أقدر أغير وقت المحاضرة؟

[R..F]

السلام عليكم ورحمة الله وبركاته ..
كيفكم وكيف اجازتكم ؟
انا في السنة التحضيرية خطة أ
ونزل جدولي ، الحمدلله
بس الثلاث الايام سبت واثنين واربعاء في مادة وقتها بعييد عن المواد الباقية
يعني حيكون بريك بالساعات *_* !
وانا مابغا هذا الوقت كله بريك ، انامها ف البيت احسن

طيب السؤال ..
اقدر اغير وقتها دي المادة ؟ اخليه قبل ؟ واذا اقدر
من فين ؟ من الموقع ولا من نفس الجامعة ؟

وشكـرآ =)

[M!SS Lara]

أهلا اختي حياكي الله وبالتوفيق لك بجامعتنا ..
بالنسبة لوقت المادة البعيد ، فنعم تقدري تروحي عندهم وتغيرية .

تقدري تروحي لدكتورة وقتها بيناسبك وقوليلها انو ابغا اكون عندك ، فتكتب اسمك عندها وتجيبي ورقة من دكتورتك الاصلية انها موافقه انك تنقلي من عندها ..

او من نفس عمادة القبول والتسجيل بيغيرولك هو ..

[ريتشارد]

إذا كان البريك اكثر من 4 ساعات العمادة تغيره لك

: )

[S.Bn]

شوف تقدر تغير بس ودي مو رسمي

اول شي حاول روح للعمادة و كلمهم اذا رضيوا كويس و اذا ما رضيوا يصير لازم تسوي الطريقة التانية و اللي هيا

تروح عند دكتورك و تقولوا انا عندي بريكات طويلة اذا عندوا محاضرة تانية في وقت بريكاتك تنقل اسمك من دي الشعبة اللي انتا فيها للشعبة اللي محاضرتها بدري

و اذا ما عندوا تروح تدور على شعبة عندها محاضرة بدري و تكلم دكتورها انو حتنقل عندو و بعدين ترجع لدكتورك و تقلوا يكتب لك ورقة و يوقعها و يمسح اسمك من عندوا و بعدين تروح عند الدكتور الجديد و تدي الورقة و يكتب اسمك عندو عشان التحضير


صح شغلة طويلة بس رح ترتاح طول الترم


و بالتوفيق

[S.Bn]

يو توي اكتشفت انك بنت

اسفة سامحيني بس ما في حيل اغير الكلام

[na07]

زي ما تكرموا الاخوان

اذا البريك طويل :
توجهي للعمادة وحاولي معاهم وان شاء الله ما راح يقصرون

وفي حال انه العمادة رفضت او البريك قصير :
حاولي تبدلين بطريقة ودية بين الدكاترة

بالتوفيق ، ، ،

[jo0odi s]

لو كلمتي استاذتك ورضيت تقدري تغيريه


الله يوفقك :)

[R..F]

المشاركة الأصلية كتبت بواسطة ريتشارد إذا كان البريك اكثر من 4 ساعات العمادة تغيره لك : )

لا وي اش 4 ساعات ..

ساعتين بس دا الوقت يكفي اخذ المااادة واخلص كمان ..

[R..F]

S.Bn

الله يعطيييك العافية D:
والله من جد الشغلة طويييييلة *_*

العمادة ، قصدك عمادة القبول والتسجيل ؟
وتتوقعي يرضوا ولا لازم زي ما قال ريتشارد 4 ساعات واكثر ؟

[R..F]

M!ss Lara
jo0odi s
na07

شكررررآ =)