مشكلة في التسجيل

[wahm]

السلام عليكم ..

انا عبيت النموذج حق الالتحاق ببرنامج التعليم عن بعد و واجهتني مشكلة ان السجل المدني او رقم الهوية غير صحيح .....!

للعلم انا كويتية و مقيمة بالسعودية و جربت السجل المدني وما نفع و حطيت رقم الجواز ما نفع و كتبت

الرقم الموحد اللي بالجواز ما نفع بعد , حطيت الرقم المدني وماااافيه فايدة .....

اتمنى تفيدوني .......

[ياسميين ولولي]

ياهلا والله ياهلا
ان شاء الله تنقبلي
,,يارب ,,
والله ما عندي علم
ان شاء الله الاخوات يفيدونك ..

[السح دح امبوه]

مطلوب عشر خانات تدخلينها

انصحك تحطين أصفار بالبداية

مثلاً رقمك كذا 54432
خليها كذا
0000054432
هذا حلك الوحيد

[اسيرالبحر]

المشاركة الأصلية كتبت بواسطة wahm السلام عليكم .. انا عبيت النموذج حق الالتحاق ببرنامج التعليم عن بعد و واجهتني مشكلة ان السجل المدني او رقم الهوية غير صحيح .....! للعلم انا كويتية و مقيمة بالسعودية و جربت السجل المدني وما نفع و حطيت رقم الجواز ما نفع و كتبت الرقم الموحد اللي بالجواز ما نفع بعد , حطيت الرقم المدني وماااافيه فايدة ..... اتمنى تفيدوني .......

هلا وغلا بأهل الكويت وياحياك الله عموما قبل ما تدخلي البيانت روحي لخانة الجنسية ومكان الميلاد وأيضا نوع الجنس واختاري الخانات الصحيحه وراح تضبط معاك ودخلي ارقام الخانات الي تخص الهوية الوطنية الكويتيه الي من عشر ارقام وراح تضبط
أما اذا ما عندك هوية وطنية او ما عندك علم برقم الهوية الوطنية الكويتية
سوي زي ما قال الاخ الي رد يعني رقم الجواز مثلا خمسة ارقام الي هو 12345
انتي دخلي رقم الجواز بدون حروف 0000012345 بها الطريقة وراح تمشي معاك
كذلك ارقام التلفون لانه مطلوب إدخال رقم داخلي مفتاح المنطقة مثال 01 او 04 مفتاح المنطقة الي انتي فيها 040000000 تكون الاصفار سبعه ارقام مبتدي بمفتاح المنطقة

بالنسبة للعنوان دخلي العنوان تبعك وخاصة الدي اتش ال لانه مهم

ولما ترسلي الأوراق ارسلي صورة من جواز السفر والهوية الوطنية الكويتيه والمهم جواز السفر
هذا جدا مهم ولا ماراح تنقبلي كذلك بالنسبة لتصديق الشهادة اما عن طريق القنصلية الكويتية اذا كانت من الكويت اما من داخل المملكة نفس المدرسة الي تخرجتي منها
واتمنا لك التوفيق والسداد

[مرام السليماني]

الله يسهلك امورك وتنقبلي وشدي حيلك ^^

[wahm]

الله يعطيكم العافيه جربت الطريقة اللي قلتو عليهاوما ظبطت معي
طيب منين اطلع رقم الهوية ......؟

[حمودي اتصالات]

ارقام الهوية بالسعودية تبدء برقم 1 او الرقم 2

1 للسعوديين
2 للمقيمين بالسعودية

انتي حطي اي واحد فيهم بالداية وبعدها حطي رقم سجلك المدني بالكويت او رقم الجواز
وتابعي الاجراءات وارسلي الاوراق
واهم شي تسجلي انك مقيمة مش سعودية عشان لايوقفولك بالاوراق
بالاضافة الى انك ترسلين الاوراق كاملة عبر الدي اتش ال

صورة من الجواز والبطاقة المدنية او اي هوية سعودية عندك
وضيفي نوت بالمشكلة اللي واجهتك بالتسجيل
وان شاء الله تمشي امورك ويجيكي القبول


ولو واجهتك مشكلة ثانية كلميني عل خاص لان اوقات مانتبه للمواضيع الكثيرة بالمنتدى وبحاول استفسر من شخص بالعمادة عن المشكلة واردلك خبر


وموفقة اختي

[wahm]

هلا .. انا السجل المدني اللي مكتوب في الجواز بدايته 3
و اخر صفحة مكتوب فيها رقم المرجع بدايته 1

جربت كل الارقام و بنفس الطريقه اللي قالو لي عنها ما ضبطت ......


عادي ارسل اوراقي و ارفق معها توضيح لمشكلتي ...؟ تتوقعون يقبلوني ؟؟؟

[اسيرالبحر]

المشاركة الأصلية كتبت بواسطة wahm السلام عليكم .. انا عبيت النموذج حق الالتحاق ببرنامج التعليم عن بعد و واجهتني مشكلة ان السجل المدني او رقم الهوية غير صحيح .....! للعلم انا كويتية و مقيمة بالسعودية و جربت السجل المدني وما نفع و حطيت رقم الجواز ما نفع و كتبت الرقم الموحد اللي بالجواز ما نفع بعد , حطيت الرقم المدني وماااافيه فايدة ..... اتمنى تفيدوني .......

تواصلي مع الاخ المشرف حمودي اتصالات عا الرسايل الخاصة لجل يكون معاك خطوة خطوة ويوجهك بس تأكدي متى تواجده لن يمديك ترسلي للمشرفين رسايل خاصة ومشاركتك اقل من 100