مطلوب باصات نقل من مكة إلى جدة

[Angelitta]

السلام عليكم ورحمة الله وبركاته ..

أنا بنت تحضيري من مكة وأبا أعرف أرقام باصات كويسة ..

اللي تعرف تفيدني ..

[Dr.ReRo]

وعليكم السلام
عندك شركة ابوسرهد مرره جييدة وانا برووح معااهم
باصاتهم مريحة وكبيرة زي حقت الحجاج
دا رقمهم 5352225

[sense princess]

طيب اختي الترم بكم او الشهر !! ف ابو سرهد ^_*

[ddd2009]

الشهر ب 800
الترم ب2000 وشي ماني فاكرة بس اتوقع 2400
دورت وسألت قالولي مافي غيرهم اصلا يوصلو للجامعة بجدة !!فسجلت معاهم دا في السنة اللي فاتت
ماادري يمكن يكون في الان وافضل
دورت في جوالي لقيت ذا الرقم لهم 0556551534 كان مكتوب عالباص
اتصلي وهما بيقولولك ككل حاجة المواعيد ومكان الباصات في مكة وجدة .. الخ
وكمان يوصلو الشرفية مو بس السليمانية
ملاحظة : الباصات توقف في الجامعة فرع السليمانية بوابة شمالية 1 , بما انك تحضيري راح تنزلي فيها وهي اخر بوابة ينزل فيها بنات
أفتكر لما خلصت دوامي اول يوم واتصلت عليهم ابغا اعرف الباص عند اي بوابة يقول الشمال ×__× وفي ثلاثة بوابات شمالية حسسست وتكسرت رجولي وانا ادور على كل البوابات خخخخخخ انتبهي تغلطي نفس غلطتي احفظي المكان اللي تنزلي منه عشان ترجعي له بعدين
مرحبا بيكي والله يوفقك

[sense princess]

^^

يَ حلوه انا كلمته وقال ب الصبح مانجيكي لحد بيتك .. تجي قرب مستشفى النور
ثم تركبي معنا ونوصلك لكن الرجعه مدري ينزلوني برضوا بنفس المكان !!

وقبل شوي قريت رد وحده تقول معهم سيارات صغيره للاحياء ياخذوكي من بيتك على الباص وبالرجعه برضوا بيتك تروحي له بالسيارات الصغيره !!! مدري انتو كنتو كذا ولا

ويعطيكي العافيه

[ام الدرتين]

السنه الي فاتت كنت اروح مع ابو سرهد مره ممتاز في باصات صغيره تاخدك من البيت وتوديكي للموقف في الحمرا وتركبي الباص الكبير موعد مشي الباصات الساعه 6:30 و6:40 و 6:50 و8 صباحا
يوقف في البوابه الشماليه موعد الرجعه الساعه 1 و2:30 و3:30 و4:30 في الرجعه يوقف في مواقف في شارع الستين جنب النوري وتركبي الباص الصغير ويرجعك البيت
السعر في الشهر 800 والترم 2800 في اليوم 70

[ام الدرتين]

ان شاء الله اكون افدتك في الموضوع

[sense princess]

السلام عليكم ورحمة الله وبركاته

اختي بستفسر عن اشياء كثير للباص هذا
اول شي الباصات الصغيره يعني تجيني اي وقت ؟؟
ولا على حسب جدولي هوا يلتزم خلاص !!
لو مثلا اول محاضره 8 متى حيجيني !! يتاخر ويمرمطني ولالا لانو ماااااعندي احد ممكن يوديني للباص الكبير اذا هالصغير ماجاني

امممم وكمان الباص الكبير يكون زحمه وحوسه !!
طيب كم كنتي تاخذي وقت بالخط لاني مرررا شايله هم مشوار

ف الرجعه لو مثلا هوا يجي 2 ونص وانا هاليوم اطلع 2 !! استناه نص ساعه ولا كيفف


والباص الصغير اللي ياخذني من بيتي يمر على مية حي ولا خلاص كل باص صغير ل حي معين !! كم بنت بالصغير تقريباً !!

واخر شي قد مرا تآخرتي ع محاضرتك الاولى بسبب هالباص !!


وسسسسوري ع كثرة الاسئله مني لاقيه احد استفسر منه
يعطيكي العافيه

[ام الدرتين]

شوفي كل حي فيه باص صغير الا الشرايع
يمر عليك الباص في الصباح بدري كان يجيني الساعه 5:45 هو باص واحد في الصباح مو كتير عدد البنات في الباص الي كنت اروح فيه كان عددنا 6 بنات
الباص الكبير لاهو حوسه ولاشي كل بنت لها مقعد اذا امتلأ يجيب الباص التاني
اذا خلصتي محاضرتك الساعه 2 روحي للباص واستني للساعه 2:30 بس ترى الباص مكيف لاتشيلي هم الحر
مشوار مكه جده ياخد معاكي 45 -50 دقيقه وانتي في الجامعه

[sense princess]

الله يعطيييييكِ العااااافيه افدتيني كثييير :)