ماهي الاوراق المطلوبه لفتح حساب شخصي في بنك سامبا في الجامعة ؟

[chem2012]

يسعد مساءكم
زي ماهو باين في العنوان انا ابغى افتح حساب شخصي ايش الاوراق المطلوبه
هل البنك اللي في الجامعة راح يفتحوا لي حساب ولا
وهل راح يطولوا في الاجراءات
بليز ابغى الجواب الاكيد

[Small Lawyer]

ايوه يفتحوا لك حساب بس مااعرف تطول الاجراءات ولا لا

ضروري تكون معاكِ بطاقة الجامعة والاحوال + رقم صندوق البريد

[chem2012]

^^^^
شكرا ربي يسعدك

[shox2]

ما تطول مره خاصه انو مافي احد كثير بس روحي لهم بدري عشان تاخذي رقم
و تطلع لك البطاقه في دقيقتها

حظري في بالك رقم سسري و رقم سري لي سامبا فون بيختلفو عن بعض
توقيع ثابت
بطاقه احوال و بطاقه الجامعه و هما يصوروها من عندهم
صندوق بريد و رمزه ولازم يكون فيه مسجل اسمك


بالتوفيق

[Lazeza]

أنا رحتلهم قبل ما تبدأ الاختبارات النهائية
و قالتلي تعاليلنا على السنة الجديدة ان شاء الله من 8 =|
اذا رحتي و سوولك الاجراءات ياريت تكتبي هنا

و زي ما قالت اﻷخت بطاقتك الجامعية و بطاقة اﻷحوال +ضروري صندوق البريد

و شكرا مقدما =)

[chem2012]

شكرا لكل اللي ردوا
بس عندي سؤال
انا ماعندي بطاقه احوال ايش الحل عادي دفتر العائله ولا مايصلح
ارجو الرد س

[هديل الحربي]

ينفع كرت العائلة
اهم شي صندوق البريد ويكون اسمك مضاف فيه

[SoOoma~]

اذا كرت عائله اضمن انو تجي وحدة معاكي تعرفك
بالنسبه للوقت نص ساعه لكل فتح حساب

[وحشتني ايامك]

اذاتبغي البنك اللي في الجامعه روحي بدري الصباح
انافتحت حساب قبل اسبوع في بنك سامبافرع الاميرسلطان قالت الموظفه لي في البدايه انتي طالبه افتحي في بنك الجامعه وروحي بدري بس اناقلت للموظفه مافي احديوديني للجامعه وعندي ظروف ماقدراروح والحمدلله فتحت لي حساب في اقل من نصف ساعه حتى مافي زحمه في البنك عنوانه شارع الاميرسلطان

[وحشتني ايامك]

حتى مايتشرطون زي البنك اللي في جامعتنافي صندوق البريد انه يكون بااسمك انااخذت صندوق بريداختي وقلت لها موحقي وماقالت شئ