الغاء الاعتذار عن الترم اللي راح

[سنافيه]

السلام عليكم ورحمة الله وبركاته..

كل عام وانتم بخير,

انا قدمت اعتذار عن الترم الثاني اللي راح لأسباب الولاده

والحين ابي الغي الاعتذار وماني عارفه كيف الغيه

اروح للكليه والغيه ؟ او تفتح ايقونة الغاء اعتذار في الاودس

هل فتحت اليقونه وتقفلت ولا لسه ؟

وبعدين انا مرررررررررره في حوسه مع الاودس الجديد مو عارفه فيه شي

الله يسعدكم دنيا واخره اللي يعرف يرد عليا

[nona92]

انا نفسك بالضبط اعتذرت عشان الولاده بس انا سالت فالجامعه قالولي احنا نرجعك عادي من غير ما اسوي شي بس مدري خايفه مو ضامنه الكلام لاني دخلت النت ادور لقيت ناس قالت لا لازم تروحي تسجلي ومدري ايش وناس قالت زي اللي قالولي فالجامعه انو يرجعوني عادي
فاللي عنده فكره ياريت يساعدنا

[samsomah]

انا كمان اعتذرت عن الترم التاني وكلامك يا nona صح لانو الاغلب بيقولوا انو الجامعه ترجعنا
وبما انك سالتي الجامعه وقالوا نفس الكلام كدا اتطمنت والحمدلله
بس برضوا اللي قدم اعتذار وعندو فكره يفيدنا او تفيدنا

ومبروك عالولاده ويتربوا في عزكم يا رب

[nona92]

ان شاء الله ربي ييسر
والله يبارك فيك حبيبتي

[samsomah]

اذا حصل اي مستجدات معاكم بليز خلونا نخبر بعض لانو احتمال يشيلوا الاعتذار الاثنين او الثلاثاء

[nona92]

هو انا افتح فالقديم مكتوب في التسجيل معتذر بس فالجديد مكتوب مستمر مدري مين الصح

[samsomah]

اساسا ماني فاهمه ولا شي في الجديد

[samsomah]

مكتوب عندي في الجديد لا يوجد فصل دراسي متاح

[nona92]

والله مدري خلي نشوف اذا فتح الحذف والاضافه وش يصير بيبان وقتها

[البعير]

أفيدونا بما يستجد معكم ... ولكم جزيل الشكر..