام اللي صناديق الجواهر مصدره

حتى يجي صدر الخطابه لكشفه فم الخطيب

يجمّل الشاعر ليا منه وقف في منبره

لا هنت ياوجه القبيله يالعريب بن العريب

لا هنت يالغالي وطيبك كل ليله نذكره

لنك يابو فاتن ملكت الناس بالصدر الرحيب

نورك يضوّي بالليال الجايره والمعسره

اخذت من قمة سنام المجد يالغالي نصيب

يوم الرجال اطيح ما توصل سحابك ومطره

ضلك يخاوي من شكا من شمس الاحزان اللهيب

ومدك يداوي من بكا ارض السنين المدهره

تذّهل اللي منذهل وتشيّب اللي ما يشيب

ساسك وراسك بالمراجل مفخره في مفخره

واللي تحزم في طويل العمر فاله ما يخيب

وقت الوازم لا بدت يموت معطاك ظهره

وسلامتكم .. ويستاهل ابو فاتن

[أبو فاتن]

	علي الحرام وملازيم الرجال يامشعل ماتخيب رجواك ودونها رجال مثلي بحالي ومالي ودم رقتبي بيض الله وجهك أخوي مشعل وصح لسانك ولاهنت .. وليتني أبلغ قليلاً من كثيرك أعذرني .. إلى هنا تقف أمام كرمك ووفائك الكلمات والأقوال .. لنصدح لمقامك الكريم بصدق الأفعال فأنتظرني

[B N D R]

صح لسااااانك

وبستااهل ابوفااتن




لكن القصيدة !!!




اروع ارووع من الرائعة


من جد قووية


وجزلة



ومعاانيهااا


وافية


وكاافية



واسلوبهااا راقي




اهنيك على شاعريتك الفذة


من كل قلبي

[ابراهيم2008]

ونعم يستاهل جزل القصيد

[قلم212]

ونعم والله بالمادح والممدوح صح لسانك يا مشعل ويستاهل المدح من حصله

الممدوح يستاهل وانت وافي

دمتم بخير

[nour al3mr]

و أسعدتم في كل حيـــــــن ..

بـآرك الله لك و له كل عمل و يجعل ما قدمه ذخـراً له يوم القيـآمة ..

لا حرمتم الفضــــل ..

[lardhi]

صح لسانك ياعتيبي وابو فاتن يستاهل وانت كفو والله لوني شاعر غير اكتب فيه معلقة ماتكفي

[mansoor]

صح لسانك اخوي مشعل على هذه القصيده
وابو فاتن يستاهل المدح فيه لانه من الرجال اللي لهم مواقف كثيره وكلٍ يعرف ابو فاتن..

[مشعل الزيادي]

المشاركة الأصلية كتبت بواسطة أبو فاتن علي الحرام وملازيم الرجال يامشعل ماتخيب رجواك ودونها رجال مثلي بحالي ومالي ودم رقتبي بيض الله وجهك أخوي مشعل وصح لسانك ولاهنت .. وليتني أبلغ قليلاً من كثيرك أعذرني .. إلى هنا تقف أمام كرمك ووفائك الكلمات والأقوال .. لنصدح لمقامك الكريم بصدق الأفعال فأنتظرني

لا ندمت يابو فاتن والكفو مثلك يستاهل شريان القلب ماهي قصيده

والله يوفق دنيا واخره على مواقفك الانسانيه الطيبه ..

وانا اوعد الاعضاء في هذا المنتدى بالقريب اني ابيّن بعض مواقف ابو فاتن

على ان ابو فاتن ما يحب احد يبيّن مواقفه الخيّره لانه يرجو فيها وجه الله

ولكن بالنهايه ما يصح الا الصحيح ..

شكراً من القلب يا بو فاتن

[مشعل الزيادي]

صحت ابدانكم جميعاً وبلا شك الممدوح يستاهل المدح

والله لا يهينكم على المرور

اخوكم / مشعل العتيبي