بنات العلوم اللي يبو يحولو للتخصصات الطببية ..

[dr.imey]

السلام عليكم

انا طالبة كيميا حيوي وقدمت تحويل للعلوم الطبية

ونزلت النتايج مع التسكين انو مافي مقاعد متاحة

وصحبتي زيي طلعلها لم تفرز النتايج بعد

في احد انقبل او تحول \\ ؟

نبا نعرف ايش الهرجة

[بيو كيميائية ^_^]

وعليكم السلامـ

شوفي ياحلوة أنا اللي أعرفه النتايج تتطلع بداية الترم الأول مو دحين

[jorey2009]

مساء الخيرات
هو نزلك شي ؟ انا طلبت تحويل برضو بس ما نزلي شي الى الان توقعتها تنزل مع تسكين التحضيري.

[dr.imey]

هادي الصورة اللي تطلعلي في متابعة التحويل

ماني فاهمة لنظامهم الغبي

ناس يقولو التحويل مافتح لسا

وناس مانزلت النتايج

وانا عندي نزل

[بيو كيميائية ^_^]

هو عادةً بداية السنة أتمنى يكون لخبطة وتتحولي

[jorey2009]

dr.imey
هل نسبتك الموزونة اقل من اقل نسبة قبلت في الكلية؟
وانا ملاحظة كلمة تمريض هو لما رتبت الرغبات كان في تمريض ولا كلية العلوم الطبية التطبيقية بشكل عام يعني بدون تحديد اقسامها ؟

[jorey2009]

وعلى ايش يستندوا في النسبة الخاصة للطالب بالنسبة للمحولين؟؟
وبالتوفيق لك dr.imey وإن شاء الله يطلع غلط ويعدلوه لك وبرضوا روحي راجعيهم في العمادة .

[dr.imey]

انا ماني طالبة تحضيري عشان يطالعو في نسبتي الموزونة
نا درست سنتين في الجامعة
يعني في التحويل يعتمد على معدلي التراكمي لازم يكون فوق 4.5 وحققتها
واصلا انا في لاوديس مافتحلي في التحويل خانة الكليات الصحية
فرحت من عمادة القبول والتسجيل قدمولي تحويل للعلوم لطبية التطبيقية
بس استغربت لمن لقيتهم كاتبين لي تمريض

ماني عارفة اش هرجة اهلهم
حسبي الله ونعم الوكيل بس

[jorey2009]

لازم تراجعيهم شوفي على اي اساس ماحولوك لان الجدول يوضح انهم استندوا على نسبتك العامة والخاصة الي ماادري من فين جابوها ..
بالتوفيق وعلى فكرة لما قدمت على التحويل رحت فين في العمادة عند ابتسام(المسؤولة عن القبول) ولا وحدة ثانية؟

[Cherry blossoms]

ما قبلوكي في التمريض


نفس الكلام بالنسبه لي


انا حققت الخاصه لكن النسبه العامه نازله >>طالبه تحضيري

فما اهلتني للصيدله

الحمدلله على كل حال