أخيرا حصلت على شهادة التصنيف بالرياض ً وهذي قصة بالمختصر

[مستشفى]

السلام عليكم
طبعا باختصار
قدمت بالرياض وجبت لهم الشهادة و شهادة cpr وسددت وبعدها حولوني الى مدينة الملك فهد عند الدكتور فهد العتيق
جئت وقابلني مع دكتور اخرى اسمه صالح الأنصاري وعند المقابلة قام يسئلني أسئلة شوية معقدة وبالاخير قال شهادتك تخصص ادارة عامة ماهي مستشفيات ً رح جب 30 ساعة
رحت ويالله جمعته منه وهناك
رحت للهيئة وقلت هذي 30 قالوا ارجع مرة ثانية للعتيق
رجعت مرة ثانية وكان معي ثلاثة من الاخوان وكنت اخر واحد بالمقابلة
دخلت وألقى الأنصاري سوى مقابلة وكان حبيب وعطيته 30 ساعة وقال ناااااجح ً بس باقي العتيق يوقع على الورقة وبعد اسبوع مر على الهيئة عشان النتيجة
فرحت ومريتهم بعد اسبوع ً مضيعين الاوراق ً ويالله حصلوها وبالاخير
راسب مع مرتبة الشرف
قلت شلون والدكتور الأنصاري يقول ناجح ووووً قالوا ارجع عندهم وتأكد ليش
كلمت السكرتير خلوفه ً قلت شلون قال
30 ساعة يقول العتيق يبيها بتخصص ادارة مستشفيات فقط ً اللي جبتها كانت مشكل بس ماهي بتخصص ادارة مستشفيات الا 10 ساعات
قلت ياخي شلون أجيبها
الجهة الوحيدة اللي تعطي فقط معهد الادارة الدورات او الساعات ولازم تكون عن طريق عملك وبالواسطات شهرين مجمعها
وأزعل عليهم واهاوش ًحتى سخر الله لي شخص بالهيئة قال اكتب اعتراض لمدير الهيئة اشرح له الوضع وادخل على واحد اسمه ابو يزيد العتيبي مساعد مدير هيئة التصنيف ورجال قال حوله الى لجنة عندنا ً لأنهم اللجنة الوحيدة برياض هي مدينة الملك فهد الطبية والشميسي والجامعي موقفينه الهيئة ً ورجعت للشخص اللي وجهني وقلت صارت اللجنة عندكم
قال أحسن وافضل من العتيق
دخلت على اللجنة امس المكونه من إلدكتور فهيد الهدياني و زاهر البارقي
أسئل من صميم الدراسة ومعلومات عامة مثل ً تصنيف مستشفيات و الإحصاء الحيوي وش نستفيد منه و مصطلحات طبية ً وعلى طول قالوا ناااااجح ً لا جب 30 ساعة ولا اي شئ،
الهيئة اللي برياض للأسف من كثر مارا جعت لقيت الواسطة هي اللي تقدر تحولك الى اللجنة اللي تبيها ً لقيت ناس محولينهم الى الشميسي والجامعي و نفس الهيئة ً
على فكرة ترا الدكتور فهد العتيق سابقا كويس ايام انه بمعهد الادارة برياض يدرس ً ويفزع ويقدر ً لأكن بعد ما مسك منصب في المدينة ما ادري تغير وصار يدقق من ضمن أسئلته يقول لي
ماهي اهم لجنة او قسم تميز قطاع المستشفيات عن القطعات الاخرى ؟
قلت الادارة الطبية ً قال لي خطاء هي لجنة مكافحة العدوى !! وقال لازم تتدرب في مكان عملك في جميع اقسام مستشفى ً جامعتكم مادرستكم تخصص مستشفيات لازم المنهج يتغير وووو
وفي الاخير
رمضان كريم للجميع
تراها تجربة فردية ممكن الله ما أراد لي و خيرة لي
أخوكم
فهد

[ro7i Leek]

كيف يعني تخصصك ادارة عامه مش مستشفيات!!!!!!


على كيفه هو!


لا حول الله ..
والله كلامك ادخل علي الاحبااااااط :(

[90909]

الله يعطيك العافية أخونا فهد وعلى البركة

وش المقصود في شهادتك إدارة عامة ماهي إدارة مستشفيات ....؟

والشي المهم وش صنفوك بالضبظ ؟؟يعني ايش المسمى ؟؟؟

[مستشفى]

أخصائي مساعد ً وبعد سنة تعدل ً الى أخصائي
وقصتي برياض
وهو انتقاد للجامعة فقط او القسم بحكم انه يدرس سابقا بمعهد الادارة تخصص ادارة مستشفيات

[90909]

المشاركة الأصلية كتبت بواسطة مستشفى أخصائي مساعد ً وبعد سنة تعدل ً الى أخصائي وقصتي برياض وهو انتقاد للجامعة فقط او القسم بحكم انه يدرس سابقا بمعهد الادارة تخصص ادارة مستشفيات

ياأخي والله قمت الإستهبال

مافي مسمى وظيفه بأسم أخصائي مساعد على الكادر الصحي !!!

وكثير اللي أعرفهم قالو لهم نعدلك بعد سنة,,, والسنة صارت سنين والله يعينك

يعينونك على فني ويقولون لك الراتب لا تخاف راتبك ماراح ينقص كل ماكلمتهم قالو معطينك راتب أعلى
وتقعد على فني وفي الأخير وبعد ماتترقى إلى نهاية السلم تلقى راتبك يتساوي مع الفنيين اللي معهم دبلوم

[حلم ماضي]

الله يكون في العون دوم نسمع كذا مايعجبهم دراستنا ومعلوماتنا طيب هذا الموجود ليه التكبر !

مافهمت ايش قصة 30 ساعه ؟؟
يعني الدورات التدريبيه في مجال التخصص تفيد جدااثناء التصنيف والوظيفه

لازم معهد معتمد !
في معهد المطورون بجده يقدم دورات في الادارة الصحيه والجوده الشامله جدا ممتاز
4 اسابيع ويعطونك اكثر من شهاده وسعرها 5000ريال

[شيماء الرياض]

ابي افهم قصة 30 ساعه هذي ...؟
يقصد المواد اللي درستها ولا التدريب ولا دورات وش عندهم والله قمة السذاجه .
انا بهاجر بس خلاص .!

[عبدالله بن سليمان]

أخوي مستشفى

أبارك لك قبولك ونجاحك بالمقابلة وبعد جهد جهيد

الله يعيننا على الواسطات والفيتامينات كل شئ بهالبلد ماشي كذا

البيروقراطية التقليدية حقت ماكس فيبر لاعبة بالبلد لعب

[عزيز الدلو]

اولآ الف مبروك التصنيف اخوي فهد

ثانيآ فيه موقع اسمه http://www.medscape.com/welcome

يختبرونك الى ثلاثة مرات وسهله الامور وتاخذ الشهادات من الموقع وانت جالس ومعتمده

[نواف القنات]

الف الف الف مبروووك اخوي فهد والله يوفقك ي رب في المستقبل لاكن عندي بعض الاسأله ..
1:انا موظف بمستشفى لاكن ماني ع الكادر الصحي تتوقع يعقدوني مثلك حتى لو جبت خطاب تدريب
2: هل المعدل ضروري بالتصنيف مثلاً جيد او مقبول
3:لو رحت اصنف خارج مدينة الرياض عادي
4:وش قصد الهيئه ب 30ساعه