الطالب المستجد في جامعة المؤسس .. الرجاااااء الدخول

[الهيملي]

السلام عليكم ورحمة الله وبركاته

لدي موضوع أو سؤال على الأصح أريد أن أطرحه على جميع من مر بالسنة التحضيرية وأود من الجميع المشاركة وعدم (التطنيش) وهو :

كما تعلمون أن الغالبية من الطلاب المستجدين يتجهون إلى الجامعة وهم لا يعرفون أي شيء عن طريقة الدراسة بشمولها فأوّد من الطلاب الذين قد مروا بهذه المرحلة أن يوضحوا هذه النقاط وغيرها مما يجهله الطالب المستجد *والرجاء كل الرجاء لا أحد يقولي راح تعرف بداية السنة* لكي يذهب الطالب وهو مستعد لتطبيق ما تملونه عليه في هذا الموضوع
, وأنا والله ما أردت بالموضوع إلا أن أخدم كل طالب تدور في رأسه هذه التساؤلات وأعذروني على ( الفلسفة هههههههه) باللغة العربية وذلك من أجل الدقة :

النقاط::::::::::

1- مسألة الكتب أو المراجع الدراسية : يعني وشهي المذكرات ووشهي المراجع اللي يقول شف مرجع كذا وكذا ووشهي المواد اللي تحتاج إلى شراء الكتب والعكس من المواد اللتي تكفي عنها المراجع ؟ وكم تحتاج من المبالغ المالية ( بالتفصيل) ؟ وماهي اللاسيدات والأشياء هذي ؟



2- كيف تكون أول الأيام الدراسية ؟ وكيف يكون اليوم منذ ذهاب الطالب إلى الجامعة حتى عوده؟



3- ماهي طريقة الطالب مع الدكاترة ؟ وكيف تكون أجواء المحاضرة ؟ هل تكون أشبه بالحصة في المرحلة الثانوية أم أنها تحتلف؟


4-الزي الذي يلبسه الطالب في اليوم الدراسي؟؟


5- الوقت القصير مابين المحاضرات ماذا عنه؟


6- كم يستغرق من الوقت الانتقال من مبنى إلى مبنى مثلا من مبنى 91 إلى مبنى 31؟


8- أيضا سؤال خارج عن جوّ الدراسة وهو السكن هل هو قريب من الأماكن العامة مثل الأسواق والمطاعم وهكذا؟؟


9-أيضا المكآفأة :متى يستلم الطالب أول مكآفأة ؟


10- وأخيرا اللي عنده نقطة يحب أن يوضحها ولم أذكرها يتفضل




---- أنا أعني بالطالب كل الجنسين فالذكور يشرحوا عن وضعهم والطالبات كذلك مع اعتقادي أنه لا يوجد فرق كبير من ناحية الدراسة ----


تحيااااااااااااااااااااااااااااااااااااااااااااااا اااااااااااااااتي للجميع

[H.13]

الاسئلة شاملة كل شي ماشاءالله

جزاك الله خير عالطرح

[الهيملي]

تسسسلمين.

[أهـ منك يازمن]

1- مسألة الكتب أو المراجع الدراسية : يعني وشهي المذكرات ووشهي المراجع اللي يقول شف مرجع كذا وكذا ووشهي المواد اللي تحتاج إلى شراء الكتب والعكس من المواد اللتي تكفي عنها المراجع ؟ وكم تحتاج من المبالغ المالية ( بالتفصيل) ؟ وماهي اللاسيدات والأشياء هذي ؟

انا اشتريت المراجع علا الفاضي ما استفدت منها أي شي

السلايدات = الشرح وهي موجودة فى الأحياء والأحصاء

الأحياء = عرض بوربوينت

الأحصاء تشتريها من المكتبة ومن الأفضل أنكم تاخدوها ولا ما راح تقدروا تذاكروا

المبالغ المالية = يعني واللهي ما حسبتها كلها بالبركة 10-20 ريال

الكتب أو المراجع = 90 إلي 400 ريال <<< مالها داعي فى نظري

2- كيف تكون أول الأيام الدراسية ؟ وكيف يكون اليوم منذ ذهاب الطالب إلى الجامعة حتى عوده؟

اول يوم تعريفي ماراح تدرسوا شي

تروحوا الجامعة علا حسب جداولكم أول محاضرة وأخر محاضرة تتوكلوا علا بيوتكم

3- ماهي طريقة الطالب مع الدكاترة ؟ وكيف تكون أجواء المحاضرة ؟ هل تكون أشبه بالحصة في المرحلة الثانوية أم أنها تحتلف؟

تقريبا بس علا حسب الدكتور بعضهم ما يبا أحد يسال والبعض متعاونين ألخ زي الثانوي بس أنتا إلا تروح القاعة


اجواء المحاضرة علا حسب الدكتور بعضهم تناموا من الملل إلخ

4-الزي الذي يلبسه الطالب في اليوم الدراسي؟؟

عادي مو مقيد بالنسبة للأولاد وأظن البنات مو مقيد بس ما يلبسوا جنز سكني


5- الوقت القصير مابين المحاضرات ماذا عنه؟

علا حسب الجدول بعض الاحيان 5 دقائق وبعض الأحيان 3 ساعات xd


6- كم يستغرق من الوقت الانتقال من مبنى إلى مبنى مثلا من مبنى 91 إلى مبنى 31؟

5-10 دقائق لو ماشي علا قشر بيض

8- أيضا سؤال خارج عن جوّ الدراسة وهو السكن هل هو قريب من الأماكن العامة مثل الأسواق والمطاعم وهكذا؟؟


ماجربتها واللهي


9-أيضا المكآفأة :متى يستلم الطالب أول مكآفأة ؟

يوم 25 من أول شهر دوام


10- وأخيرا اللي عنده نقطة يحب أن يوضحها ولم أذكرها يتفضل

نصيحة أعتمدوا علا ملخصات المدرسين الخصوصين وحلو أولد أكزام كتتير قبل الأختبار


أي سؤال أنشاء الله اقدر اجاوبوا وبالتوفيق للجميع

[136]

1- مسألة الكتب أو المراجع الدراسية : يعني وشهي المذكرات ووشهي المراجع اللي يقول شف مرجع كذا وكذا ووشهي المواد اللي تحتاج إلى شراء الكتب والعكس من المواد اللتي تكفي عنها المراجع ؟ وكم تحتاج من المبالغ المالية ( بالتفصيل) ؟ وماهي اللاسيدات والأشياء هذي ؟
خطة ا
ماث انا درسة من الكتاب القديم وكفاني و غير كدا كان عندي مدرس خصوصي مره ممتاز سهلي الماده بعد الله بعد ما كنت اشوفها مره صعبه

فيزيا يوسف زويل و اشرف بركات وافضل افهم من يوسف و اطبق ف اشرف و كمان مره مهمه اسألة السنوات الماضيه
ملاحضة : كتاب الفيزيا مره مو مهم فا لاتشتروه

مهارات اتصال : اقرأ الكتاب مره بتركيز مره كفايه كدا و طبعا لازم تسلم كل التكاليف عشان ما تنقص الماده مره حلوه وممتعه تحس انها تخرجك من جو الجامعه والي حيكون عند دكتوره اميره النمر اضمنلو انو حيستمتع بالماده

الحاسب: الماده مره سهله بس كنت دايما ما افهم كيف تجي اسألة النظري بس لحد يستسهل فيها ومايذاكر يبالها تركيز بذات النظري
الي يبدأ بخطه الف مره يحاول يجيب ف المهارات و الحاسب و الماث اي بالكتير لانها مره سهله و حلوه
اما بالنسبه ليا كانت عقبتي ف الخطه دي الفيزيا

خطه ب
احصاء : كتاب + جمال السعدي + لحد يفوت ولا محاضره خصوصا مع ريم الحربي او سماح سندي + اسألة سنوات سابقه قد ما تقدرو حلو+ في كتيب مصطلحات يجي مع نفس الكتاب بعد ما تخلصو مزاكره احفظو المصطلحات من الكتيب دا
و افضل انو ماتعتمدو ع جمال السعدي خصوصا في الدوري التاني و الفاينل لانو الكتاب كان فيها افضل

كيمياء: سلايدات ليلى الحربي بلا منازع + تست بانك فقطططط و اضمنلك بأذن الله البلس >> بالنسبه للبنات طبعا

الاحياء : احم الماده دي ما اعرف كيف هيا الماده الوحيده الي حملتها رغم درجاتي كلها ف اغلب المواد ف البلس حملتها عشان مره كنت مهملتها و اغلب الاختبارات ما اروح مزاكره بس لمن اخدتها صيفي اخدت فيها البلس لانو مزاكره اول بأول وافهم ف الكلاس و مره حسيت انها سهله و ندمت ندم عمري اني اهملتها
كل الناس تقول كتير عشان يسمعو 4 شباتر دوري اول 6 دوري تاني 10 فاينل فا كان يجيني تحطيم واقول ما اقدر ازاكرها بس لمن تزاكروها ما تحسوها مره كتيره

بالنسبه للانجلش انا بديت من ليفيل 2 كلها سهله وحلوه بس اسوء شي كان ليفيل 3 فا مره ركزو فيه او يمكن عشان الاستاذه كانت سيئه مدري ما حبيتو والانجلش الكتاب يكفي ويوفي


2- كيف تكون أول الأيام الدراسية ؟ وكيف يكون اليوم منذ ذهاب الطالب إلى الجامعة حتى عوده؟

اول يوم كرهت الجامعه وطبيعي جدن ترجع البيت وتقول ما تبا تكمل دراسه خصوصا انو ما تكون من نفس جده و محد معاكي من صحبات المدرسه فا لحد يتسرع ف دي الفتره و يسحب كلها اسبوعين وتتعودو واحس التعود يجي خصوصا ف كلاسات الانجلش لانو الطالبات ما يتغيرو و وقت طويل مع بعض فا من هنا حتكونو صداقات
اول اسبوع كلو مافي دراسه فعليه من تاني اسبوع يبدا الجد افضل تروحو يوم واحد ف اول اسبوع بس ما يكون اول يوم يعني يا الربوع او الاتنين عشان تتعرفو ع القاعات وتشوفو الكتب و والدكاتره عشان تاني اسبوع من جد حتبدا الدراسه صح
وقت الطالب ف الجامعه انا بالنسه لجدولي كانت محاضراتي ورا بعض و ماعندي بيركات و احس مره كان حلو اروح بدري واخلص بدري فا ما اجلس كتير ف الجامعه فا ما كنت اعرف اغلب الملتقيات و دي الاشياء
و فيه شي كنت احس بيه انو صح في دراسه ف الجامعه وقرف زي المدرسه بس اليوم الدراسي ابدا مو ممل ف الجامعه يمكن عشان فيه حريه اكتر و جوالات وتقدر تاكل ف المحاضره ومافي تسلط الابلات

3- ماهي طريقة الطالب مع الدكاترة ؟ وكيف تكون أجواء المحاضرة ؟ هل تكون أشبه بالحصة في المرحلة الثانوية أم أنها تحتلف؟

يب عادي ما فرقت بس في الجامعه فيه راحه اكتر وحريه اكبر و مللل اقل
عن نفسي اي محاضره ممله وتكون الدكتوره ماتشرح قبل المحاضره نشتري. انا وصحباتي اكل وناكل ف المحاضره وتروح كلها ضحك واكل وفله ومحد داري عنك بس طبعا دي بس في المحاضرات الي مانفهم من الدكتوره زي الفيزيا و الحاسب
اما في كلاسات الانجلش خصوصا لو الاستاذه شديده ما تقدر لا تهش و لا تنش و دا عشان عدد الطالبات قليل و الكلاسات صغيره فا تسوي اي حركه مفضوحه مفضوحه هوا الكلاس الوحيد الي يرجعني لايام المدرسه
4-الزي الذي يلبسه الطالب في اليوم الدراسي؟؟
في السليمانيه تعالي بدري و البسي الي تبيه بس برضو يعني لحد يتمادا يعني عادي كنت البس بنطلون وتيشيرت عادي بس كنت بالعبايه خصوصا في الممرات اما جوت الكلاس عادي بدون عبايه

5- الوقت القصير مابين المحاضرات ماذا عنه؟
الوقت القصير ال 10 دقايق يادوب تتنقل من كلاس لكلاس فا ما كنا نعترف بال 10 دقايق خصوصا انو انا ما كان عندي بيركات فا كلو ورا بعضو

6- كم يستغرق من الوقت الانتقال من مبنى إلى مبنى مثلا من مبنى 91 إلى مبنى 31؟
ابعد مبنى كان 12 و كنت اخد في انجلش ليفيل 2
افضل مبنى 7 احسو نظيف و مريح الي هوا مبنى العلوم كنت اخد فيه ماث وفيزيا وكيميا و احصاء و مهارات يعني مره دا المبنى مهم ف التحضيري
مبنى 3 في النص كنت اخذ في حاسب جيد المبنى بس احسو قديم
مبنى460 قدام بوابه شماليه 3 دا المبنى كلو انجليزي اضن اخدت فيه ليفيل 3 وقتها كانو دوبهم فاكينو المبنى جديد ونظيف ومرتب ع حسب اخر مره دخلتو ما يبعد المبنى عن 7 و 3 في النص
مبنى 13 مره قديم كنت اخد فيه انجلش ليفيل 4 بس عادي
دي المباني الي درسة فيها
اقرب بوابه ل 12 شماليه 1
اقرب بوابه ل 7 غربيه 1 اضن او 2 نسيت رقمها و حتى شماليه 3 تعتبر قريبه
اقرب بوابه ل 460 شماليه 3
و للكسلانين الي ما يحبو يمشو فيه سيارات قولف توديكم للمبنى الي تبوه استعملو القولف خصوصا ف البدايه عشان ما تحوسو

8- أيضا سؤال خارج عن جوّ الدراسة وهو السكن هل هو قريب من الأماكن العامة مثل الأسواق والمطاعم وهكذا؟؟
السليمانيه اقرب شي لها الاندلس و فيه ماك والبيك وكارفور دا الي اعرفو

9-أيضا المكآفأة :متى يستلم الطالب أول مكآفأة ؟
استلمنا البطايق في تالت او تاني اسبوع مدري الي افتكرو انو اول ما استلمناها كان فيها مكافأت شهر 10 و بعدها بس فتره نزلت مكافأت شهر 11
طبعا هما يحددو يوم وموعد ومكان استلام البطاقه ع حسب الرقم الجامعي ترتيب الايام


10- وأخيرا اللي عنده نقطة يحب أن يوضحها ولم أذكرها يتفضل
احس مره طولت والاسأله كفت و وفت جاوبت عشان من جد بداية ما دخلت الجامعه كنت اتمنى دي الاجابات و الله يوفق الجميع

[fi9]

بسم الله الرحمن الرحيم

1- مسألة الكتب أو المراجع الدراسية

انت لا تشتري كتب الا لمن يطلبو منك الدكاترة وكمان انتبه انها تكون نفس الطبعة اللي يطلبوها منك , واشتريها من المكتبات اللي في الجامعة احسن , وترا اغلب المواد العلمية ما يحتاج تشتري كتب لانو المذاكرة من الملخصات افضل مثل الفيزياء و الكيمياء الخ. وبالنسبة للانجليزي تقدر تاخذ كتب اصحابك اذا كانو في لفل اعلى. انا السنة كلها ما كان عندي غير كتاب اتصال و كتاب حاسب واشتريت كتاب رياضيات عالفاضي. بالنسبة للسلايدات هي شرائح بوربوينت راح تكون المنهج اللي تذاكر منه, تستخدمها للاحصاء و الاحياء , تقدر تطبعها او تشتريها من المكتبات و تقدر تنزلها و تذاكرها من الكمبيوتر , وترى سلايدات الاحصاء لازم تجيبها معاك المحاضرات

2- كيف تكون أول الأيام الدراسية ؟

كأنه اول يوم في الابتدائي منت عارف ايش تسوي ولا فين تروح, تشوف كل الناس حايسين . غالبا ما يجو الدكاترة (ما عدا دكاترة الانجليزي) بس انت حاول تتعرف على المباني و القاعات وعلى الطلاب اللي معاك في المحاضرات, واذا تبا تعدل شي في الجدول ولا تبا تغير دكتورك حاول من اول يومين يكون احسن, غالبا في بداية الترم تكون المواقف زحمة بس تخف تدريجيا , وحاول توقف صح لانه اذا بتوقف غلط امكن يسحبوها.

3- ماهي طريقة الطالب مع الدكاترة ؟ وكيف تكون أجواء المحاضرة ؟ هل تكون أشبه بالحصة في المرحلة الثانوية أم أنها تحتلف؟

تختلف من دكتور لدكتور . بعضهم يكون شديد في مسألة الحضور و الغياب وبعضهم لا . و في اللي يشرح بذمة ,وفي اللي يجلس يقرالك من الكتاب

4-الزي الذي يلبسه الطالب في اليوم الدراسي؟؟

اي لبس لا يخالف الدين و العادات و التقاليد , لا تلبس شورت لانو بعض الدكاترة امكن ما يدخلك المحاضرة

5- الوقت القصير مابين المحاضرات ماذا عنه؟

في 10 دقائق بين المحاضرات انت ممكن تستغلها تروح تفطر أو تشتري شي للمكتبة او الدكتور يشرحلك نقطة منت فاهمها , احيانا ممكن الدكتور ياخذ منها دقيقتين عشان يحضّر الطلاب بعد المحاضرة

6- كم يستغرق من الوقت الانتقال من مبنى إلى مبنى مثلا من مبنى 91 إلى مبنى 31؟

ما ياخذ وقت , ممكن 4 دقائق , و ترى 31 و 91 هي ابعد مبنيين عن بعض

10- وأخيرا اللي عنده نقطة يحب أن يوضحها ولم أذكرها يتفضل

*حاول تنتبه للحضور و الغياب لانه في دكاترة ما يتهاونو في ذي المسألة وممكن يعطو حرمان من المادة لا سمح الله

*حاول انك تجيب اسألة اختبارات قديمة, خاصةً المواد العلمية. مرة بتساعدك و تشيل عنك الخوف من الاختبار و بتعطيك فكرة عن كيفية الاسئلة و افكارها ومواضعها

*انتبه من الاشاعات, تاكد من الشباتر اللي داخلة في الاختبار ومن فين تذاكر ومواعيد واماكن الاختبارات, ولا تصدق كل ما تسمعه , تأكد من كل شي بنفسك , لا تثق بشخص ما تعرفه زين

*بالنسية للمدرسين الخصوصيين, انت اول شي جرب شرح دكتورك . اذا حسيت انك ما فهمت, تقدر تروحله المكتب و يشرحلك . اذا مرة مافي فايدة حاول تنقل عند دكتور ثاني أو شوف ملخصات ممكن تفهم منها , يعني خلي المدرّس الخصوصي آخر حل , ومو شرط اذا شفت كل اصحابك راحو عند مدرس خصوصي يعني انت لازم تروحله معاهم, أغلب المواد ما تحتاج مدرّس . وفي بعض الطلاب يروح عند مدرس خصوصي ويسويله دعاية ويحسسك انه الافضل في العالم وفي النهاية تكون درجاته على حدود الـ60

ما عندي فكرة عن سؤال 8 و 9
وفقكم الله جميعا , ويارب تتخصو التخصص اللي تبغوه

[الهيملي]

شكرا شكرا شكرا على هذه الإجابات الواضحة اللي إن شاء الله راح يستفيد منها كل طالب يدخل على الجامعة مايعرف وش يسوي , جزاكم الله حير وأتمنى لكم التوفيق.

[الهيملي]

حبيت أشكارككم بهذه الإجابات من خارج المنتدى :

هذه أجوبة بعض الشباب من برى المنتدى جزاهم الله خير

السلام عليكم أولا انا مثلك هذي السنة اول سنة لي بالجامعة لكن بنت وبجاوب عاللي اعرفه:
1- كثير من الدفعة اللي قبلنا يقولون ما يحتاج كتب إلا الكيمياء لأنها طويلة وبالانقلش ويبغالها بال بالنسبة لي بأشتريها إن شاء الله للاحتياط والسلايدات هيا عر
وض على ما أعتقد للدروس , والمراجع هيا ملخصات لدكاترة في الجامعة بيلخصوا المنهج عشان الطالب يذاكر منه ويقدر يستغني عن الكتاب بوجود الملخصات ونفسهم يقدروا يدرسونك بس خصوصي يعني بفلوس ولازم الطالب يختبر ويدرب نفسه في نماذج اختبارات السنوات السابقة حتى يتعرف ع الاختبار حقه.

2- بالنسبة لاول الأيام حنا البنات عندنا دورة تعريفية بالجامعة وانتم الأولاد ما أعرف بس حبذا لو تروح الجامعة وتتعرف على أماكن الكلاسات والمباني وكم المدة لما تنتقل من مبنى لمبنى يعني بالعربي تخطط الجامعة كلها هذا أول سبوع او اول 3 أيام يعني غالبا اول 3ايام مافي محاضرات فلا تخاف من ناحيتها بس روح عشن تتعرف عليها اكثر.

3- لا يوجد طريقة معينة للطالب والدكتور كل دكتور وحسب طلباته وآدابه ومتطلباته بالنسبة لطلابه فيه دكاترة لازم يحضروا وشديدين وفيه لا ما يحضروا يعني عندهم وجودك زي عدمك عادي وفيه بعضهم طيب وكويس مع الطلبة وفيه بعضهم لا وهكذا انت بمهارتك تتعرف ع الدكتور وتكون الطالب المجد عشان آداب العلم .

4-عادي أي لبس بالنسبة للشباب.


5-الوقت هذا تنتقل من مبنى لمبنى أو كلاس لكلاس يعني مسافة الطريق وفيه وقت حوالي ساعة تقريبا تفطر فيها او تسوي اللي تبيه.


6-كم يستغرق ياريت تكون انت تجرب او اللي مجرب يحاول يساعدك ان شاء الله ...






بالنسبة للمذكرآت والكتب

- الانجلش : كتب تشتريهآ من المكتبآت القريبة من مبآني الانجلش
هيآ 4 كورسآت .. كل كورس كتآبين .. ونآسي قيمة الكتب بس أظن كل مستوى بـ 90 ريآل
طبعآ حسب اختبآر تحديد المستوى ممكن تنقز كم مستوى من بدري بدون درآسة

- المآث : كآن المنسق وقتنآ حمزة أبو جبل .. وكآن يكفي بالرآحة إنك تزآكر من مذكرآت جمآل السعدي ومن الوورك شوب حقت أبو جبل عشآن تجيب الاي بلس .. لكن البروف حمزة حآليآ نقلوه لرآبغ .. فلو مش هوآ المنسق فيبغآلكم تدبروآ نفسكم وتسألوآ وتعرفوآ مستوى الأسئلة كيف .. لكن مذكرآت جمآل السعدي مفيدة جدآ وشآآآملة .. تلآقيهآ في مكتبة 2000 في السليمآنية
سعر الملخصآت 30 ريآل تقريبآ لكل اختبآر
المآدة دي لآ تضيعوآ فيهآ الاي أو ع الأقل اي بلس .. شوية مزآكرة وشد حيل وتركز بس يبغآلهآ

- الفيزيآ
أشرف بركآآآت .. بالنسبة ليآ وآضح جدآ وريحني .. يقولوآ مذكرآت أحمد العربي برضو بطلة بس مآ قد جربتهآ
والأسئلة القديمة مهمة جدددآ .. زآكر 4 أو خمسة اختبآرآت قديمة وحلهآ بنفسك

- الكيميآء : بالنسبة ليآ كنت أزآكر من ملخصآت سيد وأشرف
لأنه للأسف في كل مزكرة في شي نآقص .. فكنت أزآكر الاتنين وأشوف الأشيآء اللي يختلف طريقة حلهآ وأركز على طريقة وحدة عشآن لآ أشتت نفسي .. المآدة شوية طويلة في الأخير فحآول الاختبآر الأول تقطع حيلك وتجيب درجة حلوة

الأحيآء : دي مآدة الغضب .. ومسلسل الرعب للطلآب :p
كلو ببركآت الدكتور نزآر .. وببركآت الطلآب اللي قبلنآ اللي خوفونآ من المآدة دي وخلوهآ بعبع .. شوف أول شي لآ تلتفت لأي أحد يقلك ملخصآت عشآن لآ تضيع زي أغلب دفعتنآ
زآكر من السلآيدآت اللي في موقع الأحيآء وبسسس
تبآن لك طويلة .. لكن والله لو تركز وتنسى كلآم النآس عنهآ يمديك تبدع
بس أهم شي تزآكر أول بأول .. ولآزم تقرآ السلآيدآت 3 أو 4 مرآت عشآن تحفظهآ وتحفظ مصطلحآتهآ .. لو سويت كدآ أضمنلك مآ تقل عن البي إن شآء الله

الاحصآء :
مآدة تآآآفهة .. بس الله يهديهم صكونآ باختبآر نهآئي يدوخ
عشآن تجيب الاي بلس شد حيلك في أول اختبآرين .. والله تآفهمة جدآ وأنآ ندمت إني ضيعت فيهم كم درجة حرمتني من الاي بلس
زآكر ملخصآت السعدي .. وملخصآت منسق المآدة .. تلآقيهآ في موقع سعيد الغآمدي أو دآغستآني
مآدة لطيفة وتنقنق عليهآ وحلوة كدآ وممتعة خصوصآ لمن يقعد يعد في الفلوس :p

بقية الموآد ( الحآسب - مهآرآت الاتصآل ) دي زي الحلويآت حقت العيد .. كل مآ تدخل الصآلة تنقنق على كم حبة .. سهآلآآآآت أكتر شي وحرآم مآ تجيب فيهآ الاي بلس .. أسعآر كتبهآ أظن الحآسب مية وشوية والاتصآل 30 .. موآد مرة تآفهة ومن تفآهتهآ يعلموك كيف تكبر الخط في الوورد ويعلموك ايش هوآ الديسك :




النسبة للدوآم .. فلو عديت الانجلش ح تكون مرة مرتآح .. ولو عديت مستويين فدرست اتنين في الترم الأول والتآني كنت فآضي ح تنبسط الترم التآني ودوآمك فآضي أكتر شي

اللي يتعب في الدوآم هوآ الانجلش بس .. الله يعينك إذآ جآك وآحد بيض ويطفش .. وأحلى شي لو جآك وآحد لطيف ويقدر الطآلب ويحشش ويشرح كويس ويفيدك وينآقشك .. لآ تشيل هم الدوآم كتير لأنك ح تتعود عليه
والغيآب ترآ زي السبحة انتبي منو .. لمن تفك محآ تسك :p
منذ 7 دقائق ·


طريقة الطآلب مع الدكآترة زي المدرسة بالزبببط .. باستثنآء انو مآفي وآجبآت
اللي يفرق الانجلش بس .. ومآ يفرق كتير .. أهم شي إنك تجيب كل طلبآت الدكتور وحيقلكم على ملف تجيبه معآك .. خلي ملفك مرتب وكآمل .. وجيب الطلبآت أول بأول .. وأشعر المدرس باهتمآمك .. والعشرة درجآت اللي في يد المدرس ح تكون في جيبك
منذ 5 دقائق ·
الزي لآزم جنز برتقآلي مع فلينة علآقي وطآقية فسفورية هههههههههههههههههه
هدي جآمعة محد يقدر يقللك شي ع اللبس .. ألبس اللي يريحك
طبعآ من قوآنين الجآمعة كآتبين إنو لبس لآ يخدش الحيآء .. طبعآ مآ أظن إنو طآلب جآمعي ح يجي مبين صرته :p
منذ 4 دقائق ·

إ
الوقت اللي بين المحآضرآت غآلبآ يروح في المشوآر من الكلآس للكلآس
إلآ وقت بريك الغدآ تروح تصلي أو تآكل أو في نآس ينخمدو في الفصول أو المصلى :p
الله يعينك بس إذآ جدولك كآن بآيخ وكآن عندك بريكآت أبو سآعة .. لأنه مآ يمديك تروح وتجي فيهآ من البيت

نصيحة لوجه الله .. جيب معآك كتآب ولآ مجلة ولآ لو معآك آيبآد حمل كتب أو أي شي تتسلى بيه أو تنتفع منه وتضيع وقت البريكآت بدل مآ تتفرج في البلآط حق الجآمعة وتستنى كلآسك في الشمس :)


الانتقآل بين المبآني لآ تشيل همه .. كلهآ جمب بعض
وأكبر وقت ممكن تقطعه مى يتعدى 5 دقآيق مشي
ميزتهآ ريآضة ولو إنتآ من الحجم العآئلي تكون تخفيف برضو :


السكن .. اممممممـ الله يعينك فيلو جن ويخوف ههههههـ
ح تسمع قصة الجن كتير بس بكآشين لآ تشيل همهآ
السكن صرآحة معفن .. بس قريب من الجآمعة وفي بآصآت من وإلى السكن
ولو عندك سيآرة مرة قريب من الجآمعة وقريب من السليمآنية والنسيم اللي كلهآ مطآعم ومكتبآت وأضمنلك لو مآ مسكت نفسك يصير وزنك تلآجة الين نهآية الترم :p
قبل بضع ثوانٍ · أعجبني
المكآفأة أفتكر إنو حقت شوآل جآتنآ

الانقلش هوا اتقل كدوام من بقية المواد
مهارات الاتصال ابعدو عن دكتور ياسين شعبان
ولازم تعرف انك في الجامعه رح تكون عندك حريه اكبر فلا تسيئ استخدامها
ابعد عن الناس اللي تسحب عالمحاضرات وما تهتم
ابعد عن الناس اللي تحبطك
واهم شي اهم شي لا تاخد على كلام احد
جررررب بنفسك لأنو 90 % من كلام الطلاب غلط او نظره او تجربه شخصيه غالبا ما تنطبق عليك
حاول تخاوي الدكتور
واذا ربنا ابتلاك بدكتور ما يفهم حاول تنقل من عندو على طول
لا تروح للدكاتره اللي ما يحضرو روح للدكاتره اللي شرحهم كويس
واذا ما قدرت تحول لدكتور تاني لا تتردد في انك تاخد مدرس خصوصي
منذ 12‏ ساعة · عدّل ·

واهمممممم نقطه في السنه التحضيريه
هيا انو نفس الرعب اللي كنت تعيشو ايام تانيه وتالته ثانوي
ولازم تجيب معدل عشان تخش الجامعه
هوا نفسو لازم تعيشو دحين

انا الحمدلله متخرج من الثانوي بمعدل عالي وقدرات وتحصيلي درجات عاليه
ورحت للبترول وكنت ماشي فيها تمام وبسهوله كان يمديني ادخل هندسه لكن لظروف خرجت منها وجيت هنا
بس اهملت في السنه التحضيريه وفي الاخير معدلي ما أهلني اني ادخل التخصص اللي ابغاه وشوفني اترميت في كلية الاقتصاد والاداره
ورح احاول ارفع معدلي دحين على امل اني اقدر احول للهندسه

نصييييحه خلاص عديتو مرحله المدرسه
دحين انت طالب جامعي لازم تكون انسان مسؤول
لازم تفهم انك اذا ما شديت واتخرجت من التخصص المناسب بالمعدل المناسب ما رح تلاقي مستقبل وظيفي ناجح
رح تتعب في حياتك بعدين
كفايه لعب
لازم تفهم الاشياء دي من دحين عشان لا تضيع الوقت وتضيع الفرص اللي قدامك

خصوصا للطلاب اللي ساكنين لحالهم بعيد عن اهلهم
نصيحتي لا تهمل صلواتك
ونظم وقتك قبل ما تندم اهمممم شي تنظم وقتك
ولا تعطي نفسك الحريه الكامله لأنها رح تضيعك

دا من واقع تجربتي
وبالتوفيق للجميع

[SamuraiQ]

>>>>جاري الأنتحار

[الهيملي]

المشاركة الأصلية كتبت بواسطة samuraiq >>>>جاري الأنتحار

ثواااااني قبل لا تنتحر عشان تقول لنا السبب وبعدين خذ راحتك